Click it and Unblock the Notifications
സ്‌പെയിനിനായി കളിക്കണമായിരുന്നു
സ്വന്തം രാജ്യത്തിനു വേണ്ടി കളിക്കാതെ സ്പാനിഷ് പൗരത്വം സ്വീകരിച്ച് മെസ്സി സ്‌പെയിനിനു വേണ്ടിയാണ് കളിക്കേണ്ടിയിരുന്നതെന്നു സിഗ്നോറിനി ചൂണ്ടിക്കാട്ടി.
അര്‍ജന്റീന വിട്ട് സ്പാനിഷ് ജഴ്‌സിയില്‍ ഇറങ്ങിയിരുന്നെങ്കില്‍ മെസ്സി നേരത്തേ തന്നെ ലോകകപ്പെന്ന തന്റെ സ്വപ്‌നം യാഥാര്‍ഥ്യമാക്കുമായിരുന്നുവെന്നും അദ്ദേഹം വിശദമാക്കി. ദീര്‍ഘകാലമായി സ്പാനിഷ് ഗ്ലാമര്‍ ടീമായ ബാഴ്‌സലോണയുടെ തുറുപ്പുചീട്ട് കൂടിയാണ് മെസ്സി.
കുറ്റപ്പെടുത്തലുകള്‍ മാത്രം
ദേശീയ ടീമിനു വേണ്ടി ഇറങ്ങുമ്പോള്‍ മെസ്സിയെ വിമശിക്കാനാണ് പലരും ശ്രമിക്കുന്നത്. നേരത്തേ തന്നെ സ്പാനിഷ് ടീമിലേക്കു മാറുകയായിരുന്നുവെങ്കില്‍ ഇത്തരത്തിലുള്ള കുറ്റപ്പെടുത്തലുകള്‍ അദ്ദേഹത്തിനു നേരിടേണ്ടി വരില്ലായിരുന്നു.
ഇപ്പോള്‍ ടീമില്‍ നിന്നും മാറിനില്‍ക്കുന്ന മെസ്സി ഇനിയൊരിക്കലും അര്‍ജന്റനയ്ക്കു വേണ്ടി കളിക്കരുതെന്നാണ് തനിക്കു നല്‍കാനുള്ള ഉപദേശമെന്ന് സിഗ്നോറിനി പറഞ്ഞു. തന്റെ മുന്‍ ക്ലബ്ബായ നെവല്‍സ് ഓള്‍ഡ് ബോയ്‌സിലേക്കും മെസ്സി തിരിച്ചുപോവരുതെന്ന് അദ്ദേഹം നിര്‍ദേശിച്ചു.
വിമര്‍ശനങ്ങള്‍ക്കു മറുപടി നല്‍കാനാവുന്നില്ല
അര്‍ജന്റീനയുടെ ജഴ്‌സിയില്‍ മെസ്സി ആത്മാര്‍ഥതയോടെയല്ല കളിക്കുന്നതെന്നാണ് ഒരു വിഭാഗത്തിന്റെ ആരോപണം. മല്‍സരത്തിനു മുമ്പ് ഗ്രൗണ്ടില്‍ വച്ച് മെസ്സി ദേശീയ ഗാനം ആലപിക്കുന്നില്ലെന്നും ഇവര്‍ കുറ്റപ്പെടുത്തുന്നു. ഇത്രയുമധികം വിമര്‍ശനങ്ങള്‍ ഉയര്‍ന്നിട്ടും അതൊന്നും വകവയ്ക്കാതൊതെയാണ് മെസ്സി ടീമിനായി കളിക്കുന്നതെന്ന് ഓര്‍ക്കണം.
നിര്‍ഭാഗ്യവശാല്‍ ഈ വിമര്‍ശകര്‍ക്കു കളിക്കളത്തില്‍ മറുപടി നല്‍കാന്‍ മെസ്സിക്കു കഴിയുന്നില്ലെന്നതാണ് ഏറ്റവും ഖേദകരമെന്നും സിഗ്നോറിനി പറഞ്ഞു.
മറഡോണയുടെ വിമര്‍ശനം
കടുത്ത ഭാഷയിലാണ് മറഡോണ അടുത്തിടെ മെസ്സിയെ വിമര്‍ശിച്ചത്. സമ്മര്‍ദ്ദം താങ്ങാനാവാതെ മെസ്സി കളിക്കളത്തില്‍ പല തവണ ഛര്‍ദ്ദിച്ചിട്ടുണ്ടെന്നും കളിക്കു മുമ്പ് പല തവണ ടോയ്‌ലറ്റില്‍ പോവുന്ന മെസ്സി എങ്ങനെ നല്ല ക്യാപ്റ്റനാവുമെന്നും മറഡോണ ചോദിച്ചിരുന്നു.
മെസ്സിയെന്ന താരത്തെ പുകഴ്ത്തിയ അദ്ദേഹം മെസ്സിയിലെ നായകനെയാണ് കുറ്റപ്പെടുത്തിയത്. മെസ്സിയെ സമ്മര്‍ദ്ദമില്ലാതെ വിടുകയാണ് ചെയ്യേണ്ടത്. ടീമില്‍ മടങ്ങിയെത്തിയാലും അദ്ദേഹത്തെ ക്യാപ്റ്റനാക്കരുതെന്നും മറഡോണ പറഞ്ഞിരുന്നു.
