ലോകകപ്പ്: ധോണിക്കു പോലും പിഴച്ചു!! പിന്നെയാ ഡികോക്ക്? ദക്ഷിണാഫ്രിക്കന്‍ പതനത്തിന് പഴിക്കാന്‍ വരട്ടെ

ഡിആര്‍സ് വിളിച്ചില്ല

മല്‍സരത്തില്‍ വില്ല്യംസണിനെതിരേ ഡിആര്‍എസിനു പോവാണ്ടെന്ന തീരുമാനമാണ് ഡികോക്കിനെ പ്രതിക്കൂട്ടിലാക്കിയത്. സ്പിന്നര്‍ ഇമ്രാന്‍ താഹിറിന്റെ ബൗളിങില്‍ വില്ല്യംസണിന്റെ ബാറ്റിനു താഴെ തട്ടിയ പന്ത് ഡികോക്ക് പിടികൂടിയിരുന്നു. താഹിര്‍ പതിവുപോലെ വിക്കറ്റ് നേട്ടത്തിന്റെ ആഹ്ലാദപ്രകടനം തുടങ്ങിയപ്പോള്‍ ഡികോക്കിന്റെ ഭാഗത്തു നിന്നും കാര്യമായ ആവേശമൊന്നും കണ്ടില്ല. അത് ഔട്ടല്ലെന്നു അംപയര്‍ വിധിക്കുകയും ചെയ്തു.
തുടര്‍ന്ന് ഇതിനെതിരേ ഡിആര്‍എസ് പോവണമോയെന്ന ആശയക്കുഴപ്പത്തിലായിരുന്നു നായകന്‍ ഫഫ് ഡുപ്ലെസി. എന്നാല്‍ ഡികോക്കിന്റെ പ്രതികരണത്തെ തുടര്‍ന്ന് അദ്ദേഹം ഡിആര്‍എസ് വേണ്ടെന്ന് വയ്ക്കുകയായിരുന്നു.

റീപ്ലേയില്‍ തെളിഞ്ഞു

ഡിആര്‍എസിനു പോവേണ്ടെന്ന ഡുപ്ലെസിയുടെ തീരുമാനം റീപ്ലേയില്‍ തെറ്റായിരുന്നുവെന്ന് തെളിയുകയും ചെയ്തു. വില്ല്യംസണിന്റെ ബാറ്റിന് അരികില്‍ തട്ടിയ ശേഷമാണ് ഡികോക്ക് ക്യാച്ചെടുത്തതെന്ന് റീപ്ലേയില്‍ വ്യക്തമായെങ്കിലും ദക്ഷിണാഫ്രിക്കയ്ക്ക് അപ്പോള്‍ ഒന്നും ചെയ്യാനുണ്ടായിരുന്നില്ല.
പന്ത് ബാറ്റില്‍ തട്ടിയിട്ടും ഡികോക്ക് എന്ത് കൊണ്ട് അപ്പീല്‍ ചെയ്തില്ലെന്നത് കമന്റേറ്റര്‍മാരെപ്പോലും ഞെട്ടിച്ചിരുന്നു. എന്തു കൊണ്ടാണ് ഡിആര്‍സിന്റെ സഹായം തേടാമെന്ന് അദ്ദേഹം ഡുപ്ലെസിയോട് പറയാതിരുന്നതെന്ന ആശ്ചരവ്യും കമന്റേറ്റര്‍മാര്‍ പ്രകടിപ്പിച്ചിരുന്നു.
ഡികോക്കിന്റെ ഈ പിഴവിന് വലിയ വിലയാണ് ദക്ഷിണാഫ്രിക്കയ്ക്കു നല്‍കേണ്ടി വന്നത്. വില്ല്യംസണിനെ പുറത്താക്കിയിരുന്നെങ്കില്‍ ഒരുപക്ഷെ മല്‍സരം ജയിക്കാന്‍ ദക്ഷിണാഫ്രിക്കയ്ക്കാവുമായിരുന്നു.

ധോണിക്കു പോലും പിഴച്ചു

കളിയിലെ ഈ പിഴവിന്റെ പേരില്‍ ഡികോക്കിനെ പഴിക്കുന്നത് ശരിയല്ലെന്നതാണ് യാഥാര്‍ഥ്യം. കാരണം നിലവില്‍ ലോക ക്രിക്കറ്റിലെ ഇതിഹാസ വിക്കറ്റ് കീപ്പറായ എംഎസ് ധോണി പോലും ഇത്തരം പിഴവ് വരുത്തിയിട്ടുണ്ട്. ലോകകപ്പില്‍ പാകിസ്താനെതിരായ കഴിഞ്ഞ മല്‍സരത്തിലായിരുന്നു ഇത്.
യുസ്വേന്ദ്ര ചഹലിന്റെ ബൗളിങില്‍ ബാബര്‍ അസം വിക്കറ്റിനു മുന്നില്‍ കുരുങ്ങിയപ്പോള്‍ അംപയര്‍ നോട്ടൗട്ടൗണ് വിധിച്ചത്. ചഹലും നായകന്‍ വിരാട് കോലിയും അത് ഔട്ട് തന്നെയാണെന്ന ഉറപ്പിലുമായിരുന്നു. എന്നാല്‍ കോലി അഭിപ്രായം ചോദിച്ചപ്പോള്‍ ഡിഎര്‍എസ് വേണ്ടെന്നായിരുന്നു നിര്‍ദേശം. കാരണം വെറുതെ ഒരു ഡിആര്‍എസ് അവസരം നഷ്ടപ്പെടുത്തേണ്ടെന്ന നിലപാടായിരുന്നു അദ്ദേഹത്തിന്. പന്ത് ബാറ്റില്‍ തട്ടിയ ശേഷമാണ് പാഡില്‍ വീണത് എന്ന ഉറപ്പിലായിരുന്നു ധോണി. എന്നാല്‍ പന്ത് നേരിട്ട് പാഡില്‍ വന്നു പതിക്കുകയായിരുന്നുവെന്ന് റീപ്ലേയില്‍ വ്യക്തമാവുകയും ചെയ്തു.