ലൈറ്റ് ഹൗസ് ടാറ്റൂ
ബെംഗളൂരുവിലാണ് കെഎല് രാഹുല് ജനിച്ചത്. ഇവിടെ കടലിനു സമീപമാണ് താരത്തിന്റെ വീട്. അതുകൊണ്ടു തന്നെ കുട്ടിക്കാലം മുതല് തന്നെ രാഹുലിന്റെ മനസ്സില് മായാതെ നില്ക്കുന്നതാണ് ബീച്ചിനു സമീപത്തുള്ള ലൈറ്റ്ഹൗസ്. ഇതേ തുടര്ന്നു തന്റെ ഇടതു കൈത്തണ്ടയില് ഈ ലൈറ്റ്ഹൗസ് താരം പച്ച കുത്തുകയും ചെയ്തിട്ടുണ്ട്.
ക്ലോക്ക് ടാറ്റൂ
11 മണിക്കായിരുന്നു കെഎല് രാഹുലിന്റെ ജനനം. ഇതേ തുടന്ന് ഈ സമയം രേഖപ്പെടുത്തിയ ഒരു ക്ലോക്കിന്റെ ടാറ്റൂ താരത്തിന്റെ വലതു കൈയിലെ പേശിയില് പതിപ്പിക്കുകയും ചെയ്തിട്ടുണ്ട്. വെനി, വിദി, വിസി എന്നിങ്ങനെ ലാറ്റിന് വേര്ഡും ഇതോടൊപ്പം പച്ച കുത്തിയിരിക്കുന്നു. രാഹുലിന്റെ സമയം തുടങ്ങിക്കഴിഞ്ഞുവെന്നും തന്റെ ബാറ്റ് കൊണ്ട് ലോകം ഭരിക്കാന് ശ്രമിക്കുമെന്നുമാണ് ഇതു സൂചിപ്പിക്കുന്നത്.
ദേശി ബസാര ടാറ്റൂ
സൂപ്പര് ഹീറോയായ ബാറ്റ്മാന്റെ കടുത്ത ആരാധകനാണ് കെഎല് രാഹുല്. ഇതേ തുടര്ന്ന് റൈസ് അപ്പ് എന്ന് അര്ഥം വരുന്ന ഹിന്ദി വാക്കായ ദേശി ബസാരയെന്നു താരത്തിന്റെ വലതു കൈത്തണ്ടയില് പച്ച കുത്തിയിരിക്കുന്നു. 2012ലെ ബാറ്റ്മാന് സിനിമയായ ദി ഡാര്ക്ക് നൈറ്റ് റൈസസ് എന്ന സിനിമയെ അടിസ്ഥാനമാക്കിയാണ് ഇങ്ങവെ കുറിച്ചിരിക്കുന്നത്.
284, 11 ടാറ്റൂസ്
ശരീരത്തിന്റെ വലതു വശത്തായി റോമന് നമ്പറുകളായ 284, 11 എന്നിവ കെഎല് രാഹുല് പച്ച കുത്തിയിട്ടുണ്ട്. ഇതു താരത്തിന്റെ ടെസ്റ്റ് ക്യാപ്പ് നമ്പര് കൂടിയാണ്. ഇന്ത്യക്കായി കളിച്ച 284ാമത് ക്രിക്കറ്ററാണ് രാഹുല്. 11 എന്നത് ഇന്ത്യന് ടീമില് താരത്തിന്റെ ആദ്യത്തെ ജഴ്സി നമ്പറുമാണ്. നിലവില് ഒന്നാണ് രാഹുലിന്റെ ജഴ്സി നമ്പര്.
സിംബയുടെ ടാറ്റൂ
കെഎല് രാഹുലിന്റെ പ്രിയപ്പെട്ട വളര്ത്തുനായയാണ് സിംബ. സോഷ്യല് മീഡിയയില് സിംബയ്ക്കൊപ്പമുള്ള ചിത്രങ്ങള് താരം ആരാധകരുമായി പങ്കുവയ്ക്കുകയും ചെയ്യാറുണ്ട്. 2017ലാണ് പുറത്ത് സിംബയുട രൂപം രാഹുല് പച്ച കുത്തിയിരിക്കുന്നത്.
കൂടാതെ കൈത്തണ്ടയില് അച്ഛന്റെയും അമ്മയുടെയും പേരും താരം പച്ച കുത്തിയിട്ടുണ്ട്. രാജേശ്വരി, ലോകേഷ് എന്നിങ്ങനെയാണ് എഴുതിയിരിക്കുന്നത്.
ഇടതു കൈയില് മൂങ്ങയുടെ ടാറ്റൂവും രാഹുല് പതിപ്പിച്ചിട്ടുണ്ട്. വിവേകത്തെയാണ് ഇതു സൂചിപ്പിക്കുന്നത്.
ഇടതു കൈത്തണ്ടയില് ഏരീസ് എന്ന തന്റെ നക്ഷത്രചിഹ്നത്തെ സൂചിപ്പിച്ചുകൊണ്ട് ആട്ടു കൊമ്പുകളുള്ള താക്കോലിന്റെ ടാറ്റൂവുമുണ്ട്. ഇതു പുതിയ അനുഭവങ്ങള്ക്കായി കൂടുതല് ഉല്സാഹത്തോടെയിരിക്കാന് രാഹുലിനെ പ്രചോദിപ്പിക്കുകയും ചെയ്യുന്നു.
ഒമ്പതാമത്തേത് കണ്ണിന്റെ ടാറ്റൂവാണ് കൈയിലാണ് തുറന്ന കണ്ണിന്റെ ടാറ്റുയുള്ളത്. മുത്തശ്ശനും മുത്തശ്ശിയും തന്നെ എല്ലായ്പ്പോഴും നിരീക്ഷിച്ചുകൊണ്ടിരിക്കുന്നുവെന്ന അര്ഥത്തിലാണ് ഈ ടാറ്റൂ പതിപ്പിച്ചിരിക്കുന്നത്.