Click it and Unblock the Notifications
ഐപിഎല്ലിലെ പ്രകടനം
ഐപിഎല്ലില്‍ ഡല്‍ഹി ക്യാപ്പിറ്റല്‍സിനു വേണ്ടി കഴിഞ്ഞ സീസണില്‍ മികച്ച പ്രകടനമാണ് പന്ത് നടത്തിയത്. ടീമില്‍ ഏറ്റവും സ്ഥിരതയാര്‍ന്ന പ്രകടനം നടത്തിയ താരങ്ങളിലൊരാളും പന്തായിരുന്നു. എന്നാല്‍ ഐപിഎല്ലിനായി ഡല്‍ഹി ടീമിനൊപ്പം ചേരുമ്പോള്‍ അത്ര മികച്ച ഫോമിലായിരുന്നില്ല താരം.
ഡല്‍ഹി കോച്ച് റിക്കി പോണ്ടിങും മറ്റു സപ്പോര്‍ട്ട് സ്റ്റാഫുമാരും ചേര്‍ന്നാണ് പന്തിനെ ഫോം വീണ്ടെടുക്കാന്‍ സഹായിച്ചതെന്ന് ടീമിന്റെ അസിസ്റ്റന്റ് കോച്ച് കൂടിയായ ആംറെ പറയുന്നു.
പന്തിനെ കയറൂരിവിട്ടു
ഐപിഎല്ലിന് മുമ്പ് ഡല്‍ഹി ടീമിനൊപ്പം ചേര്‍ന്നപ്പോള്‍ പന്ത് മോശം സമയത്തിലൂടെയാണ് കടന്നു പോയിരുന്നത്. എന്നാല്‍ ഡല്‍ഹി കോച്ച് പോണ്ടിങ് നല്ല രീതിയിലാണ് പന്തിനെ കൈകാര്യം ചെയ്തത്. താരത്തെ സ്വതസിദ്ധമായ ശൈലിയില്‍ കളിക്കാന്‍ പോണ്ടിങ് അനുവദിക്കുകയും ചെയ്തതായി ആംറെ വിശദമാക്കി.
സമ്മര്‍ദ്ദത്തെ തുടര്‍ന്നു പന്ത് കെണിയില്‍ വീഴാതിരിക്കാന്‍ ശ്രദ്ധിക്കുകയാണ് ചെയ്തത്. അതില്‍ വിജയിക്കുകയും ചെയ്തു. ഒരു സമയത്ത് ഒരു മല്‍സരം എന്ന രീതിയില്‍ കാര്യങ്ങള്‍ സിംപിളാക്കിയത് പന്തിനെ മികച്ച പ്രകടനം പുറത്തെടുക്കാന്‍ സഹായിക്കുകയും ചെയ്തതായി ആംറെ കൂട്ടിച്ചേര്‍ത്തു.
കോലിയെയും രോഹിത്തിനെയും പോലെ...
ഇന്ത്യന്‍ ക്യാപ്റ്റന്‍ വിരാട് കോലി, വൈസ് ക്യാപ്റ്റന്‍ രോഹിത് ശര്‍മ എന്നിവരോടാണ് പന്തിനെ ആംറെ താരതമ്യം ചെയ്തത്. ബാറ്റിങ് വിലയിരുത്തുകയാണെങ്കില്‍ കോലി, രോഹിത് എന്നിവരുടെ അതേ മികവുള്ള ബാറ്റ്‌സ്മാനാണ് പന്ത്. രണ്ടു പേരെയെയും പോലെ ബാറ്റിങില്‍ മികച്ച ടൈമിങ് പന്തിനുണ്ട്.
എന്നാല്‍ ടൈമിങ് പിഴയ്ക്കുന്നുവെന്നതാണ് ഇപ്പോള്‍ പന്തിന്റെ പ്രധാന പ്രശ്‌നം. ടൈമിങ് കൃത്യമാക്കുന്നതിനൊപ്പം ബാറ്റിങില്‍ സ്വീകരിക്കേണ്ട ശൈലിയെക്കുറിച്ചുള്ള ആശയക്കുഴപ്പവും പന്ത് മാറ്റേണ്ടതുണ്ടെന്ന് ആംറെ ചൂണ്ടിക്കാട്ടി.
