ഇങ്ങനെയല്ല കളിക്കേണ്ടത്; ഈ താരത്തെ കണ്ട് പഠിക്കൂ; പന്തിനും വിജയ്ക്കും മഞ്ജരേക്കറുടെ ഉപദേശം

നിരാശപ്പെടുത്തി വിജയ് ശങ്കര്‍

അനായാസം സിംഗിളുകള്‍ എടുക്കാവുന്ന അവസരത്തില്‍ വിജയ് ശങ്കര്‍ പന്ത് ഉയര്‍ത്തിയടിച്ച് വിക്കറ്റ് വലിച്ചെറിയുകയായിരുന്നു. ഒരറ്റത്ത് രോഹിത് ശര്‍മയുണ്ടായിട്ടും വിജയ് ശങ്കറിന് സിംഗിളുകള്‍ കൈമാറി ടീമിനെ കൈപിടിച്ചുയര്‍ത്താന്‍ കഴിഞ്ഞില്ല. മികച്ച ഒരു ഇന്നിങ്‌സ് കളിച്ച് ഓള്‍റൗണ്ടറെന്ന നിലയില്‍ ടീമില്‍ സ്ഥിരയുറപ്പാക്കാനുള്ള അവസരവും ഇതോടെ തമിഴ്‌നാട് താരം നഷ്ടപ്പെടുത്തി.

മഞ്ജരേക്കറുടെ ഉപദേശം

പന്തും വിജയിയും കളിച്ച രീതിയെ വിമര്‍ശിച്ച് മുന്‍ താരം സഞ്ജയ് മഞ്ജരേക്കറും രംഗത്തെത്തി. രണ്ടുപേരുടെയും പ്രകടനം നിരാശപ്പെടുത്തുന്നതാണെന്ന് മഞ്ജരേക്കര്‍ പറഞ്ഞു. കഴിവു തെളിയിക്കാനുള്ള സുവര്‍ണാവസരമാണ് ഇരുവരും ഇല്ലാതാക്കിയത്. ശങ്കര്‍ വലിയ ഷോട്ടുകള്‍ കളിക്കാന്‍ പ്രാപ്തനായ താരമാണ്. എന്നാല്‍, കോലി മൈതാനത്ത് പന്തുകള്‍ പായിച്ച് എങ്ങിനെ റണ്‍സ് നേടുന്നതെന്ന് ഇരുവരും മനസിലാക്കണമെന്നും മഞ്ജരേക്കര്‍ വ്യക്തമാക്കി.

ജാദവും ഭുവനേശ്വര്‍ കുമാറും

ആദം സാംപയുടെ പന്തിലാണ് വിജയ് ശങ്കര്‍ പുറത്തായത്. സിംഗിളുകള്‍ എടുത്ത് സ്‌കോര്‍ ചലിപ്പിച്ചാല്‍തന്നെ വിജയത്തിലേക്ക് അനാസായം നടന്നുകയറാവുന്ന അവസരത്തിലായിരുന്നു താരം വലിയ ഷോട്ടിന് ശ്രമിച്ചത്. 44 റണ്‍സെടുത്ത കേദാര്‍ ജാവും 46 റണ്‍സെടുത്ത ഭുവനേശ്വര്‍ കുമാറും അവസാന ഘട്ടത്തില്‍ ശ്രമിച്ചെങ്കിലും ടീമിനെ വിജയത്തിലെത്തിക്കാന്‍ കഴിഞ്ഞില്ല.