Click it and Unblock the Notifications
ഓസീസിന്റെ കോട്ടയായിരിക്കാം
ടെസ്റ്റ് പരമ്പര ഇന്ത്യ 2-1നു സ്വന്തമാക്കുമെന്ന് ഒരു ഓസ്‌ട്രേലിയന്‍ മാധ്യമത്തില്‍ താന്‍ പ്രവചിച്ചിരുന്നതായി ഗവാസ്‌കര്‍ പറഞ്ഞു. നിലവില്‍ ഇരീമുകളും പരമ്പരയില്‍ 1-1ന് ഒപ്പം നില്‍ക്കുകയാണ്. ബ്രിസ്ബണിലെ ഗാബ ഓസ്‌ട്രേലിയയുടെ കോട്ടയാണെന്ന് എനിക്കറിയാം. എന്നാല്‍ ഇവിടെ ഓസീസിനോടു കൊമ്പുകോര്‍ക്കാനുള്ള ശേഷി ഇന്ത്യക്കുണ്ട്. 1988നു ശേഷം ഓസീസ് ഇവിടെ തോറ്റിട്ടില്ലെന്നതു സത്യമാണ്. പക്ഷെ ആദ്യ തോല്‍വിയെന്നത് എപ്പോള്‍ വേണമെങ്കിലും സംഭവിക്കാം. അജിങ്ക്യ രഹാനെയ്ക്കും സംഘത്തിനും ഇത്തവണ അതിനു കഴിഞ്ഞാല്‍ അതു തന്നെ അദ്ഭുതപ്പെടുത്തില്ലെന്നും ഗവാസ്‌കര്‍ വിശദമാക്കി.
സിഡ്‌നിയില്‍ പ്രതീക്ഷയില്ലായിരുന്നു
സിഡ്‌നി ടെസ്റ്റില്‍ വലിയ വിജയലക്ഷ്യം ഇന്ത്യ പിന്തുടര്‍ന്നപ്പോള്‍ അഞ്ചാം ദിനം ടീ ബ്രേക്കിന് അപ്പുറത്തേക്കു പിടിച്ചുനില്‍ക്കാന്‍ കഴിയുമെന്നു താന്‍ പ്രതീക്ഷിച്ചിരുന്നില്ലെന്നു ഗവാസ്‌കര്‍ പറയുന്നു. സത്യസന്ധമായി പറയട്ടെ, ടീ ബ്രേക്ക് വരെ ഇന്ത്യ പിടിച്ചുനില്‍ക്കുമെന്ന് ഞാന്‍ കരുതിയില്ല. അപ്പോഴാണ് റിഷഭ് പന്ത് ക്രീസിലെത്തിയത്. നതാന്‍ ലിയോണിനെതിരേ ക്രീസിനു പുറത്തേക്ക് ഇറങ്ങി അവന്‍ സിക്‌സറുകള്‍ പറത്തി. പിന്നെ ചേതേശ്വര്‍ പുജാരയുടെ ഊഴമായിരുന്നു. വന്‍ മതില്‍ രാഹുല്‍ ദ്രാവിഡിന്റെ പിറന്നാള്‍ ദിനത്തിലാണ് മറ്റൊരു വന്‍മതിലായ പുജാരയുടെ സ്‌പെഷ്യല്‍ ഇന്നിങ്‌സ്. ഇന്ത്യന്‍ ടെസ്റ്റ് ചരിത്രത്തിലെ തന്നെ ഏറ്റവും മികച്ച തിരിച്ചുവരവുകളിലൊന്ന് തന്റെ പിറന്നാള്‍ ദിനത്തിലായതില്‍ ദ്രാവിഡിന് എത്ര മാത്രം സന്തോഷം തോന്നിയിരിക്കാമെന്നും ഗവാസ്‌കര്‍ കൂട്ടിച്ചേര്‍ത്തു.
ഇന്ത്യ പൊരുതിനേടി
സിഡ്‌നി ടെസ്റ്റില്‍ 407 റണ്‍സിന്റെ വന്‍ വിജയലക്ഷ്യമായിരുന്നു ഇന്ത്യക്കു ഓസ്‌ട്രേലിയ നല്‍കിയത്. അവസാന ദിനം ഒരു ഘട്ടത്തില്‍ ഇന്ത്യ അഞ്ചിന് 272 റണ്‍സെന്ന നിലയിലുള്ളപ്പോള്‍ ഓസീസ് വിജയപ്രതീക്ഷയിലായിരുന്നു. എന്നാല്‍ പുജാര-ഹനുമാ വിഹാരി സഖ്യം തകര്‍പ്പന്‍ കൂട്ടുകെട്ടിലൂടെ ഓസീസിന്റെ പ്രതീക്ഷകള്‍ അവസാനിപ്പിച്ചു. 42.4 ഓവറുകളാണ് ഇരുവരും വിട്ടുകൊടുക്കാതെ പിടിച്ചുനിന്നത്. ഇതോടെ ഓസീസിന് സമനില സമ്മതിക്കേണ്ടി വരികയും ചെയ്തു. അഞ്ചു വിക്കറ്റിന് 334 റണ്‍സ് ഇന്ത്യ രണ്ടാമിന്നിങ്‌സില്‍ നേടി. അശ്വിന്‍ 128 ബോളില്‍ 39ഉം വിഹാരി 161 ബോളില്‍ 23ഉം റണ്‍സെടുത്തു. 131 ഓവറുകളാണ് രണ്ടാമിന്നിങ്‌സില്‍ ഇന്ത്യ ബാറ്റ് ചെയ്തത്. 97 റണ്‍സെടുത്ത റിഷഭ് പന്താണ് ഇന്ത്യയുടെ ടോപ്‌സ്‌കോറര്‍. പുജാര 77 റണ്‍സെടുത്തു. രോഹിത് ശര്‍മയും (52) ഇന്ത്യന്‍ നിരയില്‍ ഫിഫ്റ്റി നേടി
