Click it and Unblock the Notifications
മൂന്നാമനായി തന്നെ ഇറങ്ങുക
സിഎസ്‌കെയ്‌ക്കെതിരായ ഉദ്ഘാടന മല്‍സരത്തില്‍ ആര്‍സിബിക്കു വേണ്ടി കോലി ഓപ്പണറായി ഒരു പരീക്ഷണം നടത്തിയെങ്കിലും പരാജയപ്പെടുകയായിരുന്നു. രണ്ടാമത്തെ കൡയില്‍ തന്റെ സ്ഥിരം പൊസിഷനായ മൂന്നാം നമ്പറിലേക്കു അദ്ദേഹം മാറുകയും ചെയ്തിരുന്നു.
ഇന്ത്യക്കൊപ്പം നിരവധി ഉജ്ജ്വല ഇന്നിങ്‌സുകള്‍ കോലി കളിച്ചത് മൂന്നാം നമ്പറിലാണ്. ആര്‍സിബിക്കു വേണ്ടിയും ഇനിയുള്ള മല്‍സരങ്ങളില്‍ തന്നെ ഇതേ പൊസിഷനില്‍ ഇറങ്ങാന്‍ അദ്ദേഹം ശ്രമിക്കണം.
മധ്യനിരയുടെ വീക്ക്‌നെസ്
ആര്‍സിബിയുടെ മധ്യനിര ഇപ്പോള്‍ അത്ര കെട്ടുറപ്പുള്ളതല്ല. എത്രയും വേഗം ഈ പോരായ്മ കോലി പരിഹരിക്കേണ്ടിയിരിക്കുന്നു. എബി ഡിവില്ലിയേഴ്‌സ് കഴിഞ്ഞാല്‍ മധ്യനിരയില്‍ ആര്‍സിബിക്കു ആശ്രയിക്കാവുന്ന മറ്റൊരു മികച്ച കളിക്കാര്‍ ഇല്ലെന്ന് കഴിഞ്ഞ മല്‍സരങ്ങള്‍ കാണിച്ചുതന്നു.
വിന്‍ഡീസിന്റെ യുവ സെന്‍സേഷനായ ഷിറോണ്‍ ഹെറ്റ്മയറെ ഈ സീസണില്‍ ടീമിലേക്കു കൊണ്ടു വന്നെങ്കിലും കഴിഞ്ഞ രണ്ടു മല്‍സരങ്ങളിലും താരം ഫ്‌ളോപ്പായിരുന്നു. ആദ്യ കളിയില്‍ ഡെക്കായ ഹിറ്റ്‌മെയര്‍ക്കു രണ്ടാം മല്‍സരത്തില്‍ അഞ്ചു റണ്‍സാണ് നേടാനായത്.
സ്ഥിരതയാര്‍ന്ന പ്രകടനം നടത്തുന്ന ഓസീസ് ഓള്‍റൗണ്ടര്‍ മാര്‍ക്കസ് സ്‌റ്റോയ്ണിസിനെ അടുത്ത മല്‍സരം മുതല്‍ പ്ലെയിങ് ഇലവനിലുള്‍പ്പെടുത്തിയാല്‍ അത് ആര്‍സിബി മധ്യനിരയ്ക്കു കരുത്തേകും.
ഇന്ത്യന്‍ താരങ്ങളെ ഉപയോഗപ്പെടുത്തണം
ഇന്ത്യയുടെ യുവതാരങ്ങളെ പരമാവധി ഉപയോഗിക്കുന്നതില്‍ പരാജയപ്പെടുന്ന ടീമുകളിലൊന്നാണ് ആര്‍സിബി. ഇത്തവണയും അതില്‍ മാറ്റമൊന്നും കാണുന്നില്ല. യുവ ഓള്‍റൗണ്ടര്‍ വാഷിങ്ടണ്‍ സുന്ദറിനെ കഴിഞ്ഞ രണ്ടു മല്‍സരങ്ങളിലും കളിപ്പിക്കാന്‍ ആര്‍സിബി തയ്യാറായില്ല. ആദ്യ മല്‍സരം നടന്ന ചെന്നൈ അദ്ദേഹത്തിന്റെ ഹോം ഗ്രൗണ്ട് കൂടിയായിരുന്നു.
