IPL 2020: സിഎസ്‌കെ X രാജസ്ഥാന്‍- തീര്‍ത്തും നിരാശപ്പെടുത്തിയ മൂന്ന് താരങ്ങള്‍

IPL 2020, CSK vs RR: Sanju Samson Flopped Again | Oneindia Malayalam

സഞ്ജു സാംസണ്‍ (രാജസ്ഥാന്‍)

രാജസ്ഥാന്‍ റോയല്‍സിന്റെ മലയാളി താരം സഞ്ജു സാംസണ്‍ തുടര്‍ച്ചയായ എട്ടാം മത്സരത്തിലാണ് നിരാശപ്പെടുത്തുന്നത്. ആദ്യ രണ്ട് മത്സരങ്ങളിലും അര്‍ധ സെഞ്ച്വറിയോടെ തിളങ്ങിയ സഞ്ജു പിന്നീടുള്ള മത്സരങ്ങളിലെല്ലാം ബാറ്റിങ്ങില്‍ പരാജയപ്പെട്ടു. രാജസ്ഥാനെതിരേ മൂന്ന് പന്തുകള്‍ നേരിട്ട് അക്കൗണ്ട് തുറക്കാതെയാണ് സഞ്ജു മടങ്ങിയത്. ദീപക് ചഹാറിന്റെ ലെഗ് സൈഡിലെത്തിയ പന്തില്‍ ബാറ്റുവെച്ച സഞ്ജുവിനെ മനോഹരമായ ക്യാച്ചിലൂടെ ധോണി പുറത്താക്കുകയായിരുന്നു. പ്ലേ ഓഫ് പോരാട്ടം ശക്തമാകവെ സഞ്ജുവിന്റെ ബാറ്റിങ് രാജസ്ഥാന് തലവേദനയായിരിക്കുകയാണ്. നാലാം നമ്പറില്‍ നിന്ന് മൂന്നാം നമ്പറിലേക്ക് മാറ്റിയിട്ടും സഞ്ജുവിന് പ്രകടനം മെച്ചപ്പെടുത്താന്‍ സാധിച്ചിട്ടില്ല. അടുത്ത മത്സരത്തില്‍കൂടി പരാജയപ്പെട്ടാല്‍ സഞ്ജുവിനെ പുറത്തിരുത്താനുള്ള സാധ്യത കൂടുതലാണ്.

പീയൂഷ് ചൗള (സിഎസ്‌കെ)

ഇൗ സീസണില്‍ സിഎസ്‌കെ എന്തിനാണ് പീയൂഷ് ചൗളയെ ടീമിലെത്തിച്ചതെന്നത് ഇതുവരെയായും വ്യക്തമല്ല. മിച്ചല്‍ സാന്റ്‌നര്‍,ഇമ്രാന്‍ താഹിര്‍ എന്നിവര്‍ പുറത്തിരിക്കവെ ചൗളയെപ്പോലൊരു താരത്തെ പ്ലേയിങ് ഇലവനില്‍ ഉള്‍പ്പെടുത്തിയത് തെറ്റായ തീരുമാനമാണ്. ഏഴ് മത്സരത്തില്‍ സിഎസ്‌കെ ചൗളക്ക് അവസരം നല്‍കിയപ്പോള്‍ വീഴ്ത്തിയത് വെറും 6 വിക്കറ്റ്. എക്കോണമി 9ന് മുകളിലാണ്. രാജസ്ഥാനെതിരായ മത്സരത്തിലും ചൗള നിരാശപ്പെടുത്തി. 3 ഓവറില്‍ അദ്ദേഹം വഴങ്ങിയത് 32 റണ്‍സാണ് ഒരു വിക്കറ്റ് പോലും നേടാനും ആയില്ല. അഞ്ച് ടോട്ട് ബോളുകള്‍ എറിഞ്ഞതൊഴിച്ചാല്‍ കാര്യമായൊന്നും ചൗളക്ക് അവകാശപ്പെടാന്‍ സാധിക്കില്ല.

കേദാര്‍ ജാദവ് (സിഎസ്‌കെ)

ഇത്തവണ ഏറ്റവും കൂടുതല്‍ സിഎസ്‌കെ പഴികേട്ടത് കേദാര്‍ ജാദവിന്റെ പേരിലാണ്. ഓള്‍റൗണ്ടറായ ജാദവിനെ ബാറ്റ്‌സ്മാനെ നിലയില്‍ സിഎസ്‌കെ നിരന്തരം പരിഗണിച്ചെങ്കിലും തീര്‍ത്തും നിരാശപ്പെടുത്തി. നാലാം നമ്പറിലും മധ്യനിരയിലും മാറി മാറി പരീക്ഷിച്ചിട്ടും താരത്തിന് തിളങ്ങാനായില്ല. രാജസ്ഥാനെതിരേ ഏഴാമനായി ക്രീസിലെത്തിയ ജാദവ് ഏഴ് പന്തുകള്‍ നേരിട്ട് നേടിയത് വെറും നാല് റണ്‍സ്. ആദ്യ മൂന്ന് പന്തുകളില്‍ ഒരു റണ്‍സ് പോലും നേടാനായില്ല. 19ാം ഓവറിലാണ് ജാദവ് മൂന്ന് പന്തുകള്‍ പാഴാക്കിയത് എന്നതാണ് ഏറ്റവും നിരാശപ്പെടുത്തുന്നത്. അടുത്ത സീസണില്‍ ജാദവിനെ സിഎസ്‌കെ ഒഴിവാക്കുമെന്ന കാര്യം ഉറപ്പാണ്.