മെസ്സി മനുഷ്യനല്ല!!
മെസ്സിയെ വിലക്കാനുള്ള പ്രധാന കാരമായി ക്വിറോസ് ചൂണ്ടിക്കാണിക്കുന്നത് അദ്ദേഹം മനുഷ്യനല്ലെന്നതാണ്. മെസ്സി മറ്റെവിടെയോ നിന്നെത്തിയ ആളാണ്. ഒരു സാധാരണ മനുഷ്യന് സാധിക്കുന്നതല്ല മെസ്സി കളിക്കളത്തില് കാഴ്ചവയ്ക്കുന്ന പ്രകടനമെന്നും അദ്ദേഹം ചൂണ്ടിക്കാട്ടി.
ഫിഫ അന്വേഷിക്കണം
മെസ്സി ഏതു ലോകത്തു നിന്നാണ് വന്നത് എന്നതിനെക്കുറിച്ച് അന്താരാഷ്ട്ര ഫുട്ബോള് ഫെഡറേഷനായ ഫിഫ തന്നെ അന്വേഷിക്കണമെന്നും ക്വിറോസ് തമാശയായി ആവശ്യപ്പെടുന്നു. എങ്കില് മാത്രമേ മെസ്സിയുടെ 'ഉറവിടം' മനസ്സിലാക്കാന് സാധിക്കുകയുള്ളൂവെന്നും അദ്ദേഹം പറയുന്നു.
അസാധാരണ താരം
മെസ്സി ഒരു അസാധാരണ താരം തന്നെയാണെന്നു ക്വിറോസ് അഭിപ്രായപ്പെട്ടു. അദ്ദേഹം ഈ ലോകത്തു നിന്നുള്ള ആളല്ല. മനുഷ്യനായിരുന്നെങ്കില് കളിക്കളത്തില് ഇങ്ങനെ പ്രകടനം നടത്താന് കഴിയില്ലെന്നും അദ്ദേഹം സൂചിപ്പിച്ചു.
കഴിഞ്ഞ ലോകകപ്പിന്റെ ഗ്രൂപ്പുഘട്ടത്തില് ഇറാനെതിരേ മെസ്സി അര്ജന്റീനയ്ക്കു വേണ്ടി കളിച്ചിരുന്നു. അന്ന് ഇഞ്ചുറിടൈമില് മെസ്സിയുടെ ഗോളാണ് അര്ജന്റീനയ്ക്കു ജയം സമ്മാനിച്ചത്.
അന്നത്തെ തോല്വി വേട്ടയാടുന്നു
അര്ജന്റീനയോട് നാലു വര്ഷങ്ങള്ക്കു മുമ്പേറ്റ തോല്വി തന്നെ ഇപ്പോഴും വേട്ടയാടുന്നുണ്ടെന്ന് ക്വിറോസ് വ്യക്തമാക്കി. അന്ന് അവസാന മിനിറ്റില് മെസ്സിയുടെ ഒരു മാജിക്ക് തന്നെയാണ് അര്ജന്റീനയ്ക്കു ജയം സമ്മാനിച്ചത്. മെസ്സിക്കു മാത്രമേ അത്തരമൊരു മായാജാലം കളിക്കളത്തില് നടത്താന് സാധിക്കുകയുള്ളൂവെന്നും ഇറാന് കോച്ച് വിശദമാക്കി.
ഇത്തവണ റൊണാള്ഡോയ്ക്കെതിരേ
കഴിഞ്ഞ തവണ മെസ്സിയാണ് ഇറാന്റെ വഴി മുടക്കിയതെങ്കില് ഇത്തവണ മറ്റൊരു ഇതിഹാസമായ പോര്ച്ചുഗലിന്റെ ക്രിസ്റ്റിയാനോ റൊണാള്ഡോയാണ് അവര്ക്കു മുന്നിലുള്ളത്. നേരത്തേ മാഞ്ചസ്റ്റര് യുനൈറ്റഡില് അസിസ്റ്റന്റ് കോച്ചായിരുന്നപ്പോള് ക്വിറോസിനു കീഴില് റൊണാള്ഡോ പ്രവര്ത്തിച്ചിട്ടുണ്ട്.
റഷ്യന് ലോകകപ്പില് പോര്ച്ചുഗല്, സ്പെയിന്, മൊറോക്കോ എന്നിവരടങ്ങിയ ശക്തമായ ഗ്രൂപ്പിലാണ് ഇറാന്റെ സ്ഥാനം.