Click it and Unblock the Notifications
ഇന്ത്യയ്ക്ക് മികച്ച സ്‌കോര്‍
ടോസ് നേടി ആദ്യം ബാറ്റ് ചെയ്ത ഇന്ത്യ ഭേദപ്പെട്ട സ്‌കോര്‍ നേടി. ആദ്യത്തെ അഞ്ച് പേരാണ് ഇന്ത്യയുടെ സ്‌കോറിന് അടിത്തറയിട്ടത്. ഓപ്പണര്‍ ഷാ 39ഉം റാണ 71ഉം റണ്‍സെടുത്തു. ശുഭ്മാന്‍ ഗില്‍ 70 റണ്‍സെടുത്തപ്പോള്‍ ശര്‍മ 29ഉം സല്‍മാന്‍ ഖാന്‍ 26ഉം റണ്‍സെടുത്തു. അമ്പത് ഓവര്‍ പൂര്‍ത്തിയായപ്പോള്‍ ഇന്ത്യയുടെ സ്‌കോര്‍ എട്ട് വിക്കറ്റിന് 273.
ശ്രീലങ്ക പേടിപ്പിച്ചു
മുപ്പത്തിയെട്ടാം ഓവര്‍ വരെ ശ്രീലങ്കയുടെ കയ്യിലായിരുന്നു കളി. മൂന്ന് വിക്കറ്റ് മാത്രം നഷ്ടപ്പെടുത്തി 198 റണ്‍സിലെത്തിയിരുന്നു ആതിഥേയര്‍. 62 റണ്‍സുമായി കെല്ലി, 53 റണ്‍സുമായി മെന്‍ഡിസ് എന്നിവരാണ് ലങ്കയുടെ തിരിച്ചടിക്ക് നേതൃത്വം നല്‍കിയത്. എന്നാല്‍ അവിടുന്നങ്ങോട്ട് കളി തിരിഞ്ഞു.
ചീട്ടുകൊട്ടാരം പോലെ തകര്‍ന്നു
അവസാനത്തെ ആറ് ബാറ്റ്‌സ്മാന്‍മാര്‍ ചേര്‍ന്ന് ലങ്കയ്ക്ക് നേടിക്കൊടുത്തത് വെറും 43 റണ്‍സ്. പത്തിന് മേലെ ഓവറുകളിലാണ് ഇത്. കളിയുടെ അവസാന നിമിഷങ്ങളില്‍ ഇന്ത്യ ശരിക്കും പിടിമുറുക്കിയതോടെ ലങ്ക തളര്‍ന്നു.
ക്യാപ്റ്റന്‍ തന്നെ നയിച്ചു
പത്തോവറില്‍ 37 റണ്‍സിന് നാല് വിക്കറ്റ് വീഴ്ത്തി ക്യാപ്റ്റന്‍ അഭിഷേക് ശര്‍മയാണ് ഇന്ത്യയുടെ തിരിച്ചടിക്ക് നേതൃത്വം കൊടുത്തത്. 29 റണ്‍സും നേടിയ ശര്‍മ തന്നെയാണ് കലാശക്കളിയിലെ മാന്‍ ഓഫ് ദ മാച്ച്. റാണയാണ് മാന്‍ ഓഫ് ദ സീരിസ്.
