Click it and Unblock the Notifications
തകര്പ്പന് കൂട്ടുകെട്ട്
പുജാരയും കോലിയും മൂന്നാം വിക്കറ്റില് തകര്പ്പന് കൂട്ടുകെട്ടാണുണ്ടാക്കിയത്. 170 റണ്സാണ് ഇരുവരും കൂടി ടീം സ്കോറിലേക്കു കൂട്ടിച്ചേര്ത്തത്. തുടര്ച്ചയായ രണ്ടാം ടെസ്റ്റിലും സെഞ്ച്വറി നേടിയേക്കുമെന്ന് സൂചന നല്കിയ കോലിയെ പുറത്താക്കി സ്റ്റാര്ക്കാണ് ഇന്ത്യന് കുതിപ്പിന് ബ്രേക്കിട്ടത്. 82 റണ്സെടുത്ത കോലിയെ സ്റ്റാര്ക്കിന്റെ ബൗളിങില് ഫിഞ്ച പിടികൂടുകയായിരുന്നു. 204 പന്തില് ഒമ്പത് ബൗണ്ടറികളുള്പ്പെട്ടതായിരുന്നു ഇന്ത്യന് നായകന്റെ ഇന്നിങ്സ്. ഇന്ത്യന് സ്കോര് 293ല് വച്ചാണ് കോലി കളംവിട്ടത്.
പിന്നാലെ പുജാരയും
കോലി പുറത്തായി തൊട്ടു പിന്നാലെ പുജാരയും ക്രീസ് വിട്ടു. ടീം സ്കോറിലേക്കു ആറു റണ്സ് കൂടി കൂട്ടിച്ചേര്ക്കുന്നതിനിടെ പുജാരയുടെ മാരത്തണ് ഇന്നിങ്സ് പാറ്റ് കമ്മിന്സ് അവസാനിപ്പിക്കുകയായിരുന്നു. 319 പന്തുകള് നേരിട്ടാണ് അദ്ദേഹം 106 റണ്സെടുത്തത്. 10 ബൗണ്ടറികളും ഇന്നിങ്സിലുണ്ടായിരുന്നു. കമ്മിന്സിന്റെ ബൗളിങില് പുജാര ബൗള്ഡാവുകയായിരുന്നു.
കൂട്ടുകെട്ട് തകര്ത്ത് ലിയോണ്
അഞ്ചാം വിക്കറ്റില് രോഹിത്- രഹാനെ സഖ്യം 62 റണ്സിന്റെ മികച്ച കൂട്ടുകെട്ടുമായി കുതിക്കുന്നതിനിടെയാണ് ഓസ്ട്രേലിയ തിരിച്ചടിക്കുന്നത്. രഹാനെയെ (34) പുറത്താക്കി ലിയോണ് ഓസീസിന് ബ്രേക്ക്ത്രൂ നല്കുകയായിരുന്നു.
76 പന്തുകളില് രണ്ടു ബൗണ്ടറികളോടെയാണ് രഹാനെ 34 റണ്സ് നേടിയത്. ടീം സ്കോര് 361ല് വച്ച് ലിയോണിന്റെ ബൗളിങില് താരം വിക്കറ്റിനു മുന്നില് കുരുങ്ങുകയായിരുന്നു.കളിയില് ലിയോണിന്റെ ആദ്യത്തെ വിക്കറ്റ് കൂടിയായിരുന്നു ഇത്.
രോഹിത്- പന്ത് സഖ്യം
ആറാം വിക്കറ്റിലും ഇന്ത്യ മികച്ച കൂട്ടുകെട്ടുണ്ടാക്കി. രോഹിത്- പന്ത് സഖ്യം 76 റണ്സാണ് ആറാം വിക്കറ്റില് നേടിയത്. എന്നാല് സ്റ്റാര്ക്ക് ഈ സഖ്യത്തെ വേര്പിരിക്കുകയായിരുന്നു. 39 റണ്സെടുത്ത പന്തിനെ സ്റ്റാര്ക്ക് ഉസ്മാന് ഖവാജയ്ക്കു സമ്മാനിച്ചു. ഇന്ത്യ ആറിന് 437.
തുടര്ന്നെത്തിയ ജഡേജ നാലു റണ്സ് മാത്രമെടുത്ത് പുറത്തായതിനു പിന്നാലെ ഇന്ത്യ ഇന്നിങ്സ് ഡിക്ലയര് ചെയ്യുകയും ചെയ്തു.
Continue with Google