Click it and Unblock the Notifications
മനീഷ് പാണ്ഡെ
യോ യോ സ്‌കോറില്‍ കോലിയെ കടത്തിവെട്ടിയ ഒരു താരം മധ്യനിര ബാറ്റ്‌സ്മാന്‍ മനീഷ് പാണ്ഡെയാണ്. 19.2 ആണ് പാണ്ഡെയുടെ സ്‌കോര്‍. 2017ല്‍ നടത്തിയ യോ യോ ടെസ്റ്റിലാണ് താരത്തിനു ഇത്രയും സ്‌കോര്‍ ലഭിച്ചത്. അന്നു സൂപ്പര്‍ താരം യുവരാജ് സിങ് യോ യോ ടെസ്റ്റില്‍ പരാജയപ്പെട്ടിരുന്നു. തുടര്‍ന്നു അദ്ദേഹത്തെ ടീമിലേക്കു പരിഗണിച്ചതുമില്ല.
നിലവില്‍ ഇന്ത്യയുടെ നിശ്ചിത ഓവര്‍ ടീമിന് അകത്തും പുറത്തുമായി തുടരുകയാണ് പാണ്ഡെ. എങ്കിലും അവസരം ലഭിക്കുമ്പോള്‍ മികച്ച പ്രകടനം നടത്താന്‍ പാണ്ഡെ ശ്രമിക്കാറുണ്ട്. നിലവിലെ ഇന്ത്യന്‍ സംഘത്തിലെ മികച്ച ഫീല്‍ഡര്‍മാരില്‍ ഒരാള്‍ കൂടിയാണ് പാണ്ഡെ.
മായങ്ക് ഡഗര്‍
ഇന്ത്യക്കു വേണ്ടി ഇതുവരെ ഒരു മല്‍സരം പോലും കളിച്ചിട്ടില്ലാത്ത ഹിമാചല്‍ പ്രദേശ് താരം മായങ്ക് ഡഗറാണ് യോ യോ ടെസ്റ്റില്‍ കോലിയെ മറികടന്ന മറ്റൊരു താരം. കോലി 19ഉം പാണ്ഡെ 19.2ഉം നേടിയ യോ യോ ടെസ്റ്റില്‍ ഡഗറിന്റെ സ്‌കോര്‍ 19.3 ആയിരുന്നു. നിലവില്‍ ആഭ്യന്തര ക്രിക്കറ്റില്‍ ഹിമാചല്‍ പ്രദേശ് ടീമിലെ സ്ഥിരം സാന്നിധ്യമാണ് ഇടംകൈയന്‍ സ്പിന്നര്‍.
ഐപിഎല്ലില്‍ കിങ്‌സ് ഇലവന്‍ പഞ്ചാബിന്റെ താരമായ ഡഗര്‍ ഇന്ത്യയുടെ അണ്ടര്‍ 19 ടീമിനു വേണ്ടിയും നേരത്തേ കളിച്ചിട്ടുണ്ട്. ഇന്ത്യയുടെ മുന്‍ വെടിക്കെട്ട് ഓപ്പണര്‍ വീരേന്ദര്‍ സെവാഗിന്റെ അനന്തരവന്‍ കൂടിയാണ് ഡഗറെന്നത് പലര്‍ക്കും അറിയാത്ത രഹസ്യമാണ്.
കരുണ്‍ നായര്‍
ഇന്ത്യയുടെ മുന്‍ ടെസ്റ്റ് ബാറ്റ്‌സ്മാനും മറുനാടന്‍ മലയാളി താരവുമായ കരുണ്‍ നായരാണ് ലിസ്റ്റിലെ മറ്റൊരാള്‍. വീരേന്ദര്‍ സെവാഗിനെക്കൂടാതെ ടെസ്റ്റില്‍ ഇന്ത്യക്കു വേണ്ടി ട്രിപ്പിള്‍ സെഞ്ച്വറി നേടിയ ഏക താരം കൂടിയാണ് കരുണ്‍. നിലവില്‍ കോലിയേക്കാള്‍ മികച്ച ഫിറ്റ്‌നസുള്ള ഇന്ത്യന്‍ താരം താനാണെന്നു മുന്‍ പരിശീലകന്‍ ശങ്കര്‍ ബസു തന്നോടു പറഞ്ഞിരുന്നതായി കരുണ്‍ അടുത്തിടെ ഒരു അഭിമുഖത്തില്‍ വെളിപ്പെടുത്തിയിരുന്നു.
എന്നാല്‍ യോ യോ ടെസ്റ്റില്‍ കരുണിന് ലഭിച്ച മാര്‍ക്ക് എത്രയാണെന്നു വ്യക്തമല്ല. താരവും പരിശീലകനോ ഇതു വെളിപ്പെടുത്തിയിട്ടില്ല. നിലവില്‍ ദേശീയ ടീമിന്റെ ഭാഗമല്ലാത്ത കരുണ്‍ ഇപ്പോള്‍ ആഭ്യന്തര ക്രിക്കറ്റില്‍ കളിച്ചു കൊണ്ടിരിക്കുകയാണ്.
