Click it and Unblock the Notifications
മൂന്ന് ഇന്ത്യന് താരങ്ങളാണ് ഏറ്റവും പവര്ഫുളെന്ന് റോഡ്സ് പറയുന്നു. ഇന്ത്യന് ക്യാപ്റ്റന് വിരാട് കോലിയാണ് ഇക്കൂട്ടത്തില് തലപ്പത്ത്. മറ്റൊരാള് മുന് സ്റ്റാര് ഓള്റൗണ്ടര് സുരേഷ് റെയ്നയാണെങ്കില് മൂന്നാമത്തെ താരം നിലവില് ടീമിന്റെ ഭാഗമായ പേസര് ജസ്പ്രീത് ബുംറയാണ്.
കോലി ശരിക്കുമൊരു പാക്കേജ് തന്നെയാണ്. എല്ലാം തികഞ്ഞ കളിക്കാരനാണ് അദ്ദേഹം. ഫോം, ഫിറ്റ്നസ്, സ്ഥിരത എല്ലാം കോലിയില് കാണാമെന്നും റോഡ്സ് അഭിപ്രായപ്പെട്ടു.
ബുംറ, റെയ്ന എന്നിവരും കേമന്മാരാണ്. രണ്ടു പേരും കരുത്തുറ്റ താരങ്ങളും നന്നായി പെര്ഫോം ചെയ്യുന്നവരുമാണ്. മുംബൈ ഇന്ത്യന്സിനൊപ്പമുള്ളപ്പോള് ബുംറയ്ക്കൊപ്പം പ്രവര്ത്തിക്കാന് അവസരം ലഭിച്ചിരുന്നു. നിലവില് മൂന്നു ഫോര്മാറ്റിലും ലോകത്തിലെ ഏററവും മികച്ച പേസര്മാരുടെ നിരയിലാണ് ബുംറയുടെ സ്ഥാനം. റെയ്നയാവട്ടെ ലോകത്തിലെ ഏറ്റവും മികച്ച ഫീല്ഡര്മാരില് ഒരാളാണെന്നും റോഡ്സ് വിശദമാക്കി.
ഐപിഎല് ഇന്ത്യന് ക്രിക്കറ്റിനു നല്കിയ ഏറ്റവും വലിയ സംഭാവനകളിലൊന്നാണ് ബുംറ. മുംബൈക്കു വേണ്ടി 2016ലായിരുന്നു പേസറുടെ അരങ്ങേറ്റം. പിന്നീട് ഓരോ മല്സരവും ടൂര്ണമെന്റും കഴിയുന്തോറും ബുംറ ഉയരങ്ങള് കീഴടക്കി കുതിക്കുകയായിരുന്നു. വൈകാതെ ദേശീയ ടീമിലെയും സ്ഥിരം സാന്നിധ്യമായി അദ്ദേഹം മാറി.
മറുഭാഗത്ത് ഒരു കാലത്ത് ഇന്ത്യയുടെ നിശ്ചിത ഓവര് ടീമിലെ അവിഭാജ്യ ഘടകമായിരുന്ന റെയ്ന പിന്നീട് പരിക്കും മോശം ഫോമും കാരണം പുറത്താവുകയായിരുന്നു. 2018നു ശേഷം റെയ്ന ഇന്ത്യക്കു വേണ്ടി കളിച്ചിട്ടില്ല.
Continue with Google