കോമണ്‍വെല്‍ത്ത് ഗെയിംസ്: പൊന്നില്‍ കുളിച്ച് ഇന്ത്യ, മാനിക് ബത്രയിലൂടെ വീണ്ടും സ്വര്‍ണം...

ഗോള്‍ഡ്‌കോസ്റ്റ്: കോമണ്‍വെല്‍ത്ത് ഗെയിംസില്‍ ഇന്ത്യ സ്വര്‍ണവേട്ട തുടരുന്നു. മേളയുടെ 10ാം ദിനം ഇന്ത്യ 24ാം സ്വര്‍ണമെഡല്‍ തങ്ങളുടെ അക്കൗണ്ടിലേക്കു കൂട്ടിച്ചേര്‍ത്തു. വനിതകളുടെ ടേബിള്‍ ടെന്നീസ് സിംഗിള്‍സില്‍ മാനിക് ബത്രയാണ് രാജ്യത്തിനു വേണ്ടി സ്വര്‍ണം കഴുത്തിലണിഞ്ഞത്.

താരത്തിന്റെ കന്നി കോമണ്‍വെല്‍ത്ത് ഗെയിംസ് കൂടിയായിരുന്നു ഇത്. ഫൈനലില്‍ സിംഗപ്പൂരിന്റെ മെങ്യു യുവിനെ ബത്ര പരാജയപ്പെടുത്തുകയായിരുന്നു.