കത്തിക്കയറി ദുബെയും അക്ഷറും
ശിവം ദുബെയുടെയും അക്ഷര് പട്ടേലിന്റെയും വെടിക്കെട്ട് പ്രകടനമാണ് ഇന്ത്യയെ കൂറ്റന് സ്കോറിലെത്തിച്ചത്. ദുബെ പുറത്താവാതെ 79 റണ്സ് നേടിയപ്പോള് അക്ഷര് 60 റണ്സാണ് അടിച്ചെടുത്തത്.
വെറും 60 പന്തില് ആറു സിക്സറുകളും മൂന്നു ബൗണ്ടറികളുമടക്കമാണ് ദുബെ 79 റണ്സെടുത്തതെങ്കില് അക്ഷര് 36 പന്തില് ആറു ബൗണ്ടറികളും മൂന്നു സിക്സറുമുള്പ്പെട്ടിരുന്നു. അപരാജിതമായ ഏഴം വിക്കറ്റില് 68 പന്തില് 121 റണ്സാണ് ഇരുവരും വാരിക്കൂട്ടിയത്.
തുടക്കം മുതലാക്കാനാതെ ഗില്
മികച്ച രീതിയിലാണ് ഓപ്പണര് ശുഭ്മാന് ഗില് ഇന്ത്യക്കു വേണ്ടി തുടങ്ങിയത്. എന്നാല് അര്ധസെഞ്ച്വറിക്ക് നാലു റണ്സ് അകലെ താരം പുറത്താവുകയായിരുന്നു.
47 പന്തില് ഏഴു ബൗണ്ടറികളോടെയാണ് ഗില് 46 റണ്സെടുത്തത്. ആദ്യ വിക്കറ്റില് റുതുരാജ് ഗെയ്ക്ക്വാദിനൊപ്പം 54 റണ്സ് കൂട്ടിച്ചേര്ക്കാനും ഗില്ലിനു കഴിഞ്ഞു.
ഭേദപ്പെട്ട പ്രകടനുമായി പാണ്ഡെ, കിഷന്
നായകന് മനീഷ് പാണ്ഡെയും യുവ വിക്കറ്റ് കീപ്പര് ഇഷാന് കിഷനുമാണ് ഇന്ത്യന് നിരയില് തിളങ്ങിയ മറ്റുള്ളവര്. നാലാമതായി ഇറങ്ങിയ പാണ്ഡെ 39ഉം അഞ്ചാമനായി ക്രീസിലെത്തിയ കിഷന് 37 റണ്സുമെടുത്തു പുറത്തായി. ക്രുനാല് പാണ്ഡ്യക്കു 14 റണ്സെടുക്കാനേ ആയുള്ളൂ.