Click it and Unblock the Notifications
ധവാന്റെ സെഞ്ച്വറി നിഷേധിച്ചു
ധവാന് സെഞ്ച്വറി കുറിക്കാന്‍ അവസരമുണ്ടായിരുന്നു. എന്നാല്‍ സഹതാരം കോളിന്‍ ഇന്‍ഗ്രാം സിക്‌സറടിച്ച് ജയിപ്പിച്ചതോടെ ധവാന് സെഞ്ച്വറി നഷ്ടമായി. അവസാന എട്ടു പന്തുകള്‍ ശേഷിക്കെ ഡല്‍ഹിക്ക് അഞ്ചു റണ്‍സ് മതിയായിരുന്നു ജയിക്കാന്‍. ഈ അവസരത്തില്‍ ധവാന് സ്‌ട്രൈക്ക് കൈമാറുമെന്നാണ് ആരാധകര്‍ പ്രതീക്ഷിച്ചതെങ്കിലും കോളിന്‍ ഇന്‍ഗ്രാം സിക്‌സറിലേക്കാണ് ബാറ്റ് വീശിയത്.
ധവാന് ഫോമിലെത്തി
ഐപിഎല്ലിലെ ധവാന്റെ ഉയര്‍ന്ന സ്‌കോര്‍ ആണിത്. പുതിയ സീസണില്‍ ഫോമിലെത്താന്‍ പ്രയാസപ്പെടുകയായിരുന്ന താരത്തിന്റെ വന്‍ തിരിച്ചുവരവ് കൂടിയായി ഇത്. ബാറ്റിങ്ങിലെ മെല്ലോപ്പോക്കിന് ഡല്‍ഹി പരിശീലകന്‍ റിക്കി പോണ്ടിങ്ങിന്റെ വിമര്‍ശനവും ധവാന് ഏറ്റുവാങ്ങേണ്ടിവന്നിരുന്നു. ബാറ്റിങ്ങിലെ താളം വീണ്ടെടുക്കാന്‍ കഴിഞ്ഞത് ധവാന് ആത്മവിശ്വാസമേകും.
ഇന്ത്യന്‍ ആരാധകര്‍ക്കും ആശ്വാസം
ലോകകപ്പിന് ആഴ്ചകള്‍ മാത്രം ശേഷിക്കെ ഇന്ത്യന്‍ ഓപ്പണര്‍ കൂടിയായ ധവാന് ഫോമിലെത്തിയത് ഇന്ത്യയുടെ ആരാധകര്‍ക്കും ആശ്വാസകരമാണ്. രോഹിത് ശര്‍മ ഉള്‍പ്പെടെ ഇന്ത്യയുടെ പ്രധാന ബാറ്റ്‌സ്മാന്മാര്‍ ഐപിഎല്ലില്‍ മികച്ച ഫോമിലല്ല. അത് ലോകകപ്പിലെ പ്രകടനത്തെ ബാധിക്കുമോ എന്ന ആശങ്കയും സജീവമാണ്. എന്തായാലും ഐപിഎല്‍ സമാപിക്കുമ്പോഴേക്കും ഇന്ത്യന്‍ താരങ്ങള്‍ സ്വതസിദ്ധമായ കളിയിലേക്ക് തിരിച്ചുവരുന്നത് സെലക്ടര്‍മാര്‍ക്കും ജോലി എളുപ്പമാക്കും.
