Click it and Unblock the Notifications
കോലിയല്ല, ധോണിയാണ് വെല്ലുവിളി
വിരാട് കോലിയുടെ വിക്കറ്റ് നേടുന്നതിലും പ്രയാസം എംഎസ് ധോണിയുടെ വിക്കറ്റ് നേടുന്നതാണെന്നാണ് സൊഹൈല്‍ വെളിപ്പെടുത്തിയത്. വിരാട് കോലി അഡ്‌ലെയ്ഡില്‍ 126 പന്തില്‍ 107 റണ്‍സാണ് അന്ന് നേടിയത്. എട്ട് ബൗണ്ടറിയും ഇതില്‍ ഉള്‍പ്പെടും.
സാധാരണ അതിവേഗം റണ്‍സുയര്‍ത്തുന്ന താരമാണ് കോലിയെങ്കിലും 2015ലെ ലോകകപ്പില്‍ പാകിസ്താനെതിരേ കോലി കരുതലോടെയാണ് കളിച്ചത്. 84.92 മാത്രമായിരുന്നു താരത്തിന്റെ സ്‌ട്രൈക്കറേറ്റ്. കോലിയെ വിക്കറ്റ് കീപ്പര്‍ ഉമ്മര്‍ അക്മലിന്റെ കൈയിലെത്തിച്ചാണ് സൊഹൈല്‍ മടക്കടിക്കറ്റ് നല്‍കിയത്.
മത്സരത്തില്‍ ഇന്ത്യന്‍ നായകനായ ധോണി 13 പന്തില്‍ 18 റണ്‍സാണ് നേടിയത്. ഓരോ സിക്‌സും ഫോറുമടക്കം അതിവേഗത്തില്‍ റണ്‍സുയര്‍ത്താന്‍ ശ്രമിച്ച ധോണിയെ സൊഹൈല്‍ മിസ്ബാഹ് ഉല്‍ ഹഖിന്റെ കൈയിലെത്തിക്കുകയായിരുന്നു.
രോഹിത്തിനെതിരേ പന്തെറിയുന്നത് കടുപ്പം
ഇന്ത്യയുടെ നിലവിലെ നായകനും വെടിക്കെട്ട് ഓപ്പണറുമായ രോഹിത് ശര്‍മക്കെതിരേ പന്തെറിയുന്നതും പ്രയാസമുള്ള കാര്യമാണെന്നും സൊഹൈല്‍ തുറന്ന് പറഞ്ഞു. 'ന്യൂബോളില്‍ ഞാന്‍ എറിയാനെത്തുമ്പോള്‍ ക്രീസിലുണ്ടായിരുന്ന ബാറ്റ്‌സ്മാന്‍ രോഹിത് ശര്‍മയായിരുന്നു. ഞാന്‍ അവനെ പുറത്താക്കിയെങ്കിലും മികച്ച ഷോട്ടുകളും സാങ്കേതികതയുമുള്ള ബാറ്റ്‌സ്മാനാണ് രോഹിത്.
ബൗളര്‍മാരെ വളരെയധികം പ്രയാസപ്പെടുത്തുന്ന ബാറ്റ്‌സ്മാനാണവന്‍. എപ്പോഴും ജാഗ്രതയോടെ കളിക്കുന്നവനാണവന്‍. 150 കിലോ മീറ്റര്‍ വേഗത്തിലെറിഞ്ഞാലും 120 വേഗത്തിലെറിഞ്ഞാലും സിക്‌സര്‍ പായിക്കും. ഞാന്‍ പന്തെറിയാന്‍ ഭയപ്പെട്ട ഏക ബാറ്റ്‌സ്മാന്‍ രോഹിത്താണ്.
നിലയുറപ്പിച്ചാല്‍ സെഞ്ച്വറി കൊണ്ട് നിര്‍ത്താത്ത താരമാണ് രോഹിത്. 200ലേക്കാവും അവന്‍ ലക്ഷ്യമിടുന്നത്. അവനെ നേരത്തെ പുറത്താക്കാന്‍ സാധിച്ചത് ഭാഗ്യമായി'-സൊഹൈല്‍ പറഞ്ഞു. മത്സരത്തില്‍ 20 പന്തില്‍ 15 റണ്‍സ് നേടിയ രോഹിത്തിനെ സൊഹൈലിന്റെ പന്തില്‍ മിസ്ബാഹ് ക്യാച്ചിലൂടെ പുറത്താക്കുകയായിരുന്നു.
Also Read: സഞ്ജുവിനും കാറുകള്‍ വീക്കനസ്! ഗ്യാരേജിലെ വാഹനങ്ങള്‍ ഏതൊക്കെയെന്ന് അറിയാം
കോലിയെ സ്ലെഡ്ജ് ചെയ്‌തെന്നും സൊഹൈല്‍
മത്സരത്തിനിടെ വിരാട് കോലിയെ സ്ലെഡ്ജ് ചെയ്ത സംഭവും സൊഹൈല്‍ വെളിപ്പെടുത്തി. കോലി പ്രകോപിപ്പിച്ചപ്പോള്‍ നീ അണ്ടര്‍ 19 ലോകകപ്പ് കളിക്കുമ്പോള്‍ ഞാന്‍ പാകിസ്താനായി കളിക്കുന്നുണ്ടെന്ന് കോലിയോട് പറഞ്ഞുവെന്നാണ് സൊഹൈല്‍ വെളിപ്പെടുത്തിയത്.
ഇത് വലിയ വിവാദമാവുകയും ചെയ്തു. വലിയ വിമര്‍ശനമാണ് സൊഹൈലിനെതിരേ ഇന്ത്യന്‍ ആരാധകര്‍ ഉയര്‍ത്തിയത്. കോലിയെപ്പോലൊരു ഇതിഹാസ താരത്തിനെതിരേ നില്‍ക്കാന്‍ പോലും സൊഹൈലിന് യോഗ്യതയില്ലെന്നാണ് ഇന്ത്യന്‍ ആരാധകര്‍ പറഞ്ഞത്. 2008ല്‍ കോലി അണ്ടര്‍19 ലോകകപ്പ് കളിക്കുമ്പോള്‍ സൊഹൈല്‍ പാക് ടീമിലുണ്ട്.