വാഷിങ്ടണ്‍ മാത്രമല്ല ഹിമ്മത്ത് സിങ്‌സ മലയാളി ബാറ്റ്‌സ്മാന്‍ ദേവ്ദത്ത് പടിക്കല്‍, മിലിന്ദ് കുമാര്‍, അക്ഷ്ദീന് നാഥ്, പ്രയസ് ബര്‍മന്‍ എന്നിവരെയും ആര്‍സിബി ഇനിയുള്ള മല്‍സരങ്ങളില്‍ പരീക്ഷിച്ചു നോക്കേണ്ടതുണ്ട്.
വിദേശ താരങ്ങള്‍ ആരൊക്കെ?
പ്ലെയിങ് ഇലവനില്‍ ഏതൊക്കെ വിദേശ താരങ്ങളെ ഉള്‍പ്പെടുത്തണമെന്ന കാര്യത്തില്‍ ആര്‍സിബിക്കു ഇപ്പോഴും ആശയക്കുഴപ്പമുണ്ട്. ടിം സോത്തി, ഹെന്റിച്ച് ക്ലാസെന്‍ എന്നിവരെ കഴിഞ്ഞ മല്‍സരങ്ങളില്‍ പുറത്തിരുത്തിയ ആര്‍സിബി പകരം കോളിന്‍ ഡി ഗ്രാന്‍ഡോമിനെയാണ് കളിപ്പിച്ചത്. താരമാവട്ടെ നിരാശപ്പെടുത്തുകയും ചെയ്തു. ആദ്യ കൡയില്‍ നാലും രണ്ടാമത്തെ കളിയില്‍ രണ്ടും റണ്‍സായിരുന്നു താരത്തിന്റെ സമ്പാദ്യം.
ഗ്രാന്‍ഡോമിനു പകരം മധ്യനിര ബാറ്റ്‌സ്മാനായ ക്ലാസനെയോ പേസര്‍ സോത്തിയെയോ കളിപ്പിക്കുന്നതാവും ആര്‍സിബിക്കു ഗുണം ചെയ്യുക. സോത്തിയുടെ വരവ് ആര്‍സിബി ബൗളിങിനു മൂര്‍ച്ച കൂട്ടും. ഹെറ്റ്‌മെയര്‍ക്കു പകരം സ്റ്റോയ്ണിസിനെയും ആര്‍സിബിക്കു കളിപ്പിക്കാം.
ചില സര്‍പ്രൈസുകള്‍
കഴിഞ്ഞ സീസണിലെ കണ്ടെത്തലുകളൊന്നായിരുന്ന മയാങ്ക് മര്‍ക്കാണ്ഡെയെന്ന യുവ സ്പിന്നറെ അവതിരിപ്പിച്ച് ഞെട്ടിച്ച മുംബൈയെപ്പോലെ ഒരു സര്‍പ്രൈസ് താരത്തെ ആര്‍സിബിയും പരീക്ഷിക്കേണ്ടതുണ്ട്. ബൗളിങില്‍ മാത്രമല്ല ബാറ്റിങിലും മിടുക്കനായ വാഷിങ്ടണ്‍ സുന്ദറിനെ ഓപ്പണറായി ഇറക്കി ആര്‍സിബിക്കു എതിരാളികളെ ഞെട്ടിക്കാം.
നേരത്തേ തമിഴ്‌നാട് പ്രീമിയര്‍ ലീഗില്‍ ഓപ്പണറായി കളിച്ചിട്ടുള്ള താരമാണ് വാഷിങ്ടണ്‍. ക്ലാസനാവട്ടെ മധ്യ ഓവറുകളില്‍ സ്പിന്നര്‍മാര്‍ക്കെതിരേ മികച്ച പ്രകടനം നടത്താന്‍ ശേഷിയുള്ള ബാറ്റ്‌സ്മാനുമാണ്.
