സിറ്റിയുടെ മൂല്യം
878 മില്ല്യണ് യൂറോയാണ് മാഞ്ചസ്റ്റര് സിറ്റിയുടെ താരമൂല്യം. ഇന്ത്യന് രൂപയില് 6,393 കോടിയോളം വരും ഈ തുക. ലോക ഫുട്ബോൡലെ പല മുന് നിരതാരങ്ങളെയും വന് തുകയ്ക്ക് ടീമിലേക്കു കൊണ്ടുവന്നതോടെയാണ് സിറ്റിയുടെ മൂല്യം ഇത്രയും വര്ധിച്ചത്.
യൂറോപ്പിലെ മറ്റു ക്ലബ്ബുകളേക്കാള് കൂടുതല് പണം വാരിയെറിഞ്ഞത് സിറ്റിയാണെന്ന് കണക്കുകള് ചൂണ്ടിക്കാട്ടുന്നു. ഏറ്റവും അവസാനമായി ജനുവരിയില് ഡിഫന്ഡര് അയ്മറിക് ലപോര്ട്ടെയെ കൊണ്ടുവരാന് 65 മില്ല്യണ് യൂറോ സിറ്റി ചെലവഴിച്ചിരുന്നു.
രണ്ടാമത് പിഎസ്ജി
താരമൂല്യത്തിന്റ കാര്യത്തില് യൂറോപ്പില് രണ്ടാംസ്ഥാനം ഫ്രാന്സിലെ പുത്തന് പണക്കാരായ പിഎസ്ജിക്കാണ്. കളിക്കാര്ക്കു വേണ്ടി പിഎസ്ജി 805 മില്ല്യണ് യൂറോയാണ് പിഎസ്ജി ചെലവിട്ടത്. ഇതില് ബ്രസീലിയന് സ്റ്റാര് നെയ്മറെ ബാഴ്സലോണയില് നിന്നു കൊണ്ടുവരാന് മാത്രം ലോക റെക്കോര്ഡ് തുക പിഎസ്ജി വലിച്ചെറിഞ്ഞു. 222 മില്ല്യണ് യൂറോയാണ് നെയ്മറുടെ വില.
യുനൈറ്റഡിന് മൂന്നാംസ്ഥാനം
സിറ്റിയുടെ അപ്രതീക്ഷിത വളര്ച്ചയ്ക്കു മുന്നില് പതറിയിട്ടുണ്ടെങ്കിലും ഇംഗ്ലീഷ് ഫുട്ബോളിലെ അതികാന്മാരായ മാഞ്ചസ്റ്റര് യുനൈറ്റഡും താരങ്ങള്ക്കു വേണ്ടി പണമൊഴുക്കുന്ന കാര്യത്തില് പിശുക്ക് കാണിച്ചിട്ടില്ല. 747 മില്ല്യണ് യൂറോയാണ് യുനൈറ്റഡിന്റെ താരമൂല്യം.
ബാഴ്സലോണ (725 മില്ല്യണ് യൂറോ), ചെല്സി (592 മില്ല്യണ് യൂറോ), റയല് മാഡ്രിഡ് (489 മില്ല്യണ്) എന്നിവരാണ് തുടര്ന്നുള്ള സ്ഥാനങ്ങളില്.
ഇംഗ്ലീഷ് ആധിപത്യം
താരമൂല്യത്തിന്റെ കാര്യത്തില് ആദ്യ 20 സ്ഥാനങ്ങളിലുള്ള ക്ലബ്ബുകളില് ഇംഗ്ലീഷ് ടീമുകള്ക്കാണ് മുന്തൂക്കം. യുനൈറ്റഡ്, ചെല്സി എന്നിവരെക്കൂടാതെ ലിവര്പൂള് (461 മില്ല്യണ് യൂറോ), ആഴ്സനല് (403 മില്ല്യണ് യൂറോ), എവര്ട്ടന് (365 മില്ല്യണ് യൂറോ), ടോട്ടനം ഹോട്സ്പര് (358 മില്ല്യണ് യൂറോ), സതാംപ്റ്റന് (229 മില്ല്യണ് യൂറോ), ക്രിസ്റ്റല് പാലസ് (225 മില്ല്യണ് യൂറോ) എന്നിവരാണ് ഇംഗ്ലണ്ടിന്റെ കരുത്തുകാട്ടി പട്ടികയിലുള്ളത്.