ഗൗതം ഗംഭീറിന്റെ റെക്കോര്ഡ്
ഐപിഎല് ആദ്യ സീസണില് ദില്ലി ടീമിന്റെ താരമായിരുന്നു ഗംഭീര്. 2008ലെ ആദ്യ സീസണില് തന്നെ ടി20യില് വരവറിയിച്ച ഗംഭീര് 534 റണ്സാണ് അടിച്ചു കൂട്ടിയത്. പത്ത് വര്ഷത്തോളം ആ റെക്കോര്ഡ് തര്ക്കാന് മറ്റൊരു ദില്ലി താരത്തിനും കഴിഞ്ഞില്ല. ഇത്തവണ ഗംഭീര് ദില്ലി ടീമില് തിരിച്ചെത്തിയപ്പോഴാണ് റെക്കോര്ഡ് ഋഷഭ് മറികടന്നതെന്ന പ്രത്യേകതകൂടിയുണ്ട്.
ഋഷഭ് പന്തിന്റെ റെക്കോര്ഡ് ബാറ്റിങ് പ്രകടനം
നടപ്പു സീസണില് ഋഷഭ് പന്ത് ഏതൊരു ബാറ്റ്സ്മാനെയും കൊതിപ്പിക്കുന്ന തരത്തിലാണ് പ്രകടനം നടത്തുന്നത്. 582 റണ്സ് ഇതിനകംതന്നെ യുവതാരം സ്വന്തമാക്കി. രണ്ട് ദിവസങ്ങള്ക്ക് മുന്പ് ഐപിഎല്ലിലെ തന്റെ ആദ്യ സെഞ്ച്വറിയും നേടിയിരുന്നു. 63 പന്തില് 15 ബൗണ്ടറിയും ഏഴ് സിക്സറുകളും ഉള്പ്പെടെയായിരുന്നു ഋഷഭിന്റെ നേട്ടം.
സെഞ്ച്വറി നേടിയ പ്രായം കുറഞ്ഞ താരം
ഐപിഎല്ലില് സെഞ്ച്വറി നേടിയ പ്രായം കുറഞ്ഞ താരമെന്ന ബഹുമതിയും ഇനി ഋഷഭിന്റെ പേരിലായിരിക്കും. ബാംഗ്ലൂരിന്റെ താരമായിരിക്കെ 2009ല് മനീഷ് പാണ്ഡെ നേടിയ സെഞ്ച്വറിയാണ് പഴങ്കഥയായത്. അന്ന് 19 വയസും 253 ദിവസവുമായിരുന്നു മനീഷിന്റെ പ്രായം. മലയാളി സഞ്ജു സാംസണ് സെഞ്ച്വറി നേടിയ പ്രായം കുറഞ്ഞ മൂന്നാമത്തെ താരമാണ്.
ഋഷഭ് പന്തിന്റെ ഐപിഎല് 2018ലെ പ്രകടനം
ഐപിഎല് 2018 സീസണില് ഒരു സെഞ്ച്വറിയും നാല് അര്ദ്ധ സെഞ്ച്വറിയും ഋഷഭ് തന്റെ പേരിലാക്കിക്കഴിഞ്ഞു. 61 ബൗണ്ടറിയും 31 സിക്സറുകളും ഈ വിക്കറ്റ് കീപ്പര് പറത്തി. ഐപിഎല് നടപ്പു സീസണില് ഏറ്റവും കൂടുതല് സിക്സറുകള് നേടിയ ധോണിയെ മറികടന്ന് മുന്നിലെത്തുകയും ചെയ്തു ദില്ലി താരം. ഐപിഎല്ലില് ഒരു ഇന്ത്യക്കാരന്റെ ഉയര്ന്ന സ്കോറും ഋഷഭിന്റെ പേരിലാണ്. 2010ല് മുരളി വിജയ് നേടിയ 127 റണ്സെന്ന സ്കോറാണ് ഋഷഭ് കഴിഞ്ഞദിവസം മറികടന്നത്.