Click it and Unblock the Notifications
സുനില് ഗവാസ്കര്
മുന് ബാറ്റിങ് ഇതിഹാസം സുനില് ഗവാസ്കര് ഈ ലിസ്റ്റില് അഞ്ചാംസ്ഥാനത്തുണ്ട്. അഞ്ചു തവണയാണ് അദ്ദേഹം 90 കളില് വിക്കറ്റ് നഷ്ടപ്പെടുത്തിയിട്ടുള്ളത്. കളിച്ചിരുന്ന സമയത്തു വെസ്റ്റ് ഇന്ഡീസിന്റെ ലോകോത്തര പേസാക്രമണത്തെ ഏറ്റവും നന്നായി നേരിട്ട ബാറ്റര്മാരില് ഒരാളാണ് ഗവാസ്കര്.
34 ടെസ്റ്റ് സെഞ്ച്വറികള് അദ്ദേഹം സ്വന്തം പേരില് കുറിച്ചിരുന്നു. പക്ഷെ അഞ്ചു തവണ 90-100നും ഇടയില് ഗവാസ്കര് പുറത്തായിട്ടുണ്ട്. ഈ കുറവ് ഒഴിവാക്കിയിരുന്നെങ്കില് 39 സെഞ്ച്വറികള് അദ്ദേഹം നേടുമായിരുന്നു.
വീരേന്ദര് സെവാഗ്
വെടിക്കെട്ട് ബാറ്ററും മുന് ഇതിഹാസവുമായ വീരേന്ദര് സെവാഗും അഞ്ചു തവണ 90 കളില് ക്രീസ് വിട്ടിരുന്നു. പക്ഷെ മറ്റുളളവരെപ്പോലെ 90കളില് പതറുന്ന ബാറ്ററല്ല അദ്ദേഹം. 99 റണ്സില് വച്ചു പോലും സിക്സറടിച്ച് സെഞ്ച്വറിയടിക്കാന് വീരുവിന് ഭയമില്ലായിരുന്നു. ഈ കാരണത്താലാണ് അഞ്ചു തവണ സെഞ്ച്വറിയിലെത്താനാവാതെ അദ്ദേഹത്തിനു പുറത്താവേണ്ടി വന്നത്.
ടെസ്റ്റ് ക്രിക്കറ്റില് ഇന്ത്യക്കായി ട്രിപ്പിള് സെഞ്ച്വറിയടിച്ച ആദ്യത്തെ ഇന്ത്യന് താരമെന്ന റെക്കോര്ഡ് സെവാഗിന്റെ പേരിലാണ്. ചിരവൈരികളായ പാകിസ്താനെതിരായ ടെസ്റ്റിലായിരുന്നു അദ്ദേഹത്തിന്റെ നേട്ടം. 23 സെഞ്ച്വറികളാണ് ടെസ്റ്റില് വീരുവിന്റെ സമ്പാദ്യം.
എംഎസ് ധോണി
മുന് ഇതിഹാസ നായകനും വിക്കറ്റ് കീപ്പറുമായ എംഎസ് ധോണിയാണ് 90കളില് കൂടുതല് പുറത്തായ മറ്റൊരാള്. അഞ്ചു തവണ 90കളില് വച്ച് അദ്ദേഹത്തിനു കാലിടറിയിരുന്നു.
ഇന്ത്യക്കു വേണ്ടി 90 ടെസ്റ്റുകളിലാണ് ധോണി കളിച്ചത്. ഇവയില് നിന്നും ആറു സെഞ്ച്വറികള് മാത്രമേ അദ്ദേഹത്തിനു നേടാനായിട്ടുളളൂ. റെഡ് ബോള് ക്രിക്കറ്റിനേക്കാള് വൈറ്റ് ബോള് ഫോര്മാറ്റിലാണ് ധോണി കൂടുതല് ശ്രദ്ധേയമായ പ്രകടനം കാഴ്ചവച്ചിട്ടുള്ളത്.
രാഹുല് ദ്രാവിഡ്
ഇന്ത്യയുടെ മുന് വന്മതിലും നിലവിലെ മുഖ്യ കോച്ചുമായ രാഹുല് ദ്രാവിഡ് 90കളില് കൂടുതല് പുറത്തായവരില് മുന്നില് തന്നെയുണ്ട്്. 10 തവണയാണ് സെഞ്ച്വറിക്കു അരികില് വരെയെത്തിയ ശേഷം അദ്ദേഹത്തിനു കാലിടറിയത്. സാങ്കേതികത്തികവിന്റെ കാര്യത്തില് ഏറെ മുന്നിലായിരുന്ന അദ്ദേഹം നാട്ടിലും വിദേശത്തും ഒരുപോലെ മികച്ച ഇന്നിങ്സുകള് കളിച്ചിട്ടുണ്ട്.
ടെസ്റ്റില് 36 സെഞ്ച്വകളാണ് ദ്രാവിഡ് സ്വന്തം പേരില് കുറിച്ചിട്ടുള്ളത്. കരിയറിന്റെ തുടക്കകാലത്തു അദ്ദേഹം ടെസ്റ്റില് 90ന് മുകളില് സ്കോര് ചെയ്യാന് ശരിക്കും പാടുപെട്ടിരുന്നു. ഇംഗ്ലണ്ടുമായുള്ള അരങ്ങേറ്റ ടെസ്റ്റില് 95 റണ്സോടെയായിരുന്നു ദ്രാവിഡ് വരവറിയിച്ചത്.
സച്ചിന് ടെണ്ടുല്ക്കര്
സെഞ്ച്വറികളുടെ തോഴനായ ബാറ്റിങ് ഇതിഹാസം സച്ചിന് ടെണ്ടുല്ക്കര്ക്കും 90കളില് ഒരുപാട് തവണ അടിതെറ്റിയിട്ടുണ്ട്. 10 തവണ 90 കളില് മടങ്ങിയ സച്ചിന് ഒന്നാംസ്ഥാനം രാഹുല് ദ്രാവിഡിനൊപ്പം പങ്കിടുകയാണ്. 18 വയസ് മാത്രമുള്ളപ്പോഴായിരുന്നു ഓസ്ട്രേലിയന് പര്യടനത്തില് സച്ചിന് കന്നി സെഞ്ച്വറി കണ്ടെത്തിയത്.
പിന്നീട് സെഞ്ച്വറികളുടെ ചാകര തീര്ത്ത മാസ്റ്റര് ബ്ലാസ്റ്റര് 50 സെഞ്ച്വറികള് കൂടി റെഡ് ബോള് ഫോര്മാറ്റില് കുറിച്ചു. അന്താരാഷ്ട്ര ക്രിക്കറ്റില് സെഞ്ച്വറികളില് സെഞ്ച്വറി നേടിയിട്ടുള്ള ലോകത്തിലെ ഏക താരം കൂടിയാണ സച്ചിന്.
Continue with Google