Click it and Unblock the Notifications
ഓസ്‌ട്രേലിയയെ സൂക്ഷിക്കുക
ദക്ഷിണാഫ്രിക്കയ്‌ക്കെതിരായ മത്സര ജയത്തിലൂടെ ഇന്ത്യന്‍ ടീമിന്റെ ആത്മവിശ്വാസം ഉയര്‍ന്നിട്ടുണ്ട്. ഓസ്‌ട്രേലിയയ്‌ക്കെതിരായ അടുത്ത മത്സരത്തില്‍ അത് ശരിയായ രീതിയില്‍ ഉപയോഗിക്കണം. ഓസ്‌ട്രേലിയ കൈകാര്യം ചെയ്യാന്‍ ബുദ്ധിമുട്ടുള്ള ടീമാണെന്ന് മനസിലാക്കുക. ആത്മവിശ്വാസത്തിന്റെ കാര്യത്തിലും ടീമെന്ന നിലയില്‍ അവര്‍ ഉയര്‍ന്നുനില്‍ക്കുന്ന സമയമാണിതെന്നും സച്ചിന്‍ പറഞ്ഞു
ഓവലിലെ പിച്ച്
ഓവലില്‍ നടക്കാനിരിക്കുന്ന ഇന്ത്യ ഓസ്‌ട്രേലിയ മത്സരം മികച്ചതായിരിക്കുമെന്നാണ് സച്ചിന്റെ പ്രതീക്ഷ. പിച്ച് ബൗളര്‍ക്ക് ബൗണ്‍സ് കണ്ടെത്താന്‍ സഹായിക്കും. ഓസ്‌ട്രേലിയയ്ക്കാണ് അത് കൂടുതല്‍ പ്രയോജനം ചെയ്യുക. ഓവലിലെ പിച്ചിന്റെ പൊതു സ്വഭാവമനുസരിച്ച് അപ്രതീക്ഷിത ബൗണ്‍സ് ഉള്ളത് തന്നെയായിരിക്കുമെന്നാണ് കരുതുന്നതെന്നും മുന്‍ ഇന്ത്യന്‍താരം പറഞ്ഞു.
സ്മിത്തും വാര്‍ണറും എത്തിക്കഴിഞ്ഞു
സ്മിത്തും വാര്‍ണറും എത്തിയതോടെ ഓസ്‌ട്രേലിയ മാറിക്കഴിഞ്ഞെന്ന് സച്ചിന്‍ ചൂണ്ടിക്കാട്ടി. ഇരു താരങ്ങളുടെയും സാന്നിധ്യം അവരെ വേറിട്ടതാക്കുന്നു. വാര്‍ണര്‍ ഐപിഎല്ലില്‍ മികച്ച ഫോമിലായിരുന്നു. കായികക്ഷമതയിലും താരം ഏറെ മുന്നിലാണ്. റണ്‍സ് കണ്ടെത്താനുള്ള അടങ്ങാത്ത ദാഹം വാര്‍ണറെ ടൂര്‍ണമന്റിലെ മികച്ച ബാറ്റ്‌സ്മാനാക്കുന്നുവെന്നും സച്ചിന്‍ വിലയിരുത്തി. അതേസമയം, ഓസ്‌ട്രേലിയയെ വരുതിയിലാക്കാനുള്ള ആയുധങ്ങളെല്ലാം ഇന്ത്യയ്ക്കുണ്ടെന്നും സച്ചിന്‍ വ്യക്തമാക്കി. ബാറ്റിങ്ങിലും ബൗളിങ്ങിലും എതിര്‍ടീമിനെ കവച്ചുവെക്കുന്ന പ്രകടനം ഇന്ത്യയ്ക്ക് നടത്താനാകും. നേരത്തെ അവരത് തെളിയിച്ചതാണെന്നും ക്രിക്കറ്റ് ഇതിഹാസം പറഞ്ഞു.
