Click it and Unblock the Notifications
ഇത്തവണയെങ്കിലും ആര്സിബി
ഇത്തവണയെങ്കിലും ഐപിഎല് കിരീടം നേടണമെന്ന ആഗ്രഹവുമായാണ് കോലിയും സംഘവും കളിക്കാനിറങ്ങുന്നത്. അതിനിടെ, ഇതുവരെ തങ്ങള് ചാമ്പ്യന്മാരാകാത്തതിന്റെ കാരണവും കോലി വെളിപ്പെടുത്തി. തെറ്റായ തീരുമാനങ്ങളാണ് ടീമിന്റെ തോല്വിക്കിടയാക്കിയതെന്ന് കോലി പറയുന്നു. മികച്ച തീരുമാനങ്ങളെടുക്കുന്ന ടീമാണ് കപ്പ് നേടുന്നതെന്നും ക്യാപ്റ്റന് ചൂണ്ടിക്കാട്ടി.
ആര്സിബി കപ്പടിക്കാത്തതിന്റെ കാരണം
തെറ്റായ തീരുമാനങ്ങളാണ് എടുക്കുന്നതെങ്കില് ടീം തോറ്റിരിക്കും. വലിയ മത്സരങ്ങളില് ഞങ്ങളുടെ തീരുമാനങ്ങള് ശരിയായിരുന്നില്ല. ബാലന്സ് ചെയ്യാവുന്ന തീരുമാനങ്ങളെടുക്കുന്ന ടീം ഐപിഎല്ലില് ജയിക്കും. മൂന്നു ഫൈനലുകളിലും മൂന്നും സെമി ഫൈനലുകളിലും തങ്ങള് പ്രവേശിച്ചു. എന്നാല് കിരീടം മാത്രം ലഭിച്ചില്ല. മികച്ച രീതിയില് കളിക്കാന് കഴിഞ്ഞെങ്കിലും ചില തീരുമാനങ്ങള് തെറ്റിയെന്നും കോലി സമ്മതിച്ചു.
ചെന്നെയുമായി പോരാട്ടം
ചെന്നൈ സൂപ്പര് കിങ്സുമായാണ് ഇത്തവണ ആര്സിബിയുടെ ആദ്യ മത്സരം. ഉദ്ഘാടന മത്സരത്തില് തന്നെ ആര്സിബി നിലവിലെ ചാമ്പ്യന്മാരായ ചെന്നൈയെ നേരിടും. വിരാട് കോലിയും എബി ഡിവില്ലിയേഴ്സും ഉള്പ്പെടെയുള്ള പ്രമുഖര് ഇത്തവണയും ആര്സിബിയുടെ നിരയിലുണ്ട്. വിന്ഡീസില് നിന്നുമെത്തിയ വെടിക്കെട്ടുതാരം ഷിമ്രോണ് ഹെറ്റ്മെയര് ഇക്കുറി ടീമിന് മുതല്ക്കൂട്ടാകുമെന്നാണ് കരുതുന്നത്.
Continue with Google