Asian Games History: All Editions, Host Cities, Winners, Medal Tally & Records

19ാമത് ഏഷ്യന്‍ ഗെയിംസ് ചൈനയിലെ ഹാങ്‌ചോയില്‍ നടക്കും. 2022ല്‍ നടക്കേണ്ടിയിരുന്ന ഗെയിംസ് കോവിഡിനെത്തുടര്‍ന്ന് 2026ലേക്ക് മാറ്റുകയായിരുന്നു. ചൈനയുടെ സംസാകാരവും പൈതൃകവും എല്ലാം എടുത്തുകാട്ടുന്ന ഗെയിംസില്‍ 40 ഇനങ്ങളിലായി 45 രാജ്യങ്ങളില്‍ നിന്നുള്ള താരങ്ങള്‍ പങ്കെടുക്കും

18ാമത്തെ ഏഷ്യന്‍ ഗെയിംസ് ഇന്തോനേസ്യയിലെ ജക്കാര്‍ത്തയിലാണ് നടന്നത്. 45 രാജ്യങ്ങളില്‍ നിന്നുള്ള 11000 ലധികം താരങ്ങള്‍ പങ്കെടുത്തു. ഇന്തോനേസ്യയുടെ സംസ്‌കാരം പരിചയപ്പെടുത്തുകയും പാരസ്ഥിതിക അവബോധം വളര്‍ത്തുകയും ചെയ്യാനാണ് ഗെയിംസിലൂടെ ലക്ഷ്യംവെച്ചത്

ദക്ഷിണ കൊറിയയിലെ ഇഞ്ചിയോണില്‍ നടന്ന 17ാം ഏഷ്യന്‍ ഗെയിംസില്‍ 45 രാജ്യങ്ങളില്‍ നിന്നുള്ള 9500ലധികം അത്‌ല്റ്റുകളാണ് പങ്കെടുത്തത്. ഒരുമയാണ് ഗെയിംസ് മുന്നോട്ടുവെച്ച സന്ദേശം. ഇഞ്ചിയോണ്‍ കായിക മേഖലയുടെ വളര്‍ച്ചക്കായി വലിയ നിക്ഷേപം നടത്തിയിട്ടുണ്ട്.

16ാം ഏഷ്യന്‍ ഗെയിംസ് ചൈനയിലെ ഗ്വാങ്ഷുവിലാണ് നടന്നത്. 42 ഇനങ്ങളിലായി 45 രാജ്യങ്ങളില്‍ നിന്നുള്ള 9700 അത്‌ലറ്റുകളാണ് ഗെയിംസില്‍ പങ്കെടുത്തത്. ഏഷ്യയുടെ സംസാകാരിക വിശാലത ഉയര്‍ത്തിക്കാട്ടുന്ന ഗെയിംസായിരുന്നു ഇത്‌

ഖത്തറിലെ ദോഹയില്‍ നടന്ന ഗെയിംസില്‍ 9520 താരങ്ങളാണ് 45 രാജ്യങ്ങളില്‍ നിന്നായി പങ്കെടുത്തത്. മിഡില്‍ ഈസ്റ്റ് വേദിയായ ആദ്യത്തെ ഏഷ്യന്‍ ഗെയിംസായിരുന്നു ഇത്. ഖത്തറിനെ ഗ്ലോബല്‍ സ്‌പോര്‍ട്‌സ് ഹബ്ബാക്കി മാറ്റുന്നതിന്റെ വലിയ തുടക്കമായി ഗെയിംസ് മാറി.

14ാം ഏഷ്യന്‍ ഗെയിംസിന് ദക്ഷിണ കൊറിയയാണ് വേദിയായത്. 44 രാജ്യങ്ങളില്‍ നിന്നായി 7711 താരങ്ങളാണ് പങ്കെടുത്തത്. ഒരുമയാണ് ഈ ഗെയിംസ് മുന്നോട്ടുവെച്ച സന്ദേശം. ഏഷ്യന്‍ രാജ്യങ്ങള്‍ക്കിടയിലെ സൗഹൃദം മെച്ചപ്പെടുത്താന്‍ ഗെയിംസ് സഹായിച്ചു.

