Click it and Unblock the Notifications
കൂടുതല് മാന് ഓഫ് ദി മാച്ചുകള്
ടൂര്ണമെന്റിന്റെ ചരിത്രത്തില് തന്നെ ഏറ്റവുമധികം തവണ മാന് ഓഫ് ദി മാച്ചായ ഇന്ത്യന് താരമെന്ന അപൂര്വ്വ റെക്കോര്ഡിന് അരികിലാണ് രോഹിത്. നിലവില് ഐപിഎല്ലില് കൂടുതല് തവണ മാന് ഓഫ് ദി മാച്ചായ താരമെന്ന റെക്കോര്ഡ് യൂനിവേഴ്സല് ബോസെന്നു സ്വയം വിളിക്കുന്ന വെസ്റ്റ് ഇന്ഡീസ് ഇതിഹാസം ക്രിസ് ഗെയ്ലിനു അവകാശപ്പെട്ടതാണ്. 125 മല്സരങ്ങള് കളിച്ച അദ്ദേഹം 21 തവണ മാന് ഓഫ് ദി മാച്ചായിട്ടുണ്ട്.
ഒന്നു മാത്രം പിറകിലായി ദക്ഷിണാഫ്രിക്കന് സൂപ്പര് ബാറ്റ്സ്മാന് എബി ഡിവില്ലിയേഴ്സാണ് രണ്ടാംസ്ഥാനത്ത്. മൂന്നാംസ്ഥാന്തതാണ് രോഹിത്. 17 തവണ ഹിറ്റ്മാന് കളിയിലെ മികച്ച താരമായി. രോഹിത് മാത്രമല്ല എംഎസ് ധോണി, ഡേവിഡ് വാര്ണറും മൂന്നാംസ്ഥാനം പങ്കിടുന്നുണ്ട്. ഇത്തവണ കസറിയാല് രോഹിത്തിന് എല്ലാവരെയും മറികടന്ന് തലപ്പത്തേക്കു കയറാനാവും.
4000 റണ്സെടുത്ത ആദ്യത്തെ മുംബൈ താരം
ഐപിഎല്ലില് 4000 റണ്സെന്ന നാഴികക്കല്ല് പിന്നിടുന്ന ആദ്യത്തെ മുംബൈ ഇന്ത്യന്സ് താരമായും രോഹിത് ഇത്തവണ മാറിയേക്കും. നിലവില് ടൂര്ണമെന്റിലെ എക്കാലത്തെയും വലിയ മൂന്നാമത്തെ റണ്വേട്ടക്കാരനാണ് ഹിറ്റ്മാന്. 143 മല്സരങ്ങളില് നിന്നും ഒരു സെഞ്ച്വറിയും 28 ഫിഫ്റ്റികളുമടക്കം 3744 റണ്സ് രോഹിത് നേടിക്കഴിഞ്ഞു. 256 റണ്സ് കൂടിയെടുത്താല് അദ്ദേഹത്തിന് 4000 റണ്സ് ക്ലബ്ബില് അംഗമാവാം.
നിലവില് ഐപിഎല്ലില് ഏറ്റവുമധികം റണ്സെടുത്ത താരം റോയല് ചാലഞ്ചേഴ്സ് ക്യാപ്റ്റന് വിരാട് കോലിയാണ്. 177 മല്സരങ്ങളില് നിന്നും അദ്ദേഹം വാരിക്കൂട്ടിയത് 5412 റണ്സാണ്. രണ്ടാമതുള്ളത് ചെന്നൈ സൂപ്പര് കിങ്സ് ഓള്റൗണ്ടര് സുരേഷ് റെയ്നയാണ്. 193 കളികളില് നിന്നും അദ്ദേഹത്തിന്റെ സമ്പാദ്യം 5368 റണ്സാണ്. ഐപിഎല്ലില് 4000ന് മുകളില് സ്കോര് ചെയ്തിട്ടുള്ള രണ്ടു താരങ്ങളും ഇവരാണ്.
കൂടുതല് സിക്സറടിച്ച ഇന്ത്യന് താരം
ഐപിഎല്ലില് കൂടുതല് സിക്സറടിച്ച ഇന്ത്യന് താരമെന്ന നേട്ടവും രോഹിത്തിനെ കാത്തിരിക്കുന്നുണ്ട്. നിലവില് അന്താരാഷ്ട്ര ടി20യില് ഏറ്റവുമധികം സിക്സര് പായിച്ച ഇന്ത്യന് താരം ഹിറ്റ്മാനാണ്. ഏകദിനത്തില് നാലാംസ്ഥാനത്തും താരമുണ്ട്.
ഐപിഎല്ലിലേക്കു വന്നാല് സിക്സര് വീരന്മാരുടെ പട്ടികയെടുത്താല് നാലാമതാണ് രോഹിത്. ക്രിസ് ഗെയ്ലാണ് ഒന്നാംസ്ഥാനത്തുള്ളത്. ഇന്ത്യന് താരങ്ങളുടെ കാര്യമെടുത്താല് എംഎസ് ധോണിയാണ് തലപ്പത്ത്. 209 സിക്സറുകള് മഹി പായിച്ചിട്ടുണ്ട്. 183 ഇന്നിങ്സുകളില് നിന്നും 194 സിക്സറുകളുമായി രോഹിത് അധികം പിറകിലല്ലാതെ രണ്ടാംസ്ഥാനത്തുണ്ട്. ഇത്തവണ ടൂര്ണമെന്റിന്റെ ഒരു ഘട്ടത്തില് ധോണിയെ പിന്തള്ളി ഹിറ്റ്മാന് ഒന്നാമതെത്താന് സാധ്യത കൂടുതലാണ്.
Continue with Google