Click it and Unblock the Notifications
സ്റ്റോക്സിന് ഇസിബിയുടെ പൂര്ണ്ണ പിന്തുണ
മാനസികമായ ബുദ്ധിമുട്ടുകള് നേരിടുന്നതിനാലാണ് സ്റ്റോക്സ് ഇത്തരമൊരു അവധിയില് പോകാന് തീരുമാനിച്ചിരിക്കുന്നത്. ഇംഗ്ലണ്ടിനെ സംബന്ധിച്ച് വലിയ തിരിച്ചടി നല്കുന്ന തീരുമാനമാണ് സ്റ്റോക്സിന്റേതെങ്കിലും പൂര്ണ്ണ പിന്തുണ അറിയിച്ചിരിക്കുകയാണ് ഇംഗ്ലണ്ട് ആന്റ് വെയ്ല്സ് ക്രിക്കറ്റ് ബോര്ഡ്. ഔദ്യോഗിക ട്വിറ്റര് പേജിലൂടെ ഇസിബി സ്റ്റോക്സിന് പിന്തുണ വ്യക്തമാക്കിയിട്ടുണ്ട്. തന്റെ മാനസീകാവസ്ഥ തുറന്ന് പറയാന് കാണിച്ച സ്റ്റോക്സിന്റെ ധൈര്യത്തെ പ്രശംസിച്ചുകൊണ്ടാണ് ഇസിബി പിന്തുണ അറിയിച്ചത്. ഇംഗ്ലണ്ടിനെ സംബന്ധിച്ച് ഇന്ത്യന് പരമ്പരയില് നികത്താനാവാത്ത വിടവാണ് സ്റ്റോക്സിന്റേത്.
ലോകകപ്പ് ടീമിലൂടെ തിരിച്ചെത്തിയേക്കും
ഐപിഎല് 2021 ന്റെ രണ്ടാം പാദം കളിക്കാന് ഉണ്ടാകില്ലെന്ന് നേരത്തെ തന്നെ സ്റ്റോക്സ് വ്യക്തമാക്കിയിരുന്നു. വിശ്രമത്തില് പോകുകയാണെന്ന് അദ്ദേഹം തന്നെ പ്രഖ്യാപിച്ചതോടെ ഐപിഎല് രണ്ടാം പാദത്തില് ഉണ്ടാകില്ലെന്ന് ഉറപ്പായിരിക്കുകയാണ്. ഇനി ടി20 ലോകകപ്പ് ടീമിലൂടെ ബെന് സ്റ്റോക്സ് തിരിച്ചെത്തുമെന്ന പ്രതീക്ഷയിലാണ് ആരാധകര്. നേരത്തെ ഓസ്ട്രേലിയയുടെ ഗ്ലെന് മാക്സ് വെല്ലും ഇത്തരത്തില് മാനസിക പ്രശ്നം ചൂണ്ടിക്കാട്ടി ക്രിക്കറ്റില് നിന്ന് ഇടവേളയെടുത്തിരുന്നു.
ഇംഗ്ലണ്ടിന് വലിയ തിരിച്ചടിയെന്ന് പ്രമുഖര്
ഇന്ത്യന് പരമ്പരയില് നിന്ന് സ്റ്റോക്സ് പുറത്തായത് ഞെട്ടിപ്പിക്കുന്ന തീരുമാനമെന്നാണ് ഒട്ടുമിക്ക ആളുകളും പ്രതികരിച്ചിരിക്കുന്നത്. ഇത്തരത്തിലൊരു പ്രഖ്യാപനം ഉണ്ടാകുമെന്ന് കരുതിയില്ലെന്നാണ് ഇന്ത്യന് താരം ദിനേഷ് കാര്ത്തിക് പ്രതികരിച്ചത്. പകരക്കാരനില്ലാത്ത താരമാണെന്നും ഇംഗ്ലണ്ടിന് കടുത്ത തിരിച്ചടിയെന്നുമാണ് ഹര്ഷ ഭോഗ്്ല പ്രതികരിച്ചത്. ഇത് ഇംഗ്ലണ്ടിനെ കാര്യമായി ബാധിക്കുമെന്നും അദ്ദേഹം കൂട്ടിച്ചേര്ത്തു.
Continue with Google