ഐപിഎല്‍ അനിശ്ചിതകാലത്തേക്കില്ല.. ഇനി ഡബ്ല്യുസിഎല്‍, ഏറ്റവും ഹാപ്പി ആര്‍സിബിയും കോലിയും!! ട്രോള്‍

By Manu D

Published: Wednesday, April 15, 2020, 17:37 [IST]

മുംബൈ: രാജ്യത്തെ ലോക്ക്ഡൗണ്ട മേയ് മൂന്നു വരെ പ്രധാനമന്ത്രി നീട്ടിയതോടെ ഐപിഎല്ലിന്റെ സാധ്യതകളെയാണ് അത് കൂടുതല്‍ ദുഷ്‌കരമാക്കിയത്. ഇതോടെ ടൂര്‍ണമെന്റ് അനിശ്ചിത കാലത്തേക്കു നീട്ടി വയ്ക്കാന്‍ നിര്‍ബന്ധിതരായിരിക്കുകയാണ് ബിസിസിഐ. ഇനിയൊരു അറിയിപ്പ് ഉണ്ടാവുന്നതു വരെ ഐപിഎല്ലിനെക്കുറിച്ചുള്ള ചര്‍ച്ചകള്‍ വേണ്ടെന്നു ചുരുക്കം. ഇതു രണ്ടാം തവണയാണ് ടൂര്‍ണമെന്റ് നീട്ടി വയ്ക്കപ്പെടുന്നത്.

മാര്‍ച്ച് 29നായിരുന്നു ഐപിഎല്ലിന്റെ 13ാം സീസണ്‍ തുടങ്ങേണ്ടിയിരുന്നത്. എന്നാല്‍ രാജ്യത്തു കൊറോണ വൈറസ് കൂടുതല്‍ പേരിലേക്കു പടര്‍ന്നതോടെ ടൂര്‍ണമെന്റ് ഏപ്രില്‍ 15ലേക്കു ബിസിസിഐ മാറ്റി. ഇതിനിടെ രാജ്യത്തു 21 ദിവസത്തെ ലോക്ക്ഡൗണും നിലവില്‍ വന്നു. ഏപ്രില്‍ 14ന് ലോക്ക്ഡൗണ്‍ തീരേണ്ടതായിരുന്നു. പക്ഷെ കേന്ദ്രം ഇത് മേയ് മൂന്നിലേക്കു നീട്ടിയതോടെ ഐപിഎല്ലും അനിശ്ചിതമായി മാറ്റുകയായിരുന്നു. ടൂര്‍ണമെന്റ് നീട്ടിയതിനു പിന്നാലെ നിരവധി പ്രതികരണങ്ങളും ട്രോളുകളുമാണ് സമൂഹ മാധ്യമങ്ങളില്‍ വരുന്നത്. ഇവയില്‍ ചിലത് നമുക്കൊന്നു നോക്കാം.

ഐപിഎല്ലില്‍ ഇതുവരെ കിരീടം നേടിയിട്ടില്ലാത്ത റോയല്‍ ചാലഞ്ചേഴ്‌സ് ബാംഗ്ലൂരിനെയാണ് ചിലര്‍ ഐപിഎല്‍ അനിശ്ചിതമായി നീട്ടിയതോടെ ട്രോളിയത്. എല്ലാ സീസണിലും കിരീട പ്രതീക്ഷയുമായെത്തുന്ന ആര്‍സിബി പക്ഷെ ആരാധകരെ നിരാശാക്കിയാണ് ടൂര്‍ണമെന്റിനോടു വിട പറയാറുള്ളത്. അതുകൊണ്ടു തന്നെ ഐപിഎല്‍ നീണ്ടതോടെ ഏറ്റവുമധികം ഹാപ്പിയായ ടീം ആര്‍സിബിയാണെന്നാണ് പരിഹാസം. ടൂര്‍ണമെന്റ് നീട്ടിയെന്നറിഞ്ഞപ്പോള്‍ ആര്‍സിബി ടീമിന്റെ പ്രതികരണമെന്ന തലക്കെക്കോടെയായിരുന്നു ചിത്രം.

ഐപിഎല്‍ അനിശ്ചിതമായി മാറ്റി വച്ചതോടെ ധോണിയുടെ ഗംഭീര കരിയറിനും തിരശീല വീണുവെന്നായിുന്നു മറ്റൊരു പ്രതികരണം.

ഐപിഎല്‍ 2020 അനിശ്ചിതമായി നീട്ടിയതോടെ ഏറ്റവും സന്തോഷവാനായ വ്യക്തി ആരെന്നായിരുന്നു കോലിയുടെ ഫോട്ടോയൊടൊപ്പം ഒരു ട്വീറ്റ്.

സര്‍ക്കാര്‍ ലോക്ക്ഡൗണ്‍ നീട്ടിയിരിക്കുന്നു, ഐപിഎല്‍ ഇതോടെ അടുത്ത വര്‍ഷത്തേക്കു നീട്ടുകയും ചെയ്തിരിക്കുന്നു. ഇപ്പോള്‍ ഏറ്റവുമധികം സന്തോഷമുള്ള മുഖങ്ങള്‍ ഇവരായിരിക്കുമെന്നാണ് ആര്‍സിബി ടീമിന്റെ ഫോട്ടോയ്‌ക്കൊപ്പം ഒരു പ്രതികരണം.