Click it and Unblock the Notifications
എല്ലാവരും ഒരുപോലെ തന്നെ
സച്ചിന്റെ മകന്‍ ടീമിലുണ്ടോയെന്നതൊന്നും തന്നെ ബാധിക്കുന്ന വിഷയമല്ലെന്ന് സനത് പറഞ്ഞു. അര്‍ജുനെ ടീമിലെടുത്തിയത് വന്‍ വാര്‍ത്തയായതൊന്നും കോച്ചെന്ന നിലയില്‍ തന്നെ ബാധിക്കുന്ന ഘടകമല്ല. കോച്ചായതിനാല്‍ ടീമിലെ എല്ലാ താരവും തനിക്ക് ഒരുപോലെ തന്നെയാണ്. ഓരോ താരത്തിന്റെയും ഏറ്റവും മികച്ച പ്രകടനം പുറത്തു കൊണ്ടുവരിക മാത്രമാണ് തന്റെ ചുമതലയെന്നും അദ്ദേഹം വ്യക്തമാക്കി.
ശ്രദ്ദേയനായ കോച്ച്
പരിശീലകനെന്ന നിലയില്‍ ഏറെ ശ്രദ്ധേയമായ നേട്ടങ്ങള്‍ കൈവരിക്കാന്‍ സനത്തിനായിട്ടുണ്ട്. ചെറിയ ടീമുകള്‍ക്കൊപ്പമാണ് അദ്ദേഹം വലിയ ഉയരങ്ങള്‍ കീഴടക്കിയിട്ടുള്ളതെന്നാണ് മറ്റൊരു പ്രത്യേകത.
അസ്സമിനെ രഞ്ജി ട്രോഫി ക്രിക്കറ്റ് ടൂര്‍ണമെന്റിന്റെ സെമി ഫൈനലിലെത്തിച്ചത് സനത്തിന്റെ പ്രധാനപ്പെട്ട നേട്ടങ്ങളിലൊന്നാണ്.
കൂടാതെ ആന്ധ്രാപ്രദേശിനെ വിജയ് ഹസാരെ ട്രോഫിയുടെ സെമിയിലെത്തിക്കാനും അദ്ദേഹത്തിനായിട്ടുണ്ട്.
അര്ജുന് ഓള്‍റൗണ്ടര്‍
18 കാരനായ അര്ജുന് ഇടംകൈയന്‍ പേസ് ബൗളറും ഇടംകൈ ബാറ്‌സ്മാനുമാണ്. സ്ഥിരമായി 135 കിമി വേഗതയില്‍ പന്തെറിയാന്‍ താരത്തിനാവുമെന്നു കോച്ച് ചൂണ്ടിക്കാട്ടുന്നു.
ബാറ്റിങില്‍ മധ്യനിരയില്‍ ഇറങ്ങുന്ന അര്ജുന് ഓള്‍റൗണ്ടറായാണ് ടീമിലെത്തിയത്. പൂനെയില്‍ നിന്നുള്ള അതുല്‍ ഗെയ്ക്‌വാദാണ് താരപുത്രനെ പരിശീലിപ്പിക്കുന്നത്. ധര്‍മശാലയില്‍ ഒരു മാസം നീണ്ടുനിന്ന അണ്ടര്‍ 19 താരങ്ങളുടെ പരിശീലന ക്യാംപില്‍ അര്‍ജുനും പങ്കെടുത്തിരുന്നു.
മുംബൈ ടീമിനായി കളിച്ചു
2017ല്‍ മുംബൈയുടെ അണ്ടര്‍ 19 ടീമിനായി അര്ജുന് കളിച്ചിരുന്നു. കൂടാതെ മുംബൈയുടെ അണ്ടര്‍ 14, 16 ടീുകള്‍ക്കു വേണ്ടിയും താരം മികവ് തെളിയിച്ചിട്ടുണ്ട്. കഴിഞ്ഞ സീസണിലെ കൂച്ച് ബെഹര്‍ ട്രോഫിയില്‍ അഞ്ചു മല്‍സരങ്ങളില്‍ നിന്നും 19 വിക്കറ്റുകളാണ് അര്ജുന് പിഴുതതത്. രണ്ടു തവണ അഞ്ച് വിക്കറ്റ് നേട്ടവും ഇതില്‍പ്പെടുന്നു.
കഴിഞ്ഞ വര്‍ഷം ജൂലൈയില്‍ നമീബിയയുടെ അണ്ടര്‍ 19 ടീമുമായി എംസിസിക്കു വേണ്ടിയും അര്ജുന് പന്തെറിഞ്ഞിരുന്നു. നാലു വിക്കറ്റുകളെടുത്ത താരം നമീബിയയെ 49 റണ്‍സിന് പുറത്താക്കുന്നതിലും നിര്‍ണായക പങ്കുവഹിച്ചു.
ആരാധനാപാത്രം അച്ഛനല്ല!!
ലോകം മുഴുവനുനുള്ള ക്രിക്കറ്റ് താരങ്ങളുട മാത്രമല്ല മറ്റുള്ളവരുടെയും ആരാധനാപാത്രവുമായ അച്ഛന്‍ സച്ചിനല്ല അര്‍ജുന്റെ ഹീറോ. ഓസ്‌ട്രേലിയന്‍ സ്റ്റാര്‍ പേസറായ മിച്ചെല്‍ സ്റ്റാര്‍ക്കും ഇംഗ്ലീഷ് ഓള്‍റൗണ്ടര്‍ ബെന്‍ സ്‌റ്റോക്‌സുമാണ് അര്‍ജുന്റെ ആരാധനാപാത്രങ്ങള്‍.