13ാം ഏഷ്യന്‍ ഗെയിംസിന് ബാങ്കോക്കാണ് വേദിയായത്. 41 രാജ്യങ്ങളില്‍ നിന്നായി 6554 താരങ്ങളാണ് ഗെയിംസില്‍ പങ്കെടുത്തത്. സാംസ്‌കാരിക വൈവിധ്യത്തിന്റെ പങ്കുവെക്കലും കായിക മേഖലയുടെ വളര്‍ച്ചയുമാണ് ഗെയിംസ് ലക്ഷ്യംവെച്ചത്‌

12ാം ഏഷ്യന്‍ ഗെയിംസ് ജപ്പാനിലെ ഹിരോഷിമയിലാണ് നടന്നത്. നാളെയെ വാര്‍ത്തെടുക്കുകയെന്ന സന്ദേശം പങ്കുവെച്ചാണ് ഈ ഗെയിംസ് നടന്നത്. 34 ഇനങ്ങളിലായി 43 രാജ്യങ്ങളില്‍ നിന്ന് 6828 താരങ്ങളാണ് പങ്കെടുത്തത്. പാരിസ്ഥിതിക മേഖലയ്ക്ക് ഊന്നല്‍ നല്‍കിയാണ് ഈ ഗെയിംസ് നടന്നത്.

11ാം ഏഷ്യന്‍ ഗെയിംസിന് ചൈനയിലെ ബെയ്ജിങ്ങിലാണ് നടന്നത്. 27 മത്സര ഇനങ്ങളില്‍ നിന്നായി 36 രാജ്യങ്ങളില്‍ നിന്നുള്ള 6122 താരങ്ങളാണ് ഇതില്‍ പങ്കെടുത്തത്. ചൈനയുടെ കായിക മേഖലയെ വളര്‍ത്തുകയെന്ന വലിയ ലക്ഷ്യമാണ് ഈ ഗെയിംസിലൂടെ ചൈനക്കുണ്ടായിരുന്നത്‌.

10ാം ഏഷ്യന്‍ ഗെയിംസിന് ദക്ഷിണ കൊറിയയിലെ സോളാണ് വേദിയായത്. 25 ഇനങ്ങളിലായി 27 രാജ്യങ്ങളില്‍ നിന്നുള്ള 4839 പേരാണ് ഇതില്‍ പങ്കെടുത്തത്. ഗ്ലോബല്‍ സ്‌പോര്‍ട്‌സ് മത്സരങ്ങളില്‍ പുതിയ മാതൃകയാവാന്‍ ഈ ഗെയിംസിന് സാധിച്ചു.

9ാം ഏഷ്യന്‍ ഗെയിംസിന് ഇന്ത്യയാണ് ആതിഥേയരായത്. ഡല്‍ഹി വേദിയായപ്പോള്‍ 33 രാജ്യങ്ങളില്‍ നിന്നുള്ള 3411 താരങ്ങളാണ് പങ്കെടുത്തത്. 21 വിഭാഗങ്ങളിലായാണ് മത്സരം നടന്നത്. ഇന്ത്യയുടെ കായിക കരുത്ത് തെളിയിക്കുന്നതായിരുന്നു ഈ ഗെയിംസ്‌.

ഏഷ്യന്‍ ഗെയിംസിന് മൂന്ന് തവണ വേദിയായ ആദ്യ നഗരമായി ബാങ്കോക്ക് മാറി. 8ാം ഏഷ്യന്‍ ഗെയിംസില്‍ 25 രാജ്യങ്ങളില്‍ നിന്നുള്ള 3842 താരങ്ങളാണ് പങ്കെടുത്തത്.

ഏഴാം ഏഷ്യന്‍ ഗെയിംസിന് ഇറാനാണ് ആതിഥേയരായത്. തെഹ്‌റാന്‍ വേദിയായപ്പോള്‍ 25 രാജ്യങ്ങളില്‍ നിന്നായി 3010 താരങ്ങളാണ് ഗെയിംസില്‍ പങ്കെടുത്തത്. ഇലക്ട്രാണിക് സ്‌കോര്‍ബോര്‍ഡ്, ഉത്തേജക പരിശോധന ഉള്‍പ്പെടെ പല പ്രധാന മാറ്റങ്ങളും അവതരിപ്പിക്കപ്പെട്ട ഗെയിംസായിരുന്നു ഇത്.

