ക്രൊയേഷ്യ അഞ്ചാം തവണയും ലോകകപ്പിന്, ഐറിഷിനെ തടഞ്ഞ് സ്വിസ് ടീമും വരുന്നു

ആദ്യ പാദം ജയിച്ചതിന്റെ ബലത്തില്‍...

ഗ്രീസിലെ രണ്ടാം പാദം ഗോള്‍ രഹിതമായിരുന്നു. ആദ്യ പാദം ഹോം ഗ്രൗണ്ടില്‍ 4-1ന് ജയിച്ചതാണ് ക്രൊയേഷ്യക്ക് റഷ്യയിലേക്കുള്ള വഴി എളുപ്പമാക്കിയത്.സ്വിറ്റ്‌സര്‍ലന്‍ഡ് - വടക്കന്‍ അയര്‍ലന്‍ഡ് മത്സരവും ഗോള്‍ രഹിതം. ആദ്യപാദം ഏക ഗോളിന് എവേ മാച്ച് ജയിച്ചാണ് സ്വിസ് ടീം യോഗ്യത സമ്പാദിച്ചത്.

ക്രൊയേഷ്യന്‍ ചരിതം...

ക്രൊയേഷ്യക്കിത് അഞ്ചാം ലോകകപ്പാണ്. സ്വതന്ത്രമായതിന് ശേഷം പന്ത്രണ്ട് മേജര്‍ ടൂര്‍ണെമെന്റുകളില്‍ പത്തിലും ഈ ബാള്‍ക്കന്‍ രാജ്യം പങ്കാളിത്തം ഉറപ്പിച്ചു.

നിര്‍ണായക തീരുമാനം..

ലോകകപ്പ് യോഗ്യത റൗണ്ടിന്റെ അവസാന മത്സരത്തിന് തൊട്ട് മുമ്പ് കോച്ച് ആന്റെ കാസിചിനെ പുറത്താക്കി സാകോ ഡാലിചിനെ ചുമതലപ്പെടുത്തിയത് നിര്‍ണായകമായി. ഇപ്പോഴും ഡാലിച് കരാര്‍ ഒപ്പുവെച്ചിട്ടില്ല.

ഗോള്‍ മാര്‍ജിന്‍

സ്വിറ്റ്‌സര്‍ലന്‍ഡ് 0-0 വടക്കന്‍ അയര്‍ലന്‍ഡ്

ഇരുപാദ സ്‌കോര്‍ 1-0

ഗ്രീസ് 0-0 ക്രൊയേഷ്യ

ഇരുപാദ സ്‌കോര്‍ 1-4