Click it and Unblock the Notifications
അപരിചിതമായ സാഹചര്യം
ഇന്ത്യയായിരുന്നു ഇത്തവണത്തെ ഏഷ്യാ കപ്പിനു വേദിയാവേണ്ടിയിരുന്നത്. എന്നാല് പാകിസ്താനെ ഇന്ത്യയില് കളിക്കാന് അനുവദിക്കിലെന്ന് സര്ക്കാര് വ്യക്തമാക്കിയതോടെ ടൂര്ണമെന്റ് യുഎഇയിലേക്കു മാറ്റുകയായിരുന്നു. എന്നാല് ഇതു ഇന്ത്യന് ടീമിനാണ് തിരിച്ചടിയായിരിക്കുന്നത്. കാരണം യുഎഇയിലെ തികച്ചും അപ്രതീക്ഷിതമായ സാഹചര്യങ്ങള് ഏഷ്യാ കപ്പില് ഇന്ത്യക്കു തിരിച്ചടിയായേക്കും.
കാലാവസ്ഥ മാത്രമല്ല ഇവിടെ വേണ്ടത്ര അന്താരാഷ്ട്ര മല്സരങ്ങള് കളിച്ചിട്ടില്ലെന്നതും ഇന്ത്യയെ അലട്ടുന്നതാണ്. എത്രയും വേഗം യുഎയിലെ സാഹചര്യങ്ങളുമായി പൊരുത്തപ്പെടുകയെന്നതാണ് ഇന്ത്യന് താരങ്ങള്ക്കു മുന്നിലുള്ള പ്രധാന വെല്ലുവിളി.
മധ്യനിരയിലെ ആശങ്കകള്
2015ലെ ഏകദിന ലോകകപ്പിനു ശേഷം ഏകദിനത്തില് ഇന്ത്യന് മധ്യനിരയില് ഇന്ത്യ പരീക്ഷണങ്ങള് നടത്തിക്കൊണ്ടിരിക്കുകയാണ്. ആശ്രയിക്കാവുന്ന മികച്ചൊരു മധ്യനിര ബാറ്റ്സ്മാന് ഇല്ലെന്നതാണ് ഇന്ത്യ നേരിടുന്ന പ്രധാന പ്രശ്നം. അടുത്ത വര്ഷം ലോകകപ്പ് നടക്കാനിരിക്കെ ഈ വീക്ക്നെസ് പരിഹരിക്കാന് ഇന്ത്യക്കു മുന്നില് വളരെ കുറച്ച് സമയം മാത്രമേയുള്ളൂ.
ഏഷ്യാ കപ്പില് നാലാം നമ്പര് സ്ഥാനത്തിനായി മനീഷ് പാണ്ഡെ, ദിനേഷ് കാര്ത്തിക്, കേദാര് ജാദവ്, അമ്പാട്ടി റായുഡു എന്നിവരാണ് രംഗത്തുള്ളത്. നാലാം നമ്പറിലെ വീക്ക്നെസ് പരിഹരിക്കാനായില്ലെങ്കില് ഏഷ്യാ കപ്പില് കിരീടം നിലനിര്ത്തുക ഇന്ത്യക്കു കടുപ്പമാവും.
കോലിയുടെ അസാന്നിധ്യം
ഏഷ്യാ കപ്പില് ഇന്ത്യയുടെ ഏറ്റവും വലിയ നഷ്ടം കോലിയുടെ അഭാവം തന്നെയായിരിക്കും. കരിയറിലെ ഏറ്റവും മികച്ച ഫോമിലൂടെ കടന്നുപോവുന്ന കോലിയില്ലാത്തത് ഇന്ത്യക്കു തിരിച്ചടിയാവാന് സാധ്യതയുണ്ട്. ബാറ്റിങിലാണ് താരത്തിന്റെ അസാന്നിധ്യം ഇന്ത്യയെ ഏറ്റവുമധികം ബാധിക്കുക.
പ്രതിസന്ധി ഘട്ടങ്ങളില് കോലിയെപ്പോലെ സമചിത്തതയോടെ ബാറ്റ് ചെയ്യുന്ന മറ്റൊരു താരം ഇന്ത്യന് നിരയില് ഇല്ല. വലിയ സ്കോര് പിന്തുടരുമ്പോഴാണ് അദ്ദേഹത്തിന്റെ വില ടീം ശരിക്കുമറിയുക.
കോലിയുടെ അസാന്നിധ്യത്തില് ക്യാപ്റ്റന് രോഹിത്തും ലോകേഷ് രാഹുലുമെല്ലാം കൂടുതല് ഉത്തരവാദിത്വം കാണിച്ചാല് മാത്രമേ ഏഷ്യാ കപ്പില് ഇന്ത്യക്കു പ്രതീക്ഷയ്ക്ക് വകയുള്ളൂ.
Continue with Google