Click it and Unblock the Notifications
റായിഡു വേണ്ട രാഹുല് മതി
സീസണ് ആരംഭത്തില് അമ്പാട്ടി റായിഡുവിന്റെ പേരാണ് നാലാം നമ്പറില് പറഞ്ഞു കേട്ടിരുന്നത്. എന്നാല് റായിഡു മോശം ഫോമില് കളിക്കുന്ന താരമാണ്. രാഹുലാകട്ടെ മികച്ച ഫോമിലും. ഓപ്പണര് ആണെങ്കിലും രാഹുലിന് നാലാം നമ്പറില് കളിക്കുന്നതിന് പ്രയാസമൊന്നുമില്ല. ഏതു സ്ഥാനത്തുകളിക്കാനും പ്രാപ്തിയുള്ള കളിക്കാരനാണ് രാഹുലെന്നും ഗാവസ്കര് വിലയിരുത്തി.
രാഹുല് മികച്ച ഫോമില്
കഴിഞ്ഞ സീസണില് മോശം പ്രകടനം നടത്തിയ താരമാണ് രാഹുല്. അതുകൊണ്ടുതന്നെ ലോകകപ്പില് ഉള്പ്പെടാനുള്ള സാധ്യതയും വിരളമായിരുന്നു. എന്നാല്, ഐപിഎല്ലില് മികവിലേക്കുയര്ന്നതോടെ രാഹുലിനെ തഴയാന് സെലക്ടര്മാര്ക്ക് കഴിയില്ല. ഏഴ് ഐപിഎല് മത്സരങ്ങളില്നിന്നായി രാഹുല് 317 റണ്സ് നേടിക്കഴിഞ്ഞു. ടോപ് സ്കോററില് രണ്ടാം സ്ഥാനത്താണിപ്പോള് രാഹുല്.
നാലാംസ്ഥാനത്തിന് മത്സരം
അമ്പാട്ടി റായിഡു, വിജയ് ശങ്കര്, കെഎല് രാഹുല്, ദിനേഷ് കാര്ത്തിക് തുടങ്ങിയ കളിക്കാരാണ് നാലാം നമ്പറിനായി മത്സരിക്കുന്നത്. അമ്പാട്ടി റായിഡുവിന്റെ ഫോമില്ലായ്മ ലോകകപ്പ് സ്ഥാനത്തെ ബാധിച്ചേക്കും. ഓള്റൗണ്ടറെന്ന നിലയില് വിജയ് ശങ്കറിന് ഇടം കിട്ടാനും സാധ്യതയുണ്ട്. എന്നാല് വിജയിയുടെ പരിചയസമ്പത്തില്ലായ്മ ഒരു പോരായ്മയാണ്. ഏപ്രില് 15ന് ഇന്ത്യന് ടീമിനെ പ്രഖ്യാപിക്കുമ്പോള് ഏവരും ഉറ്റുനോക്കുന്നത് നാലാമനായി ആരെത്തുമെന്നത് തന്നെയായിരിക്കും.
Continue with Google