Click it and Unblock the Notifications
ക്യാപ്റ്റന് കോലി
ക്യാപ്റ്റനായ ആദ്യ ടെസ്റ്റില് അഡിലെയ്ഡില് മിന്നും ഫോമിലായിരുന്നു കോലി. ഇരട്ടസെഞ്ചുറിയോടെ വിജയത്തിന് അരികിലെത്തിച്ചു ഇന്ത്യയെ കോലി. ഇതിന്റെ തുടര്ച്ച സിഡ്നിയിലും കോലി കാഴ്ചവെക്കുമോ. കാത്തിരുന്ന് കാണാം.
സുരേഷ് റെയ്ന
ഏകദിനത്തിലും ട്വന്റി 20 യിലും മാരക ഫോമിലാണ് സുരേഷ് റെയ്ന. എന്നാല് ഓസ്ട്രേലിയയില് നടക്കുന്ന ടെസ്റ്റ് പരമ്പരയില് റെയ്നയ്ക്ക് അവസരം കിട്ടിയില്ല. എന്നാല് സിഡ്നിയില് കഥ മാറും. ധോണി പോയതോടെ ദുര്ബലമായ മധ്യനിരയെ ഉറപ്പിക്കാനുള്ള ചുമതല റെയ്നയ്ക്ക് കിട്ടുമെന്നാണ് കരുതുന്നത്. ബൗണ്സറിനെ നേരിടാനുള്ള വീക്ക്നെസ് റെയ്ന എങ്ങനെ മറികടക്കും എന്നതിനെ ആശ്രയിച്ചിരിക്കും നാലാം ടെസ്റ്റില് ഇന്ത്യയുടെ സാധ്യതകള്.
കെ എല് രാഹുല്
ഏറെ പ്രതീക്ഷകളോടെ ഓസ്ട്രേലിയയ്ക്ക് വിമാനം കയറിയതാണ് രാഹുല്. എന്നാല് പ്രതീക്ഷയ്ക്കൊത്ത് കളിക്കാന് രാഹുലിന് കഴിഞ്ഞില്ല. ഫോമിലില്ലാത്ത ധവാന് പകരം രാഹുല് ഓപ്പണിംഗിന് ഇറങ്ങിയേക്കും എന്നാണ് കരുതുന്നത്. എങ്കില് രാഹുല് നല്കുന്ന തുടക്കം ഇന്ത്യയ്ക്ക് നിര്ണായകമാകും.
രഹാനെ
മധ്യനിരയില് രഹാനെയുടെ ഇന്നിംഗ്സുകളെ ഇന്ത്യ ഏറെ പ്രതീക്ഷയോടെയാണ് ഇപ്പോള് നോക്കുന്നത്. രഹാനെ ഫോം തുടര്ന്നാല് കോലിക്ക് കാര്യങ്ങള് എളുപ്പമാകും.
അക്ഷര് പട്ടേല്
ഒരു ഫാസ്റ്റ് ബൗളറെ ഒഴിവാക്കി ഇന്ത്യ സ്പിന്നര് അക്ഷര് പട്ടേലിനെ കൊണ്ടുവരും എന്നും വാര്ത്തകളുണ്ട്. അക്ഷര് വരുന്നതോടെ ബാറ്റിംഗിലും ടീം ശക്തമാകും.
ഇഷാന്ത് ശര്മ
ബൗളിംഗ് ടീമിന്റെ തലവനായ ഇഷാന്ത് ഒന്ന് ഫോമിലായാലേ ഓസ്ട്രേലിയയുടെ ഇരുപത് വിക്കറ്റുകള് എന്ന സ്വപ്നത്തിലെത്താന് ഇന്ത്യയ്ക്ക് കഴിയൂ. ഉമേഷ് യാദവോ ഷമിയോ ആരെങ്കിലും ഒരാള് സിഡ്നിയില് പുറത്തിരിക്കേണ്ടി വരുമെന്നാണ് കേള്വി.
Continue with Google