ഇന്ത്യയ്ക്കൊപ്പം പാക് ആരാധകരും
നീല ജഴ്സിക്കൊപ്പം പച്ച ജഴ്സിയും ഇക്കുറി ഇന്ത്യയെ പിന്തുണയ്ക്കാനുണ്ടാകുമെന്നതാണ് പ്രത്യേകത. ഇന്ത്യ ജയിച്ചാല് പാക്കിസ്ഥാന് വലിയ ആശ്വാസമാകും അത് എന്നതുകൊണ്ടുതന്നെ ഏതുവിധേനയും ഇന്ത്യയെ ജയിപ്പിക്കുകയെന്നതാണ് ആരാധകരുടെ ലക്ഷ്യം. ഇതിനകംതന്നെ സോഷ്യല് മീഡിയയില് ഇന്ത്യയ്ക്ക് പാക് ആരാധകരുടെ അഭൂതപൂര്വമായ പിന്തുണയാണ് ലഭിച്ചത്.
സെമി പ്രതീക്ഷ
അഫ്ഗാനിസ്ഥാനെതിരായ ജയത്തോടെ പാക്കിസ്ഥാന് ഇതാദ്യമായി ആദ്യ നാലില് ഇടം പിടിച്ചിട്ടുണ്ട്. 8 പോയന്റുള്ള ഇംഗ്ലണ്ടിനേക്കാള് ഒരു പോയന്റ് അധികമുള്ള പാക്കിസ്ഥാന് ശേഷിക്കുന്ന മത്സരവും ജയിക്കേണ്ടതുണ്ട്. അതേസമയം, ഏഴു മത്സരങ്ങളില് മൂന്നിലും തോറ്റ ആതിഥേയര്ക്ക് ഇന്ത്യയെ തോല്പ്പിച്ചാല് മാത്രമേ സെമി പ്രതീക്ഷ പുലര്ത്താനാകൂ. അത് സാധ്യമാകുമെന്നാണ് മോര്ഗനും കൂട്ടരും കരുതുന്നത്.
ഇന്ത്യയുടെ മത്സരങ്ങള്
ബംഗ്ലാദേശ്, ശ്രീലങ്ക ടീമുകളുമായാണ് ഇനി ഇന്ത്യയുടെ മത്സരങ്ങളുള്ളത്. ഏതെങ്കിലും ഒരു മത്സരത്തില് ജയിച്ചാല് ഇന്ത്യയ്ക്ക് സെമി ഉറപ്പിക്കാം. ടൂര്ണമെന്റില് മോശം പ്രകടനം നടത്തുന്ന ശ്രീലങ്കയെ തോല്പ്പിക്കാന് എളുപ്പമാകുമെന്നാണ് പ്രവചനം. അതേസമയം, ഇംഗ്ലണ്ടിനെ അട്ടിമറിച്ച ശ്രീലങ്കയും ലോക നിലവാരത്തില് കളിക്കുന്ന ബംഗ്ലാദേശും ഇന്ത്യയ്ക്ക് കടുത്ത എതിരാളികള് തന്നെയായിരിക്കും