Click it and Unblock the Notifications
നാലു ഘട്ടങ്ങളിലായിട്ടാണ് താരങ്ങള് പരിശീലനം പുനരാരംഭിക്കേണ്ടത്. അതാത് സര്ക്കാരിന്റെ നിയന്ത്രണങ്ങള് കൂടി പാലിച്ച ശേഷമായിരിക്കണം ഒരു ഘട്ടത്തില് നിന്നും അടുത്തതിലേക്കു കടക്കേണ്ടത്. വ്യക്തിപരമായ പരിശീലനമാണ് ആദ്യ ഘട്ടം. ഇംഗ്ലണ്ട് ഇതിനകം ബൗളര്മാരിലൂടെ ഇതാരംഭിച്ചു കഴിഞ്ഞു.
രണ്ടാം ഘട്ടം ചെറിയ ഗ്രൂപ്പുകളായി തിരിഞ്ഞുള്ള പരിശീലനമാണ്. മൂന്നില് കുറവ് താരങ്ങള് മാത്രമേ ഒരു ഗ്രൂപ്പില് പാടുള്ളൂ. പരിശീലനം നടത്തുമ്പോള് സാമൂഹിക അകലം പാലിക്കാന് താരങ്ങള് ശ്രദ്ധിക്കുകയും വേണം. മൂന്നാം ഘട്ടത്തില് കുറേക്കൂടി വലിയ ഗ്രൂപ്പായി പരിശീലനത്തിലേര്പ്പെടാം. കോച്ചുള്പ്പെടെ പത്തില് താഴെ പേര് മാത്രമേ ഗ്രൂപ്പില് പാടുള്ളൂ. നാലാം ഘട്ടത്തില് ടീമിലെ എല്ലാവര്ക്കും സാമൂഹിക അകലം പാലിച്ച് ഒരുമിച്ച് പരിശീലനം നടത്താം.
ശ്രദ്ധ പുലര്ത്തിയില്ലെങ്കില് പരിക്കേല്ക്കാലും തുടര്ന്ന് ക്രിക്കറ്റില് നിന്നും മാറിനില്ക്കേണ്ടി വരാനുള്ള സാധ്യത കൂടുതലായതിനാല് ബൗളര്മാര്ക്കു പ്രത്യേക മാര്ഗനിര്ദേശങ്ങളുണ്ട്. പരിക്കിനുള്ള സൗധ്യത മുന്നില്ക്കണ്ട് ക്രിക്കറ്റ് ബോര്ഡ് സാധാരണത്തേതില് നിന്നും വലിയ സംഘത്തെ തിരഞ്ഞെടുക്കണമെന്ന നിര്ദേശം വന്നിട്ടുണ്ട്.
ഓരോ ഫോര്മാറ്റിനും അനുസരിച്ച് ബൗളര്മാരുടെ പരിശീലനത്തിന്റെ ദൈര്ഘ്യം വ്യത്യാസപ്പെട്ടിരിക്കും. ചുരുങ്ങിയത് അഞ്ച്- ആറ് ആഴ്ചയെങ്കിലും ബൗളര്മാര്ക്കു പരിശീലനത്തിന് സമയം അനുവദിക്കണം. ഇവയില് അവസാനത്തെ മൂന്നാഴ്ച യഥാര്ഥ മല്സരത്തില് ബൗള് ചെയ്യുന്ന അതേ തീവ്രതയോടെയായിരിക്കും പരിശീലനം. ടി20യിലേക്കു മടങ്ങിവരുന്നതിനു വേണ്ടിയാണിത്.
ഏകദിനത്തിന് തയ്യാറെടുക്കാന് ബൗളര്ക്കു ലഭിക്കുന്ന ചുരുങ്ങിയ സമയം ആറാഴ്ചയാണ്. ടെസ്റ്റാണെങ്കില് എട്ടു മുതല് 12 ആഴ്ച വരെയാണ് പരിശീലനത്തിനുള്ള സമയം.
കളിക്കളത്തില് ഒരു തരത്തിലുള്ള ആഹ്ലാദപ്രകടവും പാടില്ലെന്നാണ് ഐസിസിയുടെ നിര്ദേശം. ഇത് താരങ്ങള് തമ്മില് അടുത്ത് വരാന് ഇടയാക്കുമെന്നതിനാലും ശാരീരിക സമ്പര്ക്കം പുലര്ത്തുമെന്നതിനാലുമാണിത്. ഒരു മല്സരത്തില് ഏതെങ്കിലുമൊരു താരം കൊവിഡ്-19ന്റെ ലക്ഷണങ്ങള് കാണിക്കുകയാണെങ്കില് ആ കളിയില് പങ്കെടുത്ത എല്ലാവരും പരിശോധനയ്ക്കു വിധേയരാവുകയും നിശ്ചിത സമയത്തേക്കു ഐസൊലേഷനില് കഴിയുകയും വേണം.
താരങ്ങളേക്കാള് സപ്പോര്ട്ട് സ്റ്റാഫുമാര്, മാച്ച് ഒഫീഷ്യല്സ് എന്നിവര്ക്കാണ് വൈറസ് ബാധയേല്ക്കാനുള്ള കൂടുതല് സാധ്യതയെന്നു ഐസിസി ചൂണ്ടിക്കാണിക്കുന്നു. കാരണം പ്രായമായതിനാലും പ്രമേഹം, പ്രതിരോധ ശേഷിക്കുറവ്, ഹൃദയസംബന്ധമായ പ്രശ്നങ്ങള്, കിഡ്നി സംബന്ധമായ അസുഖങ്ങള് എന്നിവ ഇവര്ക്കുണ്ടാവാന് ഇടയുള്ളതിനാലും വൈറസ് പിടികൂടാനുള്ള സാധ്യത ഇവര്ക്കു കൂടുതലാണ്.
Continue with Google