ഇന്ത്യ-ശ്രീലങ്ക ഏകദിനം ഉപേക്ഷിച്ചു

കൊളംബോ: മഴ മൂലം ഗ്രൗണ്ടിലെ ഔട്ട്ഫീല്‍ഡില്‍ ഈര്‍പ്പം നിറഞ്ഞുനില്‍ക്കുന്നതിനാല്‍ ഇന്ത്യ-ശ്രീലങ്ക ആദ്യഏകദിന മത്സരം ഉപേക്ഷിച്ചു.

മാച്ച് റഫറി ക്രിസ് ബോര്‍ഡ് രാവിലെ 11.30ന് ഗ്രൗണ്ട് പരിശോധിച്ചതിനെ തുടര്‍ന്നാണ് കളി വൈകി തുടങ്ങാന്‍ തീരുമാനിച്ചത്. 2.30ന് വീണ്ടും പരിശോധനം നടത്തിയതിനു ശേഷം കളി ഉപേക്ഷിക്കാന്‍ തീരുമാനിക്കുകയായിരുന്നു.

ശ്രീലങ്ക-ദക്ഷിണാഫ്രിക്ക മത്സരം മഴ മൂലം രണ്ടു തവണ റദ്ദാക്കിയിരുന്നു. ശനിയാഴ്ച ഇന്ത്യയും ദക്ഷിണാഫ്രിക്കയും തമ്മില്‍ കളിക്കും.