ഇംഗ്ലണ്ട് നായകന് ജോ റൂട്ട് മുന് നായകന് അലെസ്റ്റര് കുക്കിനെ മറികടന്ന് കൂടുതല് അന്താരാഷ്ട്ര റണ്സ് നേടുന്ന ഇംഗ്ലണ്ട് താരമായി മാറി. 64 റണ്സ് നേടിയതോടെ നിലവില് 15780 റണ്സാണ് റൂട്ടിന്റെ പേരിലുള്ളത്. റൂട്ടിന്റെ ഒറ്റയാള് പ്രകടനമാണ് വന് തകര്ച്ചയില് നിന്ന് ഇംഗ്ലണ്ടിനെ രക്ഷിച്ചത്. വാലറ്റത്ത് സാം കറെന് (27*) മികച്ച ബാറ്റിങ് പ്രകടനമാണ് കാഴ്ചവെച്ചത്. മറുവശത്ത് പിന്തുണ ലഭിച്ചിരുന്നെങ്കില് ഒരു പക്ഷെ സ്കോര്ബോര്ഡ് 200 കടത്താന് കറെന് സാധിക്കുമായിരുന്നു. 27 റണ്സ് പ്രകടനത്തോടെ 1000 അന്താരാഷ്ട്ര റണ്സ് അദ്ദേഹം പൂര്ത്തിയാക്കി.
Also Read: T20 World Cup: ഇന്ത്യ- പാക് പോരാട്ടത്തിന്റെ തീയ്യതി പുറത്ത്, ആരാധകര് ആവേശത്തില്
അവസാനമായി ഇന്ത്യയുമായി ഏറ്റുമുട്ടിയ 9 ഇന്നിങ്സില് ഏഴ് തവണയും ഇംഗ്ലണ്ട് 200 റണ്സ് പോലും നേടാതെ പുറത്തായി. ഇന്ത്യന് നായകന് വിരാട് കോലിക്ക് ഇംഗ്ലണ്ടില് ടെസ്റ്റ് പരമ്പരയെന്ന ചരിത്ര നേട്ടം സ്വന്തമാക്കാനുള്ള അവസരമാണ് മുന്നിലുള്ളത്. ഇംഗ്ലണ്ടില് കോലി നായകനാവുന്ന ഏഴാമത്തെ ടെസ്റ്റ് മത്സരമാണിത്. എല്ലാ മത്സരത്തിലും കോലിക്ക് ടോസ് നഷ്ടമായതെന്നതാണ് മറ്റൊരു കാര്യം.
Also Read: 'ഇവര് പിശുക്കന്മാര്', റണ്സ് വിട്ടുകൊടുക്കില്ല, ടോപ് ഫൈവ് ഇതാ, ഒരു ഇന്ത്യന് താരം പോലുമില്ല
ഇംഗ്ലണ്ട് ടെസ്റ്റ് ബാറ്റിങ് നിരയിലെ ആറും ഏഴും നമ്പര് താരങ്ങള് ഒരേ മത്സരത്തില് പൂജ്യത്തിന് പുറത്താവുന്നത് ഇത് ഏഴാം തവണയാണ്. ഡാന് ലോറന്സ്,ജോസ് ബട്ലര് എന്നിവരാണ് പൂജ്യത്തിന് പുറത്തായത്. ആദ്യ ഇന്നിങ്സില് മൂന്ന് വിക്കറ്റ് വീഴ്ത്തിയതോടെ ഇംഗ്ലണ്ടിനെതിരേ 34 വിക്കറ്റുകള് ഷമി പൂര്ത്തിയാക്കി.
Also Read: IND vs ENG:'അവനില്ലാത്തത് ഇന്ത്യക്ക് തിരിച്ചടി', സൂപ്പര് ഓള്റൗണ്ടറുടെ അഭാവത്തെക്കുറിച്ച് ഹര്ഭജന്
Also Read: INDvENG: ആദ്യദിനം ഇന്ത്യക്കു സ്വന്തം, പേസാക്രണമത്തില് ഇംഗ്ലണ്ട് തരിപ്പണം- 183ന് ഓള്ഔട്ട്
ഒരു ടീമിനെതിരേ ഷമി നേടുന്ന കൂടുതല് വിക്കറ്റാണിത്. ഇന്ത്യ ഏഷ്യക്ക് പുറത്ത് ആദ്യ ദിനം ഓള്ഔട്ടാക്കിയ ടീമിന്റെ കുറഞ്ഞ മൂന്നാമത്തെ ടോട്ടലാണ് 183. 2007ല് 198 റണ്സിനും 2011ല് 221 റണ്സിനുമാണ് ഇംഗ്ലണ്ടിനെ ഇന്ത്യ ആദ്യ ദിനം പുറത്താക്കിയത്. മൂന്ന് തവണയും വേദി നോട്ടിങ്ഹാം ആയിരുന്നു എന്നതാണ് ശ്രദ്ധേയമായ കാര്യം.