ബ്യൂണസ് ഐറിസ്: ഒളിമ്പിക്സിന് മാസങ്ങള് മാത്രം ശേഷിക്കവെ ജാവലിന് ത്രോയിലെ ലോകോത്തര താരം വാഹനാപകടത്തില് മരിച്ചു. അര്ജന്റീനന് താരം ബ്രയാന് ടൊളേഡോയാണ് മോട്ടോര്സൈക്കിള് അപകടത്തില് മരിച്ചത്. ടോക്യോ ഒളിമ്പിക്സില് അര്ജന്റീനയുടെ മെഡല് പ്രതീക്ഷയായിരുന്നു ഈ ഇരുപത്തിയാറുകാരന്. ബ്യൂണസ് ഐറിസിനടുത്തുള്ള മാര്ക്കോസ് പാസില്വെച്ചാണ് അപകടമുണ്ടായത്.
മഹത്തായൊരു കായിക താരത്തെയാണ് തങ്ങള്ക്ക് നഷ്ടമായതെന്ന് അര്ജന്റീനന് ഒളിമ്പിക് കമ്മറ്റി പ്രസിഡന്് ജെറാര്ഡോ വെര്ത്തിന് പറഞ്ഞു. താങ്കള്ക്കുവേണ്ടി ഞങ്ങള് പ്രാര്ഥിക്കും. കുടുംബത്തിന്റെ ദു:ഖത്തില് പങ്കുചേരുന്നുവെന്നും അദ്ദേഹം അറിയിച്ചു. ലണ്ടനില് 2012ല് നടന്ന ഒളിമ്പിക്സില് പതിനെട്ടാം വയസില് പങ്കെടുത്ത താരമാണ് ടൊളേഡോ. അന്ന് മുപ്പതാം സ്ഥാനത്താണ് ഫിനിഷ് ചെയ്തത്.
വനിതകളുടെ ടി20 ലോകകപ്പ്: തായ്ലാന്ഡിനെ തറപറ്റിച്ച് ദക്ഷിണാഫ്രിക്ക, വമ്പന് ജയം
നാലുവര്ഷത്തിനുശേഷം റിയോ ഒളിമ്പിക്സില് പത്താം സ്ഥാനത്തെത്തി. 2017ല് സൗത്ത് അമേരിക്കന് ചാമ്പ്യന്ഷിപ്പില് സ്വര്ണം നേടി. 2015ല് ബെയ്ജിങ്ങില്വെച്ച് 83.32 മീറ്റര് എറിഞ്ഞതാണ് കരിയറിലെ മികച്ചദൂരം. ഈ ദൂരം കണ്ടെത്താനായാല് ഇത്തവണ ഒളിമ്പിക്സില് മെഡല് നേടാന് കഴിവുള്ളതാരമായിരുന്നു അകാലത്തില് വിടവാങ്ങിയത്. ടൊളേഡോയുടെ വിയോഗത്തില് മികച്ച കായിക താരത്തേയാണ് അര്ജന്റീനയ്ക്ക് നഷ്ടമാകുന്നതും.