ഹിന്ദുവായതു കൊണ്ടു മാത്രം മാറ്റി നിര്‍ത്തി!! അവര്‍ ആരൊക്കെ? വെളിപ്പെടുത്തുമെന്നു മുന്‍ പാക് താരം

അക്തര്‍ തനിക്കൊപ്പം നിന്നു

അക്തറിന്റെ വെളിപ്പെടുത്തല്‍ 100 ശതമാനവും സത്യമാണെന്നു കനേരിയ വ്യക്തമാക്കി. അക്കാലത്തു മോശം സമയത്തു കൂടെ കടന്നു പോയ തനിക്കൊപ്പം നിന്ന ചുരുക്കം സഹതാരങ്ങളിലൊരാളാണ് അക്തറെന്നും കനേയിര പറഞ്ഞു.
ടീമിനുള്ളില്‍ മതത്തിന്റെ പേരില്‍ പലരും തന്നെ ഒറ്റപ്പെടുത്തിയിട്ടുണ്ട്. അക്തറിനോട് അതിയായ ബഹുമാനം മാത്രമേയുള്ളൂ, കാരണം അദ്ദേഹം പറഞ്ഞത് സത്യമാണ്. അന്നു തനിക്കു പിന്തുണ നല്‍കിയ ടീമംഗങ്ങളില്‍ ഒരാളാണ് അക്തറെന്നും കനേരിയ കൂട്ടിച്ചേര്‍ത്തു.

പിന്തുണച്ചവര്‍ അവര്‍ മാത്രം

അക്തറിനെക്കൂടാതെ ഇന്‍സമാം, യൂനിസ് ഖാന്‍, മുഹമ്മദ് യൂസുഫ് എന്നീ മൂന്നു പേര്‍ മാത്രമാണ് അന്നു തന്നെ പിന്തുണച്ചത്. യൂനുസ് തന്റെ അടുത്ത സുഹൃത്ത് കൂടിയായിരുന്നു.
ഹിന്ദുവായതിന്റെ പേരില്‍ തന്നോടു മോശമായി പെരുമാറുകയും ഒറ്റപ്പെടുത്തുകയും ചെയ്ത മുഴുവന്‍ ടീമംഗങ്ങളുടെയും പേര് സ്വന്തം യൂട്യൂബ് ചാനലിലൂടെ ലോകത്തോടു വിളിച്ചു പറയുമെന്നും കനേരിയ തുറന്നടിച്ചു.

ഹിന്ദുവായി തന്നെ മരിക്കും

ഹിന്ദുവായാണ് താന്‍ ജനിച്ചത്, ഹിന്ദുവായിത്തന്നെ മരിക്കുകയും ചെയ്യുമെന്ന് കനേരിയ പറഞ്ഞു. പാകിസ്താനു വേണ്ടി 61 ടെസ്റ്റുകളിലും 18 ഏകദിനങ്ങളിലും താരം കളിച്ചിട്ടുണ്ട്. ടെസ്റ്റില്‍ 261ഉം ഏകദിനത്തില്‍ 15ഉം വിക്കറ്റുകളാള് സ്പിന്നറുടെ സമ്പാദ്യം. വസീം അക്രം, വഖാര്‍ യൂനുസ്, ഇമ്രാന്‍ ഖാന്‍ തുടങ്ങിയ ഇതിഹാസ താലങ്ങള്‍ കഴിഞ്ഞാല്‍ പാകിസ്താനു വേണ്ടി ഏറ്റവുമധികം വിക്കറ്റെടുത്ത താരവും കനേരിയയാണ്. 2019 ആഗസ്റ്റിലാണ് അദ്ദേഹം അവസാനമായി പാകിസ്താനു വേണ്ടി കളിച്ചത്. അനില്‍ ദള്‍പതിനു ശേഷം പാക് ടീമിനായി കളിച്ച രണ്ടാമത്തെ ഹിന്ദു താരം കൂടിയാണ് കനേരിയ.