Click it and Unblock the Notifications
ബാറ്റ് ഇപ്പോഴും സൂക്ഷിച്ചിരിക്കുന്നു
അന്നത്തെ ബാറ്റ് ഞാന്‍ ഇപ്പോഴും ഭദ്രമായി സൂക്ഷിച്ചിരിക്കുകയാണ്. റെക്കോര്‍ഡ് കുറിച്ച് ബാറ്റാണിത്. എന്റെ ഫേവറിറ്റ് താരങ്ങളിലൊരാളായ സച്ചിന്റെ ബാറ്റായിരുന്നു ഇത്. ഈ ബാറ്റ് എനിക്കു നല്‍കിയതിന് വഖാര്‍ യൂനിസിനോടു നന്ദിയുണ്ട്. മല്‍സരത്തിനു മുമ്പ് ഞാന്‍ പരിശീലനം നടത്തുമ്പോള്‍ അദ്ദേഹമായിരുന്നു ഈ ബാറ്റ് എനിക്കു നല്‍കിയത്. മല്‍സരത്തിലും ഈ ബാറ്റ് ഉപയോഗിക്കാന്‍ അദ്ദേഹം പറയുകയായിരുന്നുവെന്നും അഫ്രീഡി വിശദമാക്കി.
ഹൃദയത്തോടു ചേര്‍ന്നു നില്‍ക്കുന്നു
തന്റെ കരിയറില്‍ വഴിത്തിരിവുണ്ടാക്കിയ ബാറ്റ് എന്റെ ഹൃദയത്തോടു ചേര്‍ന്നു നില്‍ക്കുന്നതാണ്. ഷാഹിദ് അഫ്രീഡിയെന്ന താരത്തിന്റെ രൂപീകരണത്തില്‍ പ്രധാന പങ്കുവച്ചത് ഈ ബാറ്റാണ്. അതുകൊണ്ടു തന്നെ ഇതു എനിക്കു വളരെ സ്‌പെഷ്യലുമാണ്.
അന്നത്തെ ഇന്നിങ്‌സിനു ശേഷം ഇതേ ബാറ്റ് കൊണ്ടു തുടര്‍ന്നും കളിക്കാന്‍ ഞാന്‍ ശ്രമിച്ചിരുന്നു. എന്നാല്‍ പിന്നീട് അതു വേണ്ടെന്നും ബാറ്റ് സൂക്ഷിച്ചു വയ്ക്കാനും തീരുമാനിക്കുകയായിരുന്നുവെന്നു അഫ്രീഡി അറിയിച്ചു. ലങ്കയ്‌ക്കെതിരേ മൂന്നാം നമ്പറില്‍ ഇറങ്ങിയാണ് അദ്ദേഹം 40 ബോളില്‍ 102 റണ്‍സ് വാരിക്കൂട്ടിയത്. ഈ കളിയില്‍ ഓപ്പണര്‍ സഈദ് അന്‍വറിനോടൊപ്പം 126 റണ്‍സിന്റെ കൂട്ടുകെട്ടുണ്ടാക്കാനും അഫ്രീഡിക്കായിരുന്നു. മല്‍സരത്തില്‍ അന്‍വര്‍ 120 ബോളില്‍ 115 റണ്‍സെടുത്തിരുന്നു.
ആന്‍ഡേഴ്‌സന്‍ തിരുത്തി, പിന്നാലെ എബിഡിയും
20 വര്‍ഷം അഫ്രീഡിയുടെ ലോക റെക്കോര്‍ഡ് തിരുത്താന്‍ ആര്‍ക്കുമായില്ല. ഒടുവില്‍ 2014ല്‍ ന്യൂസിലാന്‍ഡ് ഓള്‍റൗണ്ടര്‍ കോറി ആന്‍ഡേഴ്‌സനാണ് ഈ ലോക റെക്കോര്‍ഡ് തകര്‍ത്തത്. അന്നു വെസ്റ്റ് ഇന്‍ഡീസിനെതിരായ ഏകദിനത്തില്‍ 34 ബോളില്‍ സെഞ്ച്വറി തികച്ച ആന്‍ഡേഴ്‌സന്‍ പുതിയ ലോക റെക്കോര്‍ഡ് തീര്‍ക്കുകയായിരുന്നു.
എന്നാല്‍ ഈ റെക്കോര്‍ഡിന് അധികം ആയുസ്സുണ്ടായില്ല. തൊട്ടടുത്ത വര്‍ഷം ദക്ഷിണാഫ്രിക്കയുടെ മുന്‍ ഇതിഹാസം എബി ഡിവില്ലിയേഴ്‌സ് ഈ റെക്കോര്‍ഡ് പഴങ്കഥയാക്കി. വിന്‍ഡീസിനെതിരേ തന്നെയായിരുന്നു ഇത്. അന്നു എബിഡിക്കു സെഞ്ച്വറിയിലെത്താന്‍ 31 ബോളുകള്‍ മാത്രമേ വേണ്ടിവന്നുള്ളൂ. മല്‍സരത്തില്‍ അദ്ദേഹം 44 ബോളില്‍ 149 റണ്‍സ് വാരിക്കൂട്ടിയിരുന്നു.
