മെസ്സി വിരമിച്ചാല്‍ അര്‍ജന്റീനയ്ക്ക് എന്തു സംഭവിക്കും?; മുന്‍ സൂപ്പര്‍താരം പറയുന്നു

അര്‍ജന്റീനയ്ക്ക എന്തു സംഭവിക്കും

മെസ്സി അര്‍ജന്റീന കുപ്പായം അഴിച്ചുവെച്ചാല്‍ രാജ്യം മൂന്നു വര്‍ഷത്തേക്കെങ്കിലും ഫുട്‌ബോളില്‍ ജയിക്കില്ലെന്നാണ് ഹ്രിസ്‌തോയുടെ വിലയിരുത്തല്‍. മെസ്സിയെ ആശ്രയിച്ചുള്ള ഒരു ടീം വേണമോ അതോ മറ്റു കളിക്കാരെയെല്ലാം ആശ്രയിച്ചുള്ള ടീം വേണമോ എന്നകാര്യം ആലോചിക്കേണ്ട സമയമാണെന്നും അദ്ദേഹം പറഞ്ഞു.

അര്‍ജന്റീനയുടെ തിരിച്ചുവരവ് ദുഷ്‌കരമാകും

അര്‍ജന്റീന ഫുട്‌ബോള്‍ മോശം അവസ്ഥയിലാണെന്നും മുന്‍താരം പറയുന്നുണ്ട്. പുതിയ പ്രസിഡന്റിന് എന്താണ് വേണ്ടതെന്ന് എനിക്കറിയില്ല. അതുതന്നെയായിരിക്കും വലിയ ചോദ്യമെന്നും അദ്ദേഹം പറഞ്ഞു. റഷ്യ ലോകകപ്പ് യോഗ്യത മെസ്സിയുടെ ഒറ്റയാള്‍ പോരാട്ടത്തിലൂടെയാണ് അര്‍ജന്റീന നേടിയെടുത്തതെന്ന് പറയാം. ഏഴു ഗോളുകളായിരുന്നു മെസ്സി അന്ന് സ്‌കോര്‍ ചെയ്തത്. മെസ്സി കളിക്കാത്ത മത്സരങ്ങളില്‍ തോല്‍വിയോ സമനിയോ ആയിരുന്നു ഫലമെന്നും കാണാം.

യുവാന്‍ സെബാസ്റ്റന്‍ വെറോണ്‍ പറയുന്നത്

മെസ്സിയെ കേന്ദ്രീകരിച്ചുള്ള കളി മതിയാക്കാനായെന്നാണ് മുന്‍ അര്‍ജന്റീന താരം യുവാന്‍ സെബാസ്റ്റ്യന്‍ വെറോണും നേരത്തെ പറഞ്ഞത്. ടീമിനെ ഒരു സംഘമായി വാര്‍ത്തെടുക്കാനുള്ള സമയമാണിത്. രാജ്യത്തിനുവേണ്ടി കളിക്കണമെന്ന് മെസ്സി ആഗ്രഹിക്കുകയാണെങ്കില്‍ ചെറിയ റോള്‍ മാത്രമേ നല്‍കാവൂയെന്നും വെറോണ്‍ പറഞ്ഞു.

അര്‍ജന്റീനയ്ക്ക് പുതിയ പരിശീലകര്‍, കളിക്കാര്‍

റഷ്യ ലോകകപ്പോടെ അര്‍ജന്റീനന്‍ ഫുട്‌ബോളിലെ ഒരു അധ്യായത്തിന് തിരശ്ശീല വീണുവെന്നാണ് വിലയിരുത്തല്‍. 2014ലെ ലോകകപ്പ് ഫൈനല്‍ 2015, 2016 വര്‍ഷങ്ങളിലെ കോപ്പ അമേരിക്ക രണ്ടാം സ്ഥാനം ഇവയൊക്കെ കടന്നുവന്ന ഒരു ടീം റഷ്യയില്‍ തകര്‍ന്നടിഞ്ഞതോടെ യുവതാരങ്ങളെ വളര്‍ത്തിക്കൊണ്ടുവരികയാണ് ഇനി ലക്ഷ്യമിടുന്നത്. അണ്ടര്‍ 20 ടീം കോച്ചായ ലയണല്‍ സ്‌കലോനിയെയും അസിസ്റ്റന്റായ പാബ്ലോ അയ്മറിനെയും താത്കാലിക പരിശീലകരായി ചുമതലപ്പെടുത്തിയിട്ടുണ്ട്. സപ്തംബറില്‍ നടക്കാനിരിക്കുന്ന സൗഹൃദ മല്‍സരങ്ങളാണ് ഇരുവര്‍ക്കും മുന്നിലുള്ള ആദ്യത്തെ വെല്ലുവിളി.