Click it and Unblock the Notifications
പിന്‍മാറാന്‍ മാത്രം എന്തുണ്ടായി?
സിഎസ്‌കെയിലെ മാനദണ്ഡമനുസരിച്ച് കോച്ച്, ക്യാപ്റ്റന്‍, മാനേജര്‍ എന്നിവര്‍ക്കാണ് താമസിക്കുന്ന ഹോട്ടലില്‍ സ്യൂട്ട്‌സ് ലഭിക്കാറുള്ളത്. ഫ്രാഞ്ചൈസി തങ്ങുന്ന ഹോട്ടലില്‍ റെയ്‌നയ്ക്കും സ്യൂട്ട് ലഭിക്കാറുണ്ട്. ഇപ്പോള്‍ ലഭിച്ച ഹോട്ടല്‍ മുറിയില്‍ റെയ്‌നയുടേതിന് ബാല്‍ക്കണിയില്ലായിരുന്നുവെന്നതാണ് ഒരേയൊരു വ്യത്യാസമെന്ന് ഒരു ഐപിഎല്‍ ഉറവിടത്തെ ഉദ്ധരിച്ച് പിടിഐ റിപ്പോര്‍ട്ട് ചെയ്തു.
ഇത് പക്ഷെ ടൂര്‍ണമെന്റില്‍ കളിക്കാതെ ഇന്ത്യയിലേക്കു തിരികെ പോവാന്‍ മാത്രം വലിയ കാര്യമാണെന്നു താന്‍ കരുതുന്നില്ല. സിഎസ്‌കെയില്‍ കൊവിഡ് കേസുകള്‍ ഉയരുന്നതിനേക്കാള്‍ ഭയപ്പെടേണ്ട മറ്റെന്തോയുണ്ടാവാമെന്ന് ഇയാള്‍ അഭിപ്രായപ്പെട്ടു.
അടുത്ത സീസണില്‍ ഉണ്ടായേക്കില്ല
പുതിയ സംഭവ വികാസങ്ങള്‍ സിഎസ്‌കെയില്‍ റെയ്‌നയുടെ കരിയര്‍ തന്നെ അവസാനിക്കാന്‍ ഇടയാക്കുമെന്ന് അദ്ദേഹം പിടിഐയോടു പറഞ്ഞു. ഈ സീസണില്‍ റെയ്‌ന സിഎസ്‌കെ നിരയിലുണ്ടാവില്ലെന്നത് അവരുടെ വിശദീകരണത്തില്‍ നിന്നു വ്യക്തമാണ്.
ടീമിന്റെ തലപ്പത്ത് ചില കാര്യങ്ങള്‍ അത്ര നല്ല രീതിയിലല്ല ഇപ്പോള്‍ മുന്നോട്ട് പോയ്‌ക്കൊണ്ടിരിക്കുന്നതെന്നാണ് തോന്നുന്നതെന്നും അദ്ദേഹം പിടിഐയോടു വിശദീകരിച്ചു.
മടങ്ങിവരവ് ദുഷ്കരം
സിഎസ്‌കെ വിട്ട റെയ്‌നയ്ക്കു ഇനി ടീമിലേക്കൊരു മടങ്ങിവരവ് ഉണ്ടായേക്കില്ല. അന്താരാഷ്ട്ര ക്രിക്കറ്റില്‍ നിന്നും വിരമിച്ച ഒരാള്‍ ഇനി മറ്റു മല്‍സരങ്ങളിലൊന്നും കളിക്കാതെ അടുത്ത ഐപിഎല്ലില്‍ സിഎസ്‌കെ ടീമില്‍ തിരികെയെത്തുമെന്ന് കരുതുന്നില്ല. ചിലപ്പോള്‍ അടുത്ത ഐപിഎല്‍ ലേലത്തില്‍ റെയ്‌നയുടെ പേരും കണ്ടേക്കാം. ഏതേങ്കിലുമൊരു ഫ്രാഞ്ചൈസി അദ്ദേഹത്തെ വാങ്ങാനും സാധ്യതയുണ്ടെന്നു ചില അടുപ്പമുള്ള വൃത്തങ്ങള്‍ പിടിഐയോടു പറഞ്ഞു.
മിസ്റ്റര്‍ ഐപിഎല്ലെന്നു വിശേഷിപ്പിക്കപ്പെടുന്ന റെയ്‌ന ടൂര്‍ണമെന്റില്‍ ഏറ്റവുമധികം മല്‍സരങ്ങള്‍ കളിച്ച താരം കൂടിയാണ്. മാത്രമല്ല ഓള്‍ടൈം റണ്‍വേട്ടക്കാരില്‍ രണ്ടാംസ്ഥാനത്തും അദ്ദേഹമുണ്ട്. 5368 റണ്‍സാണ് റെയ്‌നയുടെ സമ്പാദ്യം.
