ഐപിഎല്‍ അവതാളത്തില്‍, ഇനി ടി20 ലോകകപ്പും! നടക്കുമോ? പ്രതികരിച്ച് സിഎ

കുറച്ച് ആഴ്ചകള്‍ക്കം, അല്ലെങ്കില്‍ മാസങ്ങള്‍ക്കകം നിര്‍ത്തി വച്ചിരിക്കുന്ന എല്ലാ കായിക മല്‍സരങ്ങളും പുനരാരംഭിക്കുമെന്നാണ് പ്രതീക്ഷയെന്നു റോബേര്‍ട്ട്‌സ് വ്യക്തമാക്കി.
നിലവിലെ സാഹചര്യത്തില്‍ എന്താണ് സംഭവിക്കുകയെന്ന് പ്രവചിക്കാന്‍ നമ്മള്‍ക്കാവില്ല. എങ്കിലും അധികം വൈകാതെ എല്ലാം സാധാരണ ഗതിയിലേക്കു മടങ്ങുമെന്നാണ് പ്രതീക്ഷിക്കുന്നതെന്നും അദ്ദേഹം കൂട്ടിച്ചേര്‍ത്തു.

ഒക്ടോബര്‍, നവംബര്‍ മാസങ്ങളിലായാണ് ഐസിസിയുടെ ടി20 ലോകകപ്പിനു ഓസ്‌ട്രേലിയ ആതിഥേയത്വം വഹിക്കുന്നത്. ഒക്ടോബര്‍ 18 മുതല്‍ 23 വരെയാണ് യോഗ്യതാ മല്‍സരങ്ങള്‍ നടക്കുക. അതിനു ശേഷം ഒക്ടോബര്‍ 24 മുതലായിരിക്കും ലോകകപ്പ് ആരംഭിക്കുക. 12 ടീമുകള്‍ അണിനിരക്കുന്ന ലോകകപ്പിന്റെ ഫൈനല്‍ നവംബര്‍ 15നാണ്.

പ്രശസ്തമായ മെല്‍ബണ്‍ ക്രിക്കറ്റ് ഗ്രൗണ്ടാണ് (എംസിജി) ലോകകപ്പിന്റെ കലാശപ്പോരിനു വേദിയാവുക. ഫൈനലലിനു ഈ സ്‌റ്റേഡിയം നിറഞ്ഞു കവിയുമെന്നു തന്നെയാണ് തങ്ങളുടെ കണക്കുകൂട്ടലുകളെന്നു റോബേര്‍ട്ട്‌സ് പറഞ്ഞു. വനിതകളുടെ ടി20 ലോകകപ്പ് ഫൈനലും ഇതേ സ്റ്റേഡിയത്തില്‍ തന്നെയായിരുന്നു അരങ്ങേറിയത്. ഇന്ത്യയും ഓസ്‌ട്രേലിയയും തമ്മിലുള്ള കലാശപ്പോരിന് സ്‌റ്റേഡിയം ഹൗസ്ഫുള്ളായിരുന്നു.

കൊറോണ ഭീഷണിയെ തുടര്‍ന്ന് നിരവധി ക്രിക്കറ്റ് പരമ്പരകളാണ് മാറ്റിവച്ചിരിക്കുന്നത്. ഓസ്‌ട്രേലിയയും ന്യൂസിലാന്‍ഡും തമ്മിലുള്ള ഏകദിന പരമ്പരയും ഓസീസിന്റെ ന്യൂസിലാന്‍ഡ് പര്യടനവും നീട്ടിയിരുന്നു. ഇന്ത്യയും ദക്ഷിണാഫ്രിക്കയും തമ്മിലുള്ള ഏകദിന പരമ്പരയും മാറ്റിവച്ചിരുന്നു.
ഇംഗ്ലണ്ടിന്റെ ശ്രീലങ്കന്‍ പര്യടനവും മാറ്റിവച്ച പരമ്പരകളില്‍പ്പെടുന്നു. പാകിസ്താന്‍ സൂപ്പര്‍ ലീഗും നിര്‍ത്തിവച്ചിട്ടുണ്ട്. മാര്‍ച്ച് 29ന് ആരംഭിക്കേണ്ടിയിരുന്ന ഐപിഎല്ലിന്റെ 13ാം സീസണ്‍ ഏപ്രില്‍ 15ലേക്കു മാറ്റിയിരുന്നു.