Click it and Unblock the Notifications
ഐഒഎയുടെ തീരുമാനം തന്നെ ഞെട്ടിച്ചുവെന്നാണ് കായികമന്ത്രി ഗോയലിന്റെ പ്രതികരണം. ഇത് അംഗീകരിക്കാന് ബുദ്ധിമുട്ടാണെന്നും അദ്ദേഹം പറഞ്ഞു.
വാര്ഷിക യോഗതീരുമാനങ്ങളെക്കുറിച്ച് ഐഒയോട് വിശദമായ റിപോര്ട്ട് ആവശ്യപ്പെട്ടിട്ടുണ്ടെന്ന് ഗോയല് വ്യക്തമാക്കി. ഇവ പരിശോധിച്ച ശേഷം ഉചിതമായ തീരുമാനമെടുക്കും. കായികരംഗം കൂടുതല് സുതാര്യമാക്കുകയെന്നത് ഈ സര്ക്കാരിന്റെ ലക്ഷ്യമാണ്- മന്ത്രി വിശദമാക്കി.
ചൗത്താല, ലളിത് ബാനോട്ട് എന്നിവര് ചുമതലയിലുള്ളപ്പോള് ഐഒയെ അന്താരാഷ്ട്ര ഒളിംപിക് കമ്മിറ്റി (ഐഒസി) സസ്പെന്റ് ചെയ്തിരുന്നു. ഇരുവരെയും തല്സ്ഥാനങ്ങളില് നിന്നു പുറത്താക്കിയ ശേഷമാണ് ഐഒസി ഇതു പിന്വലിച്ചതെന്ന് ഗോയല് ചൂണ്ടിക്കാട്ടി.
1996 മുതല് 2011 വരെ 15 വര്ഷം ഐഒഎയുടെ പ്രസിഡന്റായിരുന്നു കോണ്ഗ്രസ് നേതാവ് കൂടിയായ കല്മാഡി. 2010ലെ ദില്ലി കോമണ്വെല്ത്ത് ഗെയിംസുമായി ബന്ധപ്പെട്ട് അഴിമതി നടത്തിയെന്ന കേസില് കല്മാഡിക്കു 10 മാസം ജയിലില് കഴിയേണ്ടിവന്നു.
2012 മുതല് 14 വരെ രണ്ടു വര്ഷമാണ് ചൗത്താല ഐഒഎ പ്രസിഡന്റായി സേവനമനുഷ്ടിച്ചത്. എന്നാല് അഴിമതിക്കേസില്പ്പെട്ട ചൗത്താലയെ പ്രസിഡന്റാക്കിയതിന് ഐഒസി ഐഒയെ സസ്പെന്റെ ചെയ്തു.
Continue with Google