Click it and Unblock the Notifications
മൂന്നാം മത്സരത്തിലും റണ്ണൊഴുകും
ഇരു ടീമുകളിലെയും ബാറ്റ്‌സ്മാന്മാര്‍ക്ക് സഹായകരമാകുന്ന വിധം റണ്ണൊഴുകുന്നതായിരിക്കും മുന്നാം മത്സരത്തിലേയും പിച്ച്. രണ്ടാം മത്സരത്തില്‍ ഇന്ത്യ 324 റണ്‍സടിച്ചപ്പോള്‍ ന്യൂസിലന്‍ഡ് 90 റണ്‍സിന് തോറ്റിരുന്നു. രണ്ടാമത് ബാറ്റ് ചെയ്യുക ദുഷ്‌കരമായിരിക്കുമെന്നാണ് വിലയിരുത്തല്‍. അതുകൊണ്ടുതന്നെ ടോസ് നേടിയാല്‍ ക്യാപ്റ്റന്മാര്‍ ബാറ്റിങ് തെരഞ്ഞെടുക്കും. 300 റണ്‍സിന് മേല്‍ സ്‌കോര്‍ ചെയ്താല്‍ എതിരാളിക്ക് വെല്ലുവിളിയാകും.
പരമ്പര ഉറപ്പിക്കാന്‍ ഇന്ത്യ
മൂന്നാം മത്സരം ജയിച്ച് പരമ്പര ഉറപ്പിക്കാനാകും ഇന്ത്യയുടെ ശ്രമം. പ്രത്യേകിച്ചും ക്യാപ്റ്റന്‍ വിരാട് കോലി മൂന്നാം മത്സരത്തിനുശേഷം നാട്ടിലേക്കു മടങ്ങുന്നതിനാല്‍ ജയം ഇന്ത്യയ്ക്ക് അനിവാര്യമാണ്. നേരിയ സാധ്യതപോലും മുതലെടുക്കുന്നവരാണ് ന്യൂസിലന്‍ഡ്. അതുകൊണ്ടുതന്നെ പരമ്പരവിജയം നീട്ടിവെക്കുന്നത് തിരിച്ചടിയായേക്കുമെന്ന ആശങ്കയുണ്ട്.
ഇന്ത്യന്‍ ടീമില്‍ മാറ്റമുണ്ടാകില്ല
ഇരു ടീമുകളും ആദ്യ ഇലവനില്‍ മാറ്റം വരുത്തിയേക്കില്ലെന്നാണ് സൂചന. ഇന്ത്യന്‍ ടീമില്‍ അമ്പാട്ടി റായിഡുവിന് പകരം ദിനേഷ് കാര്‍ത്തിക് എത്താനുള്ള സാധ്യത നിലനില്‍ക്കുന്നുണ്ട്. അതേസമയം, പരമ്പരവിജയത്തിന് ശേഷം മാത്രമേ കൂടുതല്‍ പരീക്ഷണങ്ങള്‍ക്ക് ടീം മാനേജ്‌മെന്റ് തയ്യാറാവുകയുള്ളൂ. ന്യൂസിലന്‍ഡ് നിരയില്‍ ഒന്നോ രണ്ടോ കളിക്കാര്‍ക്ക് സ്ഥാനചലനമുണ്ടായേക്കും. എന്നാല്‍, ലോകകപ്പ് അടുത്തിരിക്കുന്നതിനാല്‍ ഇപ്പോഴത്തെ താരങ്ങള്‍ക്ക് ഫോം കണ്ടെത്താനുള്ള അവസരം നല്‍കാനും ഇടയുണ്ട്.
രണ്ട് ടീമുകളുടെയും സാധ്യതാ ടീം
ഇന്ത്യ- വിരാട് കോലി (ക്യാപ്റ്റന്‍), രോഹിത് ശര്‍മ, ശിഖര്‍ ധവാന്‍, എംഎസ് ധോണി, അമ്പാട്ടി റായുഡു/ ദിനേഷ് കാര്‍ത്തിക്, കേദാര്‍ ജാദവ്, വിജയ് ശങ്കര്‍, ഭുവനേശ്വര്‍ കുമാര്‍, മുഹമ്മദ് ഷമി, കുല്‍ദീപ് യാദവ്, യുസ്വേന്ദ്ര ചഹല്‍.
ന്യൂസിലാന്‍ഡ്- കെയ്ന്‍ വില്ല്യംസണ്‍ (ക്യാപ്റ്റന്‍), മാര്‍ട്ടിന്‍ ഗുപ്റ്റില്‍, കോളിന്‍ മണ്‍റോ, റോസ് ടെയ്ലര്‍, ടോം ലാതം, ഹെന്റി നിക്കോള്‍സ്, മിച്ചെല്‍ സാന്റ്നര്‍, ഡഗ് ബ്രെസ്വെല്‍, ലോക്കി ഫെര്‍ഗൂസന്‍, ട്രെന്റ് ബോള്‍ട്ട്, ഇഷ് സോധി.