ആറാം ഏഷ്യന്‍ ഗെയിംസിന് ബാങ്കോക്കായിരുന്നു വേദി. ദക്ഷിണ കൊറിയയായിരുന്നു വേദിയാകേണ്ടിയിരുന്നതെങ്കിലും സാമ്പത്തിക പ്രശ്‌നത്തെത്തുടര്‍ന്ന് ബാങ്കോക്കിലേക്കെത്തുകയായിരുന്നു.18 രാജ്യങ്ങളില്‍ നിന്നുള്ള 2400ഓളം താരങ്ങളാണ് ഈ ഗെയിംസില്‍ പങ്കെടുത്തത്.

അഞ്ചാം ഏഷ്യന്‍ ഗെയിംസിന് ബാങ്കോക്കാണ് വേദിയായത്. 1966 ഡിസംബര്‍ 9-20വരെ നടന്ന ഗെയിംസിലാണ് ജിംനാസ്റ്റിക് ഉള്‍പ്പെടെ പല പുതിയ കായിക ഇനങ്ങളും കൊണ്ടുവരുന്നത്. ഏഷ്യന്‍ രാജ്യങ്ങള്‍ക്കിടയിലെ സൗഹൃദം മെച്ചപ്പെടുത്താന്‍ ഈ ഗെയിംസിലൂടെ സാധിച്ചു.

ഇന്തോനേസ്യയിലെ ജക്കാര്‍ത്തയിലാണ് നാലാം ഏഷ്യന്‍ ഗെയിംസ് നടന്നത്. 1962 ആഗസ്റ്റ് 24 മുതല്‍ സെപ്തംബര്‍ 4വരെയാണ് ടൂര്‍ണമെന്റ് നടന്നത്. മികച്ച രീതിയില്‍ ഏഷ്യന്‍ ഗെയിംസ് പൂര്‍ത്തിയാക്കി ഇന്തോനേസ്യ കരുത്തുകാട്ടി.

മൂന്നാം ഏഷ്യന്‍ ഗെയിംസ് ജപ്പാനിലെ ടോക്കിയോയിലാണ് നടന്നത്. 1958 മെയ് 24 മുതല്‍ ജൂണ്‍ 1വരെയാണ് ഗെയിംസ് നടന്നത്. 20 രാജ്യങ്ങളാണ് ഗെയിംസില്‍ പങ്കെടുത്തത്. ജൂഡോയും ബാസ്‌ക്കറ്റ് ബോളുമെല്ലാം അവതരിപ്പിക്കപ്പെട്ടത് ഈ ഗെയിംസിലൂടെയാണ്‌.

രണ്ടാം ഏഷ്യന്‍ ഗെയിംസിന് വേദിയായത് മാനിലയാണ്. 1954 മെയ് 1-9 വരെയാണ് ഗെയിംസ് നടന്നത്. 18 രാജ്യങ്ങളാണ് ഈ ഗെയിംസില്‍ പങ്കെടുത്തത്. അഫ്ഗാനിസ്ഥാന്‍, കംബോഡിയ, ദക്ഷിണ കൊറിയ എന്നിവരെല്ലാം കടന്നുവന്നത് ഈ ഗെയിംസിലൂടെയായിരുന്നു.

പ്രഥമ ഏഷ്യന്‍ ഗെയിംസിന് വേദിയായത് ഇന്ത്യയിലെ ന്യൂഡല്‍ഹിയാണ്. 1951 മാര്‍ച്ച് 4-11വരെയാണ് ഗെയിംസ് നടന്നത്. ഏഷ്യന്‍ രാജ്യങ്ങളുടെ ഐക്യം മെച്ചപ്പെടുത്തുന്നതിനായാണ് ഇത്തരമൊരു ഗെയിംസ് കൊണ്ടുവന്നത്. അത്‌ലറ്റിക്‌സ്, ഫുട്‌ബോള്‍, നീന്തല്‍, ടെന്നിസ് എന്നിവയെല്ലാം ഉണ്ടായിരുന്നു. 11 രാജ്യങ്ങളാണ് ഗെയിംസില്‍ പങ്കെടുത്തത്.