Click it and Unblock the Notifications
ക്രിക്കറ്റിലെ നാലു ഫോര്‍മാറ്റുകളിലും കളിക്കാന്‍ ഭാഗ്യമുണ്ടായ അപൂര്‍വ്വം താരങ്ങളിലൊരാളാണ് വീരു. ഇന്ത്യക്കു വേണ്ടി ഏകദിനം, ടെസ്റ്റ്, ടി20 എന്നിവ കളിച്ച അദ്ദേഹം വിരമിച്ച ശേഷം ടി10 ലീഗിലും ഒരു കൈ നോക്കിയിട്ടുണ്ട്. എന്നാല്‍ വീരു ജീവിതത്തില്‍ ആദ്യമായി കളിച്ച ഫോര്‍മാറ്റ് ടി10 ആണെന്നത് അധികമാര്‍ക്കുമറിയില്ല. ഒരിക്കല്‍ അദ്ദേഹം തന്നെയാണ് ഇക്കാര്യം തുറന്നുപറഞ്ഞത്.
ടി10 ലീഗുമായി ബന്ധപ്പെട്ട് നേരത്തേ ഒരു ഷോയില്‍ മുന്‍ ടീമംഗമായ സഹീര്‍ ഖാനോടൊപ്പം സംസാരിക്കവെയായിരുന്നു വീരേന്ദര്‍ സെവാഗ് മനസ്സ് തുറന്നത്. ടി10 മല്‍സരങ്ങള്‍ ഞങ്ങളെല്ലാം വളരെ മുമ്പ് കളിച്ചിട്ടുള്ളത് തന്നെയാണ്. കുട്ടിക്കാലത്തു സ്‌കൂള്‍ വിട്ടുനിന്ന ശേഷം തെരുവില്‍ കളിച്ചിരുന്നപ്പോള്‍ അതു ടി10 മല്‍സരങ്ങളായിരുന്നു.
IND vs ZIM: നായകനായി രാഹുല്‍, ടീമില്‍ കോലിയും? സഞ്ജുവിനും നറുക്കുവീഴും
കാരണം അപ്പോള്‍ ടി10 മല്‍സരങ്ങക്കുള്ള സമയം മാത്രമേ ഞങ്ങള്‍ക്ക് ഉണ്ടാവുമായിരുന്നുള്ളൂ. 10 ഓവറുടെ മല്‍സരങ്ങളായിരുന്നു ഞങ്ങള്‍ സ്ഥിരമായി കളിച്ചിരുന്നത്. സൂര്യന്‍ അസ്തമിക്കുമ്പോഴേക്കും രണ്ടും മൂന്നു മല്‍സരങ്ങളില്‍ കളിക്കാന്‍ സാധിക്കുമായിരുന്നുവെന്നും വീരേന്ദര്‍ സെവാഗ് പറയുന്നു.
ഇപ്പോള്‍ ടി10 മല്‍സരങ്ങള്‍ അന്താരാഷ്ട്ര പ്ലാറ്റ്‌ഫോമിലേക്കും വന്നിരിക്കുകയാണ്. ഞാനൊക്കെ ടി10 മല്‍സരങ്ങള്‍ കൡച്ചു വളര്‍ന്നയാളാണ്. സഹീര്‍ ഖാനും കുട്ടിക്കാലത്ത് തന്റെ ഗ്രാമത്തില്‍ ടി10 മല്‍സരങ്ങളില്‍ ഒരുപാട് കളിച്ചിട്ടുണ്ടാവും.
ടെന്നീസ് ബോളുകള്‍ കൊണ്ടായിരുന്നു കുട്ടിക്കാലത്തു ഞങ്ങള്‍ കളിച്ചിരുന്നത്. കാരണം ആ സമയത്തു ബോള്‍ വാങ്ങാനുള്ള പണം തങ്ങളുടെ പക്കല്‍ ഇല്ലായിരുന്നുവെന്നും വീരേന്ദര്‍ സെവാഗ് കൂട്ടിച്ചേര്‍ത്തു.
ഇന്ത്യന്‍ ടീമില്‍ അവനില്ലെങ്കില്‍ എതിര്‍ ടീം നൃത്തം ചെയ്യും! സ്റ്റാര്‍ ബാറ്ററെ പുകഴ്ത്തി സ്റ്റൈറിസ്
അബുദാബിയില്‍ നടക്കുന്ന ടി10 ലീഗില്‍ കളിക്കാന്‍ ഞാന്‍ പോയിരുന്നു. വലിയ ആവേശത്തോടെയാണ് ഞാന്‍ ചാംപ്യന്‍ഷിപ്പില്‍ കളിക്കാന്‍ പോയത്. 70-80 റണ്‍സൊക്കെ അടിച്ചെടുക്കാമെന്നതായിരുന്നു എന്‍െ പ്ലാന്‍. പക്ഷെ അബുദാബിയിലെത്തിയപ്പോള്‍ അവിടെ നിലവിലെ പല കളിക്കാരുമുണ്ട്. പാകിസ്താന്‍, ശ്രീലങ്ക തുടങ്ങി ലോകത്തിന്റെ പല ഭാഗങ്ങളില്‍ നിന്നുള്ളവര്‍ ലീഗില്‍ കളിക്കുന്നതായി അറിയാന്‍ കഴിഞ്ഞു.
അപ്പോഴാണ് എനിക്കു ഈ ലീഗില്‍ കളിക്കാന്‍ കഴിയില്ലെന്നു തോന്നിയത്. കാരണം ഞാന്‍ നേരത്തേ തല്ലിച്ചതച്ച പാക് ബൗളര്‍മാര്‍ എന്നോട പകരം ചോദിക്കുമെന്നു ആശങ്കയുണ്ടായിരുന്നു. ഇതോടെ ഞാന്‍ ബാക്ക്ഫൂട്ടിലുമായി. വിരമിച്ച ശേഷം രണ്ടു വര്‍ഷത്തോളം ക്രിക്കറ്റൊന്നും കളിക്കാതിരുന്ന ശേഷമായിരുന്നു ടി10 ലീഗിലേക്കു വന്നതെന്നും വീരേന്ദര്‍ സെവാഗ് പറഞ്ഞു.
