ജക്കാര്ത്ത: ഇന്ത്യന് സൂപ്പര് താരം സൈന നെഹ്വാളിന് ഇന്തോനേഷ്യ മാസ്റ്റേഴ്സ് ബാഡ്മിന്റണ് ടൂര്ണമെന്റിന്റെ ഫൈനലില് തോല്വി. ടൂര്ണമെന്റിലെ കിരീടഫേവറിറ്റുകളിലൊന്നായിരുന്ന സൈന ഫൈനലില് പൊരുതാന് പോലുമാവാതെയാണ് കീഴടങ്ങിയത്. ആതിഥേയ താരം ടെയ് സു യിങാണ് നേരിട്ടുള്ള സെറ്റുകള്ക്കു സൈനയെ തകര്ത്തുവിട്ടത്. സ്കോര്: 21-9, 21-13.
രണ്ടാം ഗെയിമിലെ ചെറുത്തുനില്പ്പ് മാറ്റിനിര്ത്തിയാല് ഫൈനലില് എതിരാളിയുടെ തകര്പ്പന് പ്രകടനത്തിനു മുന്നില് ഇന്ത്യന് താരത്തിന് മറുപടിയുണ്ടായിരുന്നില്ല. നിലവില് ലോക സിംഗിള്സ് റാങ്കില് ഒന്നാംസ്ഥാനത്തുള്ള യിങ് ഇതിനെ ന്യായീകരിക്കുന്ന പ്രകടനമാണ് കോര്ട്ടില് കാഴ്ചവച്ചത്.
കിരീടവിജയത്തോടെ പുതിയൊരു റെക്കോര്ഡും യിങ് സ്വന്തം പേരില് കുറിച്ചു. ഇന്തോനേഷ്യന് മാസ്റ്റേഴ്സ് ടൂര്ണമെന്റില് ജേതാവാകുന്ന ആദ്യത്തെ ആതിഥേയ താരമെന്ന നേട്ടത്തിനാണ് യിങ് അര്ഹയായത്.