Click it and Unblock the Notifications
താരങ്ങള്ക്കെതിരേയുള്ള നടപടി
ബയോ ബബ്ളില് നിന്നും ഇതു ലംഘിച്ച് പുറത്തു കടക്കുന്ന താരം നിര്ബന്ധമായും ആറു ദിവസം ക്വാറന്റീനില് കഴിയണമെന്ന് ബിസിസിഐ ആവശ്യപ്പെടുന്നു.
രണ്ടാം തവണയും ഇതേ തെറ്റ് ആവര്ത്തിക്കുകയാണെങ്കില് ആറു ദിവസത്തെ ക്വാറന്റീനൊപ്പം ഈ താരത്തെ ഒരു കളിയില് വിലക്കുകയും ചെയ്യും. മൂന്നാം തവണയും ഇത് തുടര്ന്നാല് താരത്തെ ഐപിഎല്ലില് നിന്നും പുറത്താക്കും. പകരക്കാരനെ ഉള്പ്പെടുത്താന് അനുവദിക്കുകയുമില്ല.
60,000 രൂപ പിഴയടയ്ക്കണം
കൊവിഡ് 19 ടെസ്റ്റ് മിസ്സാക്കുകയോ ജിപിഎസ് ട്രാക്കര് ധരിക്കാതിരിക്കുകയോ, ദിനംപ്രതിയുള്ള ഹെല്ത്ത് പാസ്പോര്ട്ട് മുഴുമിക്കാതിരിക്കുകയോ ചെയ്യുന്ന താരത്തിന് 60,000 രൂപ പിഴയടയ്ക്കേണ്ടി വരും. ടീം ഒഫീഷ്യല്സ്, താരങ്ങള്ക്കൊപ്പമെത്തിയ കുടുംാബാംഗങ്ങള് എന്നിവര്ക്കും ഇതേ നിയമം ബാധകമാണ്.
ടൂര്ണമെന്റിനിടെ ഓരോ അഞ്ചു ദിവസം കൂടുമ്പോഴും മുഴുവന് താരങ്ങളും സപ്പോര്ട്ട് സ്റ്റാഫുമാരും കൊവിഡ്-19 ടെസ്റ്റിനു വിധേയരാവുകയും വേണം.
ഫ്രാഞ്ചൈസികള്ക്കും തിരിച്ചടി
താരങ്ങള്ക്കു മാത്രമല്ല ഫ്രാഞ്ചൈസികള്ക്കും കനത്ത ആഘാതമായിരിക്കും ബയോ ബബ്ള് ലംഘനമുണ്ടായാല് നേരിടേണ്ടി വരിക. ബയോ ബബ്ളിലേക്കു പ്രവേശിക്കുന്ന ഏതൊരു വ്യക്തിയെയും താരങ്ങുമായും സപ്പോര്ട്ട് സ്റ്റാഫുമാരുമായും സംവദിക്കാന് അനുവദിക്കുകയാണെങ്കില് ആദ്യത്തെ തെറ്റിന് ഒരു കോടി രൂപയാണ് പിഴയായി ഫ്രാഞ്ചൈസി നല്കേണ്ടി വരിക.
രണ്ടാം തവണയും ഇതേ തെറ്റ് ആവര്ത്തിച്ചാല് ഈ ഫ്രാഞ്ചൈസിയുടെ ഒരു പോയിന്റ് വെട്ടിക്കുറയ്ക്കും. മൂന്നാമതും തെറ്റ് ആവര്ത്തിക്കുകയാണെങ്കില് രണ്ടു പോയിന്റും ഈ ഫ്രാഞ്ചൈസിക്കു നഷ്ടാവും.
ആരോഗ്യ, സുരക്ഷാ മാനദണ്ഡങ്ങള് വീണ്ടും വീണ്ടും ലംഘിച്ചാല് ഈ ഫ്രാഞ്ചൈസിക്കെതിരേ ബിസിസിഐ അന്വേഷണം പ്രഖ്യാപിക്കുകയും ചെയ്യും.
Continue with Google