Click it and Unblock the Notifications
ഐസിസി നിയമമല്ലെന്ന് രാജീവ് ശുക്ല
ധോണിയുടേത് ഐസിസി നിയമത്തിന്റെ പരിധിയില്‍ വരുന്നതല്ലെന്നാണ് രാജീവ് ശുക്ലയുടെ വാദം. ഏതെങ്കിലും കൊമേഴ്‌സ്യലോ മതപരമായോ ബന്ധപ്പെട്ടിട്ടുള്ളതല്ല ഇത്. രാജ്യത്തിന്റെ അഭിമാനത്തെക്കുറിച്ചാണ് ധോണി സൂചിപ്പിക്കുന്നത്. അതുകൊണ്ടുതന്നെ ഐസിസിക്ക് ഇതില്‍ ഒരുതരത്തിലും എതിര്‍പ്പ് പ്രകടിപ്പിക്കാന്‍ കഴിയില്ലെന്നും അദ്ദേഹം വ്യക്തമാക്കി.
ഗ്ലൗസ് മാറ്റണമെന്ന് ഐസിസി
അതേസമയം, ഇത് ധോണി മാറ്റണമെന്നാണ് ഐസിസിയുടെ നിര്‍ദ്ദേശം. ഐസിസിയുടെ നിയമമനുസരിച്ച് ക്രിക്കറ്റ് താരങ്ങള്‍ ഏതെങ്കിലും രാഷ്ട്രീയ പാര്‍ട്ടികളുടെയോ, മതങ്ങളുടെയോ, വംശീയതയുമായി ബന്ധപ്പെട്ടതോ ആയിച്ചുള്ള സന്ദേശങ്ങള്‍ വസ്ത്രങ്ങളിലോ മറ്റുപകരണങ്ങളിലോ പ്രദര്‍ശിപ്പിക്കാന്‍ പാടില്ല. ഇന്ത്യയ്ക്ക് ഇക്കാര്യത്തില്‍ അനുവാദം നല്‍കിയാല്‍ മറ്റു രാജ്യങ്ങളും അനുകരിച്ചേക്കുമെന്നാണ് ഐസിസിയുടെ വാദം.
പാക് മന്ത്രി പരിഹസിച്ചു
പാക്കിസ്ഥാന്‍ മന്ത്രി ഫവാദ് ചൗധരി വിഷയത്തില്‍ ധോണിയെ പരിഹസിച്ചിരുന്നു. ധോണി ഇംഗ്ലണ്ടില്‍ ലോകകപ്പ് കളിക്കുകയാണെന്നും ഇത് മഹാഭാരതം അല്ലെന്നുമാണ് മന്ത്രിയുടെ പരിഹാസം. ചില ഇന്ത്യ മാധ്യമങ്ങള്‍ യുദ്ധം ആഗ്രഹിക്കുന്നവരാണെന്നും അവരെ സിറിയയിലേക്കും അഫ്ഗാനിസ്ഥാനിലേക്കുമെല്ലാം കൂലിപ്പട്ടാളക്കാരായി അയക്കുകയാണ് വേണ്ടെന്നും അദ്ദേഹം നിര്‍ദ്ദേശിച്ചു.
