Click it and Unblock the Notifications
വിദേശത്തു ഇന്ത്യക്കു വേണ്ടി ഏറ്റവുമധികം റണ്സെടുത്ത ബാറ്ററെന്ന റെക്കോര്ഡാണ് വിരാട് കോലി കൈക്കലാക്കിയിരിക്കുന്നത്. നേരത്തേ ഈ റെക്കോര്ഡ് മുന് ഇതിഹാസം സച്ചിന് ടെണ്ടുല്ക്കറുടെ പേരിലായിരുന്നു. 5065 റണ്സോടെയായിരുന്നു അദ്ദേഹം തലപ്പത്തുണ്ടായിരുന്നത്. ഈ റെക്കോര്ഡാണ് കോലി പഴങ്കഥഥയാക്കിയിരിക്കുന്നത്. ഈ ലിസ്റ്റില് മൂന്നാംസ്ഥാനത്തു മുന് ഇതിഹാസ നായകന് എംഎസ് ധോണിയാണ്. 4520 റണ്സാണ് അദ്ദേഹത്തിന്റെ അക്കൗണ്ടിലുള്ളത്. 3998 റണ്സോടെ മുന് ഇതിഹാസവും ഇപ്പോള് മുഖ്യ കോച്ചുമായ രാഹുല് ദ്രാവിഡ് നാലാംസ്ഥാനത്തും നില്ക്കുന്നു.
സൗത്താഫ്രിക്കയ്ക്കെതിരേ ഏകദിനത്തില് കൂടുതല് റണ്സെടുത്ത രണ്ടാമത്തെ ഇന്ത്യന് താരമെന്ന റെക്കോര്ഡിനും വിരാട് കോലി അവകാശിയായി. രാഹുല് ദ്രാവിഡ്, മറ്റൊരു മുന് ഇതിഹാസ നായകനും നിലവിലെ പ്രസിഡന്റുമായ സൗരവ് ഗാംഗുലി എന്നിവരെ പിന്തള്ളിയാണ് കോലി ഈ നേട്ടം കൈവരിച്ചത്. സൗത്താഫ്രിക്കയ്ക്കെതിരായ ഏകദിനത്തില് ഇറങ്ങുമ്പോള് രണ്ടു പേരെയും മറികടക്കാന് അദ്ദേഹത്തിനു വേണ്ടിയിരുന്നത് 26 റണ്സായിരുന്നു. അതു കോലി സാധിച്ചെടുക്കുകയും ചെയ്തു. 1338 റണ്സാണ് ഇപ്പോള് അദ്ദേഹത്തിന്റെ സമ്പാദ്യം. ഗാംഗുലി 1313 റണ്സുമായി മൂന്നാംസ്ഥാനത്തും ദ്രാവിഡ് 1309 റണ്സുമായി നാലാംസ്ഥാനത്തുമാണ്. ഈ ലിസ്്റ്റിലെ ഒന്നാമന് സച്ചിന് ടെണ്ടുല്ക്കറാണ്. 2001 റണ്സോടൊണ് അദ്ദേഹം ഓള്ടൈം റെക്കോര്ഡിന് അവകാശിയായത്.
വിരാട് കോലിയുടെ അവസാനത്തെ 13 ഏകദിന ഇന്നിങ്സുകളെടുത്താല് എട്ടെണ്ണത്തിലും ഫിഫ്റ്റി പ്ലസ് സ്കോര് നേടിയിട്ടുണ്ടെന്നു കാണാം മൂന്നു തവണ 80 കളിലും അദ്ദേഹത്തിനു വിക്കറ്റ് നഷ്ടമായി. 51, 7, 66, 56, 63, 89, 21, 9, 15, 89, 78, 16, 85 എന്നിങ്ങനെയാണ് കോലിയുടെ സ്കോറുകള്.
അതേസമയം സൗത്താഫ്രിക്കയില് അദ്ദേഹത്തിന്റെ ഏകദിനത്തിലെ കഴിഞ്ഞ ഏഴ് ഇന്നിങ്സുകളെടുത്താല് 51, 129*, 36, 75, 160*, 46*, 112 എന്നിങ്ങനെയായിരുന്നു കോലിയുടെ പ്രകടനം.
ഏകദിനത്തില് റണ്ചേസില് കൂടുതല് ഫിഫ്റ്റി പ്ലസ് സ്കോറുകള് നേടിയവരില് രണ്ടാംസ്ഥാനത്തുള്ള വിരാട് കോലി തന്റെ സ്ഥാനം ഒന്നുകൂടി ഭദ്രമാക്കിയിരിക്കുകയാണ്. മാത്രമല്ല തലപ്പത്തുള്ള സച്ചിന് ടെണ്ടുല്ക്കറുമായുള്ള അകലം കുറയ്ക്കുകയും ചെയ്തു. റണ്ചേസില് 60മത്തെ ഫിഫ്റ്റി പ്ലസ് സ്കോറാണ് സൗത്താഫ്രിക്കയ്ക്കെതിരേ കോലി കണ്ടെത്തിയത്. 69 ഫിഫ്റ്റി പ്ലസ് സ്കോറുകളുമായി സച്ചിന്റെ പേരിലാണ് ലോക റെക്കോര്ഡ്. സൗത്താഫ്രിക്കയുടെ മുന് ഇതിഹാസം ജാക്വസ് കാലിസ് (50), വെസ്റ്റ് ഇന്ഡീസ് വെടിക്കെട്ട് ഓപ്പണര് ക്രിസ് ഗെയ്ല് (46), ഇന്ത്യയുടെ മുന് നായകന് സൗരവ് ഗാംഗുലി (44), രോഹിത് ശര്മ (42) എന്നിവരാണ് മൂന്ന് മുതല് ആറു വരെ സ്ഥാനങ്ങളില്.
2019ലെ അവസാനത്തെ അന്താരാഷ്ട്ര സെഞ്ച്വറിക്കു ശേഷമുള്ള വിരാട് കോലിയുടെ ഏകദിനത്തിലെ കണക്കുകളെടുത്താല് ശരാശരി 50ലും താഴെ പോയതായി കാണാം. 15 മല്സരങ്ങളില് നിന്നും 42.26 ശരാശരിയില് 649 റണ്സാണ് അദ്ദേഹത്തിനു നേടാനായത്. ഉയര്ന്ന സ്കോര് 89 റണ്സാണ്. എട്ടു ഫിഫ്റ്റികളാണ് കോലിക്കു 15 ഇന്നിങ്സുകളില് നിന്നും നേടാനായത്.
Continue with Google