അവസരങ്ങള്ക്കായി കൂടുതല് നന്നാവേണ്ടതുണ്ട്
മൂന്നാം ടെസ്റ്റിന് മുന്പായി മാനസികമായി കരുത്തുനേടണമെന്ന് ക്യാപ്റ്റന് സഹകളിക്കാരെ ഉപദേശിച്ചു. ഞങ്ങള് നല്ല ക്രിക്കറ്റ് കളിച്ചില്ല. എന്നാല്, നന്നായി ബൗള് ചെയ്തു. ഫീല്ഡില് അധികം ചാന്സുകള് തങ്ങള്ക്ക് ലഭിച്ചില്ല. ബൗളിങ്ങിലും ബാറ്റിങ്ങിലും കൂടുതല് നന്നാവേണ്ടതായിരുന്നെന്നും കോലി പറഞ്ഞു.
വണ് മാന് ആര്മി
വണ് മാന് ആര്മി എന്ന ആരോപണത്തെ വിരാട് നിഷേധിച്ചു. ടീമിന്റെ പ്രകടനമാണ് ജയവും തോല്വിയും നിശ്ചയിക്കുന്നത്. തങ്ങള് എന്താണ് ചെയ്യുന്നതെങ്കിലും അത് ഉത്തരവാദിത്വമാണ്. തെറ്റുകള് മറച്ചുവെക്കുന്നില്ല. അത് പരിശോധിക്കുകയും അത്തരം തെറ്റുകള് ആവര്ത്തിക്കില്ലെന്ന് ഉറപ്പുവരുത്തുകയും വേണമെന്ന് കോലി പറഞ്ഞു.
അടുത്ത മത്സരത്തില് ജയം ലക്ഷ്യം
ടെന്റ് ബ്രിഡ്ജില് നടക്കാനിരിക്കുന്ന ടെസ്റ്റ് ജയിച്ച് 2-1 എന്ന നിലയില് പരമ്പര എത്തിക്കാനാണ് ഇനിയുള്ള ശ്രമം. ഇംഗ്ലണ്ടിനെ പോലുള്ള ഒരു ടീമിനെതിരെ അവരുടെ മൈതാനത്ത് കളിക്കുന്നത് ഏറെ വെല്ലുവിളി നിറഞ്ഞതാണ്. അവര് അവരുടെ ഭാഗം നന്നായി കളിച്ചിട്ടുണ്ട്. അവരെ അഭിനന്ദിക്കുന്നതായും വിരാട് പറഞ്ഞു.
മാനസികമായ കരുത്തുനേടണം
കളിയില് മാനസികമായ കരുത്തുനേടല് പ്രധാനമാണെന്ന് ക്യാപ്റ്റന് ചൂണ്ടിക്കാട്ടി. എന്താണ് ചെയ്യാന് പോകുന്നതെന്ന് ഓരോരുത്തരുടെയും മനസിലുണ്ടാകണം. ടീമിനുവേണ്ടി താന് കളിക്കേണ്ടതുണ്ടെന്നും സ്വയം പറയണം. മാനസികമായ കരുത്തുനേടിയാല് ഏത് പ്രതികൂലസ്ഥിതിയെയും നേരിടാന് കഴിയും. അടുത്ത മത്സരത്തിനുമുണ്ട് അതിനാണ് ശ്രമമെന്നും വിരാട് പറഞ്ഞു.