ഗോള്ഡ് കോസ്റ്റ്: കോമണ്വെല്ത്ത് ഗെയിംസില് ഹീന സിദ്ദുവിലൂടെ ഇന്ത്യയ്ക്ക് വീണ്ടും സ്വര്ണം. 25 മീറ്റര് എയര് പിസ്റ്റളില് ഗെയിംസ് റെക്കോര്ഡോടെയാണ് ഹീന ഇന്ത്യയ്ക്കുവേണ്ടി സ്വര്ണം നേടിയത്. ഓസ്ട്രേലിയയുടെ എലേന ഗാലിയാബോവിച്ച് ഈ ഇനത്തില് വെള്ളിമെഡല് നേടി.
ഗെയിംസില് ഇന്ത്യ ആകെ 19 മെഡലുകള് നേടിയിട്ടുണ്ട്. 11 സ്വര്ണം, 4 വെള്ളി, 5 വെങ്കലം എന്നിങ്ങനെയാണ് ഇന്ത്യയുടെ മെഡല് നില. നേരത്തെ ഇന്ത്യന് ബോക്സര് നമന് തന്വാര് സെമിയില് കടന്ന് വെങ്കല മെഡല് ഉറപ്പിച്ചിട്ടുണ്ട്. സമോവ താരത്തെ 5-0 എന്ന നിലയിലാണ് നമന് തോല്പ്പിച്ചത്. മറ്റൊരു ബോക്സര് അമിത് പഘലും സെമിയില് കടന്ന് മെഡല് ഉറപ്പിച്ചു. ഹോക്കിയില് മലേഷ്യയെ 2-1ന് മറികടന്ന് ഇന്ത്യന് പുരുഷന്മാര് നോക്കൗട്ട് ഘട്ടത്തിനുള്ള സാധ്യത വര്ധിപ്പിച്ചിട്ടുണ്ട്.